စင်ကာပူနိုင်ငံတွင် PSLE၊ O-level နှင့် အမျိုးသား စာမေးပွဲရလဒ်များကို အွန်လိုင်းမှ ထုတ်ပြန်ပေးမည်

အင်္ဂါနေ့  (အောက်တိုဘာ ၂၇) တွင် အစီအစဉ်သစ်များကို ပညာရေးဝန်ကြီးဌာန (MOE) နှင့် စင်ကာပူစာမေးပွဲ အကဲဖြတ်အဖွဲ့ (SEAB) တို့သည် ကြေညာခဲ့သည်။ Covid-19 ရောဂါအနည်းငယ် ဖြစ်ပွားနေချိန်တွင် စင်ကာပူမှ ကျောင်းသားများ၏ အမျိုးသားစာမေးပွဲရလဒ်များကို အွန်လိုင်းမှ ထုတ်ပေးလိမ့်မည်ဟုသိရသည်။

မူလတန်းကျောင်းထွက်ခွာခွင့် စာမေးပွဲ (PSLE) နှင့် Level A များအပါအဝင်စာမေးပွဲအတွက် ရလဒ်ထွက်မည့် နေ့ကို MOE ဝဘ်ဆိုဒ်တွင် ထုတ်ပြန်ကြေညာပေးမည်။ စာမေးပွဲရလဒ်ထွက်မည့် ရက်အတိအကျကို ထွက်မည့်နေ့မတိုင်မီ တစ်ပတ်အလိုတွင်အတည်ပြုလိမ့်မည်။

ကျောင်းသားများသည် ၎င်းတို့၏ ရလဒ်များကို အွန်လိုင်းမှ SEAB ဝက်ဘ်ဆိုက်တွင် သက်ဆိုင်ရာ ရလဒ်များထွက်မည့်ရက်ကို အွန်လိုင်းစနစ်တွင် စကားဝှက်သို့မဟုတ် SingPass ဖြင့်ကြည့်နိုင်သည်။

MOE အနေဖြင့် ကျောင်းသားများသည် ၎င်းတို့၏ စာမေးပွဲရလဒ်အမှတ်များဖြင့် သက်ဆိုင်ရာကျောင်းများကိုတက်ရောက်နိုင်သည်။ ထိုသို့ပြုလုပ်ခြင်းသည် ကျောင်းသားများအတွက် အရေးကြီးသောအဆုံးအဖြတ်တစ်ခုဖြစ်သည်။

ရလဒ်များကို လူကိုယ်တိုင်ထုတ်ယူလိုသူများသည် စာသင်ခန်းများကဲ့သို့သော လူစည်ကားသည့်နေရာများအစား စာသင်ခန်း တစ်ခန်းချင်းတွင် ထုတ်ယူနိုင်သည်။ လူကိုယ်တိုင်လာရောက်ထုတ်ယူသူများသည် covid-19 ရောဂါကာကွယ်ရန်အတွက် ထုတ်ပြန်ထားသော စည်းမျဉ်းစည်းကမ်းများကို လိုက်နာရမည်ဖြစ်သည်။

သို့သော်ကျောင်းသားမိဘများနှင့် ၎င်းတို့၏အုပ်ထိန်းသူများသည် စာမေးပွဲရလဒ်များထုတ်ရန် သတ်မှတ်ထားသော ကျောင်းများရှိနေရာများတွင် စောင့်ဆိုင်းရန်နှင့် လုံခြုံစိတ်ချရသော covid-19 ရောဂါကာကွယ်ရန်အတွက် ထုတ်ပြန်ထားသော စည်းမျဉ်းစည်းကမ်းများကိုကြိုတင်လေ့လာရန်လိုအပ်သည်။

ရလဒ်များ ထုတ်ပြန်သည့်နေ့၌ ဖျားနာခြင်း သို့မဟုတ် Covid-19 ရောဂါလက္ခဏာပြနေသော ကျောင်းသားများသည် ကျောင်းသို့မလာသင့်ပါ။

ကျောင်းတွင် စာမေးပွဲရလဒ်များကို လာရောက်မထုတ်ယူနိုင်သူများသည် ၎င်းတို့၏ ရလဒ်မိတ္တူများနှင့် MOE ဝက်ဘ်ဆိုက်တွင် ဖော်ပြထားသော ဖောင်များကို စုဆောင်းရန် proxy ကိုခန့်ထားနိုင်သည်။

အကယ်၍ သူတို့သည် ရလဒ်များကို စုဆောင်းရန် proxy ကိုခန့် ထား၍ မရပါက နောက်ထပ်အကူအညီရယူရန်ကျောင်းသို့ဆက်သွယ်နိုင်သည်။

Ref: straitstimes

By Yu Khine