မူလတန်းကလေးတွေအတွက် အခမဲ့ သင်ယူလို့ရမယ့် App

Grade (1) ကနေ Grade (6) အထိ မြန်မာကျောင်းသား၊ ကျောင်းသူလေးတွေအတွက် အင်္ဂလိပ်စာ၊ သင်္ချာ၊ သိပ္ပံဘာသာရပ်တွေကို လေ့လာရာမှာ ပျော်ရွှင်စရာကောင်းအောင် သင်ခန်းစာတွေကို ဆွဲဆောင်မှုရှိရှိ ပြင်ဆင်ပေးထားတဲ့ Platform တစ်ခုအကြောင်း ပြောပြပါမယ်။

"Free to Learn" လို့ခေါ်ပြီး ကျောင်းသားတွေရဲ့ ဘာသာရပ်ဆိုင်ရာ အသိပညာနဲ့ စွမ်းရည်တွေကို တိုးတက်စေဖို့နဲ့ အခွင့်အရေးနည်းပါးတဲ့ ကလေးတွေလည်း ပညာရေးကို လက်လှမ်းမှီစေဖို့အတွက် ရည်ရွယ်ထားပါတယ်။

မြန်မာသင်ရိုးညွှန်းတမ်းနဲ့ အပြည့်အ၀ ကိုက်ညီအောင် စီစဉ်ထားပေးပြီး ကျောင်းသားတွေအတွက် အတန်းအလိုက် လိုအပ်တဲ့ ဘာသာရပ်တွေကို App တွေအဖြစ် ဖန်တီးပေးထားပါတယ်။ Offline App တွေ ဖြစ်တဲ့အတွက် အင်တာနက်မလိုဘဲ ဘယ်နေရာ၊ ဘယ်အချိန်မှာမဆို လေ့ကျင့်ပေးနိုင်ပါတယ်။

App တွေမှာလည်း အတန်းအလိုက်၊ ဘာသာရပ်အလိုက် စိတ်ဝင်စားစရာကောင်းတဲ့ ရောင်စုံရုပ်ပုံတွေ၊ သဘောတရားတွေကို တစ်ဆင့်ပြီး တစ်ဆင့် နားလည်အောင် ရှင်းပြပေးမယ့် ကလေးတွေအကြိုက် Animations တွေ၊ ဉာဏ်စမ်းမေးခွန်းတွေ၊ လေ့ကျင့်ခန်းတွေ၊ လက်တွေ့လုပ်ဆောင်ချက်တွေ ပါဝင်ပါတယ်။ 

ဂိမ်းတွေဆော့သလို တစ်ဆင့်ချင်း ပျော်ပျော်ရွှင်ရွှင် လေ့လာနိုင်မှာ ဖြစ်တာကြောင့် မူလတန်း ဆရာ/ဆရာမတွေအပြင် အိမ်မှာ ကိုယ့်ကလေးကို စာပြန်သင်ပေးရတဲ့ မေမေတွေအတွက်လည်း အထောက်အကူ ဖြစ်စေပါတယ်။

ဘာကြောင့် ဒီ Platform က အသုံးဝင်လဲ?

• ဖုန်းနဲ့ လွယ်ကူစွာ အသုံးပြုနိုင်ခြင်း
• အင်တာနက်မလိုခြင်း
• အခမဲ့ ဖြစ်ခြင်း
• အချိန်/နေရာကန့်သတ်ချက်မရှိခြင်း
• လက်တွေ့လုပ်ဆောင်ချက်တွေပါဝင်ခြင်း
• ကလေးတွေရဲ့ သိလိုစိတ်ကို လှုံ့ဆော်နိုင်ခြင်း
• ဘာသာရပ်တစ်ခုပြီးရင် အောင်လက်မှတ်ပါ ရရှိခြင်းတို့ကြောင့် ဖြစ်ပါတယ်။

အသုံးပြုချင်တယ်ဆိုရင်တော့ www.f2lmm.org ထဲ ဝင်ရောက်ပြီး ကိုယ်အသုံးလိုတဲ့ App ကို ဒေါင်းလုတ်လုပ် လေ့ကျင့်လို့ ရပါပြီ။ 

==================================

ပညာရေးဆိုင်ရာ သတင်းအချက်အလက် အစုံအလင်ကို
Telegram နှင့် Viber မှာလည်း အလွယ်တကူ ဖတ်ရှုနိုင်ပါတယ်။

> https://t.me/eudcationguide (Telegram)

> https://invite.viber.com/? (Viber)

နှစ်ပတ်တစ်ကြိမ် ပေးပို့နေတဲ့ Education Bulletin ကို
ရယူဖို့လည်း Subscribe လုပ်ထားနိုင်ပါတယ်။

> https://shorturl.at/ktCaP