သွားဘက်ဆိုင်ရာ ဆေးတက္ကသိုလ် (ရန်ကုန်နှင့် မန္တလေး) တို့တွင် အောက်ပါ ဒီပလိုမာသင်တန်းများကို ဖွင့်လှစ်မည်ဖြစ်သဖြင့် ၂၀၂၅ ခုနှစ်၊ နိုဝင်ဘာ (၂၈) ရက်နေ့အထိ လျှောက်ထားနိုင်သည်။
- သွားကျန်းမာရေးသူနာပြုဒီပလိုမာသင်တန်း (၂ နှစ်)
- သွားတုလုပ်ငန်းကျွမ်းကျင်မှုဒီပလိုမာသင်တန်း (၂ နှစ်)
သွားကျန်းမာရေးသူနာပြုဒီပလိုမာသင်တန်းကို သွားဘက်ဆိုင်ရာဆေးတက္ကသိုလ် (ရန်ကုန်/မန္တလေး) တို့တွင်လျှောက်ထားနိုင်သည်။
လိုအပ်သောအရည်အချင်း
- ပြည်ထောင်စုမြန်မာနိုင်ငံသားဖြစ်ရမည်။
- တက္ကသိုလ်တစ်ခုခုမှ သိပ္ပံဘွဲ့ ရရှိပြီးသူဖြစ်ရမည်။
- လျှောက်လွှာပိတ်ရက်တွင် အသက် (၂၅) နှစ်ထက် မကျော်လွန်သူဖြစ်ရမည်။
- သင်တန်းတက်ရောက်အောင်မြင်ပြီး နိုင်ငံ့ဝန်ထမ်းအဖြစ် (၃) နှစ်ဆက်တိုက် တာဝန်ထမ်းဆောင်နိုင်သူဖြစ်ရမည်။
- သင်တန်းတက်ရောက်ခွင့်စာရင်းထုတ်ပြန်ပြီးမှ သင်တန်းကို မတက်လျှင်ဖြစ်စေ၊ သင်တန်းကို ပြီးဆုံးသည်အထိ မတက်လျှင်ဖြစ်စေ၊ သင်တန်းအောင်မြင်ပြီးနောက် သတ်မှတ်ထားသည့်ကာလအတွင်း နိုင်ငံ့တာဝန်ကို မထမ်းဆောင်နိုင်လျှင်ဖြစ်စေ သတ်မှတ်ထားသော လျော်ကြေးငွေ (၃) သိန်းကျပ်ကို ပေးဆောင်ရန် ကတိခံဝန်စာချုပ်ချုပ်ဆိုနိုင်သူ ဖြစ်ရမည်။
လျှောက်ထားရမည့်ပုံစံ
လျှောက်လွှာကို အောက်ဖော်ပြပါ သက်ဆိုင်ရာတက္ကသိုလ်များတွင် ထုတ်ယူပြီး ၂၀၂၅ ခုနှစ်၊ နိုဝင်ဘာ (၂၈) ရက်နေ့ထက် နောက်မကျဘဲ ပေးပို့ လျှောက်ထားရမည်။
သွားဘက်ဆိုင်ရာဆေးတက္ကသိုလ် (ရန်ကုန်) - အမှတ် (၅၈၂)၊ သံသုမာလမ်း၊ သွပ်ဝိုင်းကြီးရပ်ကွက်၊ သင်္ဃန်းကျွန်းမြို့နယ်၊ ရန်ကုန်။
ဖုန်း - ၀၉-၄၄၈၀၄၃၅၂၀
သွားဘက်ဆိုင်ရာဆေးတက္ကသိုလ် (မန္တလေး) - မြို့သစ် (၁) ရပ်ကွက်၊ ခုတင် (၃၀၀) ဆံ့ သင်ကြားရေးဆေးရုံ တောင်ဘက်၊ အရိုးရောဂါကုအထူးဆေးရုံကြီး မြောက်ဘက်၊ ချမ်းမြသာစည်မြိူ့နယ်၊ မန္တလေး။
ဖုန်း - ၀၉-၂၅၉၅၂၆၇၅၀၊ ၀၉-၄၀၂၆၈၀၁၂၃
လျှောက်လွှာတွင် ဖြည့်စွက်ရမည့် အချက်အလက်များ
- အမည်၊ နိုင်ငံသားစိစစ်ရေးကတ်အမှတ်
- အသက်၊ မွေးသက္ကရာဇ် (ရက်၊ လ၊ နှစ်)
- မိဘအမည်နှင့် နိုင်ငံသားစိစစ်ရေးကတ်အမှတ်
- ပညာအရည်အချင်း
- ဆက်သွယ်ရန် လိပ်စာအပြည့်အစုံ၊ ဖုန်းနံပါတ်
- ဝန်ထမ်းဖြစ်ပါက လက်ရှိရာထူး/ဌာန
လျှောက်လွှာနှင့်အတူ ပူးတွဲတင်ပြရမည့် စာရွက်စာတမ်းများ
- အခြေခံပညာအထက်တန်း/တက္ကသိုလ်ဝင်တန်းစာမေးပွဲအောင်လက်မှတ် မိတ္တူ (၁) စောင်နှင့် ဘွဲ့လက်မှတ်မိတ္တူ (၁) စောင်
- နိုင်ငံသားစိစစ်ရေးကတ်ပြားမိတ္တူ (၁) စောင်
- ပြစ်မှုကင်းရှင်းကြောင်း/အကျင့်စာရိတ္တကောင်းမွန်ကြောင်း ရဲစခန်းထောက်ခံစာမူရင်း
- အပျို/လူပျိုဖြစ်ကြောင်း ရပ်ကွက်ထောက်ခံစာ (မူရင်း)
- ကျန်းမာရေးကောင်းမွန်ကြောင်း ဆေးထောက်ခံစာ (မူရင်း)
- (၆) လအတွင်း ရိုက်ကူးထားသော လိုင်စင်ဓာတ်ပုံ (၂) ပုံ (ပုံကျောဘက်တွင် အမည်နဲ့ မှတ်ပုံတင်အမှတ် ဖော်ပြရန်)
- ဌာနဆိုင်ရာဝန်ထမ်းဖြစ်လျှင် သက်ဆိုင်ရာဌာန အကြီးအမှူး၏ ထောက်ခံစာ (မူရင်း)
ရေးဖြေစာမေးပွဲ ဖြေဆိုခြင်း
ရေးဖြေဖြေဆိုခွင့်ရရှိသူများစာရင်းကို ဒီဇင်ဘာ (၂) ရက်နေ့တွင် ကြေညာပေးမည်ဖြစ်ပြီး စာမေးပွဲဖြေဆိုခွင့်ကတ်များကို ဒီဇင်ဘာ (၄) ရက်နေ့တွင် ထုတ်ယူနိုင်သည်။
သင်တန်းဝင်ခွင့် ရေးဖြေစာမေးပွဲကို မိမိလျှောက်ထားသည့် တက္ကသိုလ်တွင် ဒီဇင်ဘာ (၅) ရက်နေ့ နံနက် (၉) နာရီမှ (၁၂) နာရီအထိ မြန်မာ၊ အင်္ဂလိပ်၊ အထွေထွေဗဟုသုတ (၃) နာရီ မေးခွန်းတစ်စုံကို ဖြေဆိုရပါမည်။
သွားတုလုပ်ငန်းကျွမ်းကျင်မှုဒီပလိုမာသင်တန်းကို သွားဘက်ဆိုင်ရာဆေးတက္ကသိုလ် (ရန်ကုန်) တွင်သာ လျှောက်ထားနိုင်သည်။
လိုအပ်သောအရည်အချင်း
- ပြည်ထောင်စုမြန်မာနိုင်ငံသားဖြစ်ရမည်။
- တက္ကသိုလ်တစ်ခုခုမှ သိပ္ပံဘွဲ့ ရရှိပြီးသူဖြစ်ရမည်။
- လျှောက်လွှာပိတ်ရက်တွင် အသက် (၂၇) နှစ်ထက် မကျော်လွန်သူဖြစ်ရမည်။
- နိုင်ငံ့ဝန်ထမ်းများအနေဖြင့် မိခင်ဌာနမှ တာဝန်ချိန်သတ်မှတ်ပေးပြီး အချိန်ပြည့် စေလွှတ်နိုင်သူဖြစ်ရမည်။
- သင်တန်းတက်ရောက်အောင်မြင်ပြီး နိုင်ငံ့ဝန်ထမ်းအဖြစ် မည်သည့်ဒေသတွင်မဆို (၃) နှစ်ဆက်တိုက် တာဝန်ထမ်းဆောင်နိုင်သူဖြစ်ရမည်။
- သင်တန်းတက်ရောက်ခွင့်စာရင်းထုတ်ပြန်ပြီးမှ သင်တန်းကို မတက်လျှင်ဖြစ်စေ၊ သင်တန်းကို ပြီးဆုံးသည်အထိ မတက်လျှင်ဖြစ်စေ၊ သင်တန်းအောင်မြင်ပြီးနောက် သတ်မှတ်ထားသည့်ကာလအတွင်း နိုင်ငံ့တာဝန်ကို မထမ်းဆောင်နိုင်လျှင်ဖြစ်စေ သတ်မှတ်ထားသော လျော်ကြေးငွေ (၃) သိန်းကျပ်ကို ပေးဆောင်ရန် ကတိခံဝန်စာချုပ် ချုပ်ဆိုနိုင်သူ ဖြစ်ရမည်။
လျှောက်ထားရမည့်ပုံစံ
လျှောက်လွှာကို သွားဘက်ဆိုင်ရာဆေးတက္ကသိုလ် (ရန်ကုန်) တွင် ထုတ်ယူပြီး ၂၀၂၅ ခုနှစ်၊ နိုဝင်ဘာ (၂၈) ရက်နေ့ထက် နောက်မကျဘဲ ပေးပို့ လျှောက်ထားရမည်။
လျှောက်လွှာတွင် ဖြည့်စွက်ရမည့် အချက်အလက်များ
- အမည်၊ နိုင်ငံသားစိစစ်ရေးကတ်အမှတ်
- အသက်၊ မွေးသက္ကရာဇ် (ရက်၊ လ၊ နှစ်)
- မိဘအမည်နှင့် နိုင်ငံသားစိစစ်ရေးကတ်အမှတ်
- ပညာအရည်အချင်း
- ဆက်သွယ်ရန်လိပ်စာအပြည့်အစုံ၊ ဖုန်းနံပါတ်
- ဝန်ထမ်းဖြစ်ပါက လက်ရှိရာထူး/ဌာနနှင့် အမှုထမ်းသက် အပြည့်အစုံ
လျှောက်လွှာနှင့်အတူ ပူးတွဲတင်ပြရမည့် စာရွက်စာတမ်းများ
- ဘွဲ့လက်မှတ်မိတ္တူ (၁) စောင်
- အခြေခံပညာအထက်တန်း/တက္ကသိုလ်ဝင်တန်းစာမေးပွဲအောင်လက်မှတ် မိတ္တူ (၁) စောင်
- နိုင်ငံသားစိစစ်ရေးကတ်ပြားမိတ္တူ (၁) စောင်
- ပြစ်မှုကင်းရှင်းကြောင်း/အကျင့်စာရိတ္တကောင်းမွန်ကြောင်း ရဲစခန်းထောက်ခံစာမူရင်း
- (၆) လအတွင်း ရိုက်ကူးထားသော လိုင်စင်ဓာတ်ပုံ (၂) ပုံ (ပုံကျောဘက်တွင် အမည်နဲ့ မှတ်ပုံတင်အမှတ် ဖော်ပြရန်)
- ဌာနဆိုင်ရာဝန်ထမ်းဖြစ်လျှင် သက်ဆိုင်ရာဌာန အကြီးအမှူး၏ ထောက်ခံစာ (မူရင်း)
- လျှောက်လွှာတွင် ဖော်ပြထားသည့် အချက်အလက်များသည် မှန်ကန်မှုရှိကြောင်း ကိုယ်တိုင်လက်မှတ်ရေးထိုးထားသော ခံဝန်ချက်
ရေးဖြေဖြေဆိုခြင်း
ရေးဖြေဖြေဆိုခွင့်ရရှိသူများစာရင်းကို ဒီဇင်ဘာ (၅) ရက်နေ့တွင် ကြေညာပေးမည်ဖြစ်ပြီး စာမေးပွဲဖြေဆိုခွင့်ကတ်များကို ဒီဇင်ဘာ (၈) ရက်နေ့တွင် ထုတ်ယူနိုင်သည်။ သင်တန်းဝင်ခွင့် ရေးဖြေစာမေးပွဲကို ဒီဇင်ဘာ (၉) ရက်နေ့ နံနက် (၉) နာရီမှ (၁၂) နာရီအထိ မြန်မာ၊ အင်္ဂလိပ်၊ အထွေထွေဗဟုသုတ (၃) နာရီ မေးခွန်းတစ်စုံကို ဖြေဆိုရပါမည်။
ဆက်သွယ်စုံစမ်းရန်
သွားဘက်ဆိုင်ရာဆေးတက္ကသိုလ် (ရန်ကုန်) - အမှတ် (၅၈၂)၊ သံသုမာလမ်း၊ သွပ်ဝိုင်းကြီးရပ်ကွက်၊ သင်္ဃန်းကျွန်းမြို့နယ်၊ ရန်ကုန်။
ဖုန်း - ၀၉-၄၄၈၀၄၃၅၂၀
========================
ပညာရေးဆိုင်ရာ သတင်းအချက်အလက် အစုံအလင်ကို
Telegram နှင့် Viber မှာလည်း အလွယ်တကူ ဖတ်ရှုနိုင်ပါတယ်။
> https://t.me/eudcationguide (Telegram)
> https://invite.viber.com/? (Viber)
နှစ်ပတ်တစ်ကြိမ် ပေးပို့နေတဲ့ Education Bulletin ကို
ရယူဖို့လည်း Subscribe လုပ်ထားနိုင်ပါတယ်။
> https://shorturl.at/ktCaP
