HOME >> >> Government School
Government School

ကုသရေးဦးစီးဌာန အသိအမှတ်ပြုအကူသူနာပြု (ပြင်ပ) သင်တန်းဖွင့်လှစ်


 

ကျန်းမာရေး၀န်ကြီးဌာန၊ ကုသရေးဦးစီးဌာန လက်အောက်ရှိ ဗဟိုအဆင့်ဆေးရုံကြီးများနှင့် တိုင်းဒေသကြီး၊ ပြည်နယ် ကုသရေးဦးစီးဌာနရှိ ဆေးရုံကြီးများတွင် အကူသူနာပြု (ပြင်ပ) သင်တန်းကို ဖွင့်လှစ်မည်ဖြစ်ရာသင်တန်းကာလမှာ (၉)လ ကြာမြင့်မည်ဖြစ်ပြီး သင်တန်းအောင်မြင်သူများအား ကုသရေးဦးစီးဌာနမှ အသိအမှတ်ပြုသင်တန်းဆင်း အောင်လက်မှတ် ချီးမြင့်မည်ဖြစ်ကြောင်း သိရှိရသည်။ 

 

လျှောက်လွှာမှာ အောက်ဖော်ပြပါပုံစံအတိုင်းဖြစ်ပြီး အချက်အလက်များကို မှန်ကန်ပြည့်စုံစွာ ဖြည့်စွက်၍ နဝမတန်းအောင်မြင်ခဲ့သည့်၊ တက္ကသိုလ်ဝင်တန်း အောင်မြင်ခဲ့သည့် ကျောင်းများတည်ရှိရာ စာစစ်ဌာန တည်ရှိသည့် နေပြည်တော် ပြည်ထောင်စု နယ်မြေ၊ တိုင်းဒေသကြီး၊ ပြည်နယ်ကုသရေးဦးစီးဌာန သို့ လိပ်မူ၍ စက်တင်ဘာလ ၁၅ ရက် ညနေ ၄ နာခွဲထက် နောက်မကျပဲ လျှောက်ထားရမည်ဖြစ်သည်။

လျှောက်ထားသူများအနေနှင့် ရွေးချယ်ခံရမည်ဆိုပါက သင်တန်းစရိတ် နှင့် နေထိုင်စားသောက်ရေးကို သင်တန်းသားများဘက်မှ ကိုယ်တိုင်စီစဥ်ကျခံရမည်။ လျှောက်ထားသူအတွက် လိုအပ်ချက်များမှာ အောက်ပါအတိုင်းဖြစ်သည်။ 

 

  • ပြည်ထောင်စုသမ္မတမြန်မာနိုင်ငံသား ဖြစ်ရမည်။

  • အနိမ့်ဆုံး အခြေခံပညာ (နဝမတန်း) အောင်မြင်ပြီးသူများ ဖြစ်ရမည်။

  • လျှောက်လွှာပိတ်ရက် စက်တင်ဘာလ (၁၅) ရက်နေ့တွင် အသက် (၁၈) နှစ်ပြည့်ပြီး (၂၅) ထက် မကျော်လွန်သူဖြစ်ရမည်။

  • အိမ်ထောင်မရှိသူ အပျို/လူပျို ဖြစ်ရမည်။

  • ကျန်းမာရေးဝန်ကြီးဌာန၊ ကုသရေးဦးစီးဌာနမှ ဖွင့်လှစ်မည့် အကူသူနာပြု (ပြင်ပ) ၉ လတာသင်တန်းကို ပြီးဆုံးအောင် တက်ရောက်နိုင်သူဖြစ်ရမည်။ သင်တန်းပြီးဆုံးပါက နိုင်ငံ့ဝန်ထမ်း အဖြစ် အနည်းဆုံး တာဝန် (၂) နှစ်ထမ်းဆောင်ရမည်။ သင်တန်းပြီးဆုံးအောင် မတက်ရောက်နိုင်ခြင်း/ နိုင်ငံ့ဝန်ထမ်းအဖြစ် အနည်းဆုံး တာဝန် (၂) နှစ် မထမ်းဆောင်နိုင်ပါက သတ်မှတ်လျော်ကြေးငွေ (၅၀၀,၀၀၀/-) ကျပ်တိတိ ပေးလျော်ရမည်။ 

  • သင်တန်းဖွင့်လှစ်မည့် ပြည်သူ့ဆေးရုံများတွင် သင်တန်းတက်ရောက်နိုင်သူဖြစ်ရမည်။

  • အစိုးရဌာန တစ်ခုခု၏ ၀န်ထမ်းအဖြစ်မှ ထုတ်ပယ်ခြင်း ၊ ထုတ်ပစ်ခြင်း ၊ ရာထူးခန့်ထားခြင်းမှ အမိန့်စာ ပယ်ဖျက်ခံရသူများ လျှောက်ထားခွင့် မရှိပါ။

  • ပြစ်မှုကင်းရှင်းသူဖြစ်ရမည်။

 

လျှောက်လွှာနှင့်အတူ ပူးတွဲတင်ပြရမည့် အထောက်အထားများမှာ အောက်ပါအတိုင်းဖြစ်သည်။

  • သုံးလအတွင်းရိုက်ကူးထားသော ပတ်စ်ပို့အရွယ် လိုင်စင်ဓာတ်ပုံ (၃) ပုံ

  • အခြေခံပညာ နဝမတန်းအောင်မြင်သည့် ထောက်ခံစာ (မူရင်း) နှင့် ရမှတ်စာရင်း (မူရင်း) (သို့မဟုတ်) အထက်တန်း (သို့မဟုတ်) တက္ကသိုလ်ဝင်တန်း အောင်လက်မှတ် (မိတ္တူ) နှင့် ရမှတ်စာရင်း (မူရင်း) တစ်စောင်စီ

  • နိုင်ငံသားစီစစ်ရေးကတ်ပြား (မိတ္တူ)

  • ပြစ်မှုကင်းရှင်းကြောင်း သက်ဆိုင်ရာ ရပ်ကွက်/ကျေးရွာစုအုပ်ချုပ်ရေးမှူး နှင့် ရဲစခန်းမှ ထောက်ခံချက် (မူရင်း)

  • အပျို / လူပျို ဖြစ်ကြောင်း သက်ဆိုင်ရာ ရပ်ကွက်/ကျေးရွာစုအုပ်ချုပ်ရေးမှူး၏ ထောက်ခံချက် (မူရင်း)

  • ကျန်းမာရေးကောင်းမွန်ကြောင်း သက်ဆိုင်ရာ မြို့နယ် / ပြည်သူ ကျန်းမာရေး / ကုသရေးဦးစီးဌာန၏ ဆေးထောက်ခံစာ (မူရင်း)

  • ပြည့်စုံစွာဖြည့်စွက်ထားသော ကိုယ်ရေးမှတ်တမ်း

  • အကယ်၍ သင်တန်းတက်ရောက်ရန် ရွေးချယ်ခြင်းခံရပါက သင်တန်းကာလအတွင်း သင်တန်း စည်းမျဥ်းစည်းကမ်းများကို လိုက်နာပြီး သင်တန်းပြီးဆုံးအောင် တက်ပါမည်ဟု ဝန်ခံကတိပြုလွှာ

အသေးစိတ်ဆက်သွယ်စုံစမ်းမေးမြန်းလိုပါက ကုသရေးဦးစီးဌာန ၊ သူနာပြုဌာနခွဲ (ဖုန်းနံပါတ် - ၀၆၇-၃၄၁၁၃၈၇) Email- [email protected] သို့ ရုံးချိန်အတွင်း ဆက်သွယ်စုံစမ်းမေးမြန်းနိုင်ကြောင်း သိရှိရသည်။ 

 

Government School News Latest Post Read 789 times