နည်းပညာကောလိပ်များအတွက် ၂၀၂၃- ၂၀၂၄ ပညာသင်နှစ် ဝင်ခွင့်သတ်မှတ်ချက်များ

၂၀၂၃- ၂၀၂၄ ပညာသင်နှစ်အတွက် အစိုးရနည်းပညာကောလိပ်များမှ ဝင်ခွင့်လျှောက်လွှာများ ခေါ်ယူနေပြီး သင်ကြားပေးမည့် သင်တန်းများ၊ အပ်နှင်းမည့် ဘွဲ့ဒီပလိုမာများနှင့် လိုအပ်သည့် ဝင်ခွင့်သတ်မှတ်ချက်များကို အောက်တွင် ဖော်ပြထားသည်။

အဆိုပါ အစိုးရနည်းပညာ ကောလိပ်များသို့ ဝင်ခွင့်လျှောက်ထားလိုသူများသည် ၂၀၂၃ ခုနှစ်တွင် ကျင်းပခဲ့သော တက္ကသိုလ်ဝင် စာမေးပွဲကို အောင်မြင်ခဲ့သူ ဖြစ်ရမည်။

ဝင်ခွင့်သတ်မှတ်ချက်များ

• ဝင်ခွင့်လျှောက်ထားသူသည် နိုင်ငံသားစိစစ်ရေး ကတ်ပြားအမှတ် (နိုင်)/ (ပြု)/ (ဧည့်)  ကိုင်ဆောင်ထား သူ ဖြစ်ရမည်။
• ၂၀၂၃ ခုနှစ် တက္ကသိုလ်ဝင် စာမေးပွဲတွင် သင်္ချာ၊ ဓာတုဗေဒ၊ ရူပဗေဒဘာသာရပ်များ ပါဝင်သော မည်သည့်ဘာသာတွဲများဖြင့် အောင်မြင်သည်ဖြစ်စေ သတ်မှတ်ချက် ကိုက်ညီပါက လျှောက်ထားနိုင်သည်။
• ကျန်းမာရေး ကောင်းမွန်ပြီး လက်တွေ့လုပ်ငန်းများနှင့် စက်ရုံ၊ အလုပ်ရုံ၊ ကုမ္ပဏီများသို့ ကွင်းဆင်း ဆောင်ရွက်နိုင်သူ ဖြစ်ရမည်။

သင်တန်းကာလမှာ (၄) နှစ် ဖြစ်ပြီး သင်တန်းတစ်ခုလျှင် လူ (၂၀) ဦး လက်ခံပေးသွားမည် ဖြစ်ကာ သင်တန်းကာလ ပြီးစီးအောင်မြင်ပါက  B.Tech ဘွဲ့ကို တိုက်ရိုက် အပ်နှင်း ချီးမြှင့်မည် ဖြစ်သည်။

ပို့ချမည့် ဘွဲ့သင်တန်းများ

အထူးပြုဘာသာ - Civil Engineering (မြို့ပြအင်ဂျင်နီယာ)    

အပ်နှင်းမည့်ဘွဲ့ - နည်းပညာဘွဲ့ (မြို့ပြ) B.Tech (Civil)    

အထူးပြုဘာသာ - Mechanical Engineering (စက်မှုအင်ဂျင်နီယာ)    

အပ်နှင်းမည့်ဘွဲ့ - နည်းပညာဘွဲ့(စက်မှု) B.Tech (Mechanical)    

အထူးပြုဘာသာ - Electrical Power Engineering (လျှပ်စစ်စွမ်းအား အင်ဂျင်နီယာ)

အပ်နှင်းမည့်ဘွဲ့ -  နည်းပညာဘွဲ့(လျှပ်စစ် စွမ်းအား) B.Tech (Electrical Power)

Advertisement

Click Here >  Hmwe

အစိုးရနည်းပညာ ကောလိပ်များသို့  လျှောက်ထားသူများအနက် ကောလိပ်အလိုက် လက်ခံနိုင်မည့် လူဦးရေ သတ်မှတ်ချက်အရ တက္ကသိုလ်ဝင်စာမေးပွဲ ရမှတ်ပေါ် မူတည်၍ ရမှတ် အနည်းအများအလိုက် ရွေးချယ်သွားမည် ဖြစ်ကြောင်း သိရသည်။

သင်ကြားခွင့်ပြုမည့် ဦးစားပေး အထူးပြုဘာသာရပ်ကို ကျောင်းသား၊ ကျောင်းသူ၏ တက္ကသိုလ်ဝင်စာမေးပွဲတွင် ( အင်္ဂလိပ်စာ၊ သင်္ချာ၊ ဓာတုဗေဒ၊ ရူပဗေဒ) (၄) ဘာသာပေါင်းရမှတ် ( လိုအပ်ပါက တက္ကသိုလ်ဝင်စာမေးပွဲ စုစုပေါင်းရမှတ် ) နှင့် ကျောင်းသား၊ ကျောင်းသူ၏ ဦးစားပေး လျှောက်ထားမှုနှင့် သက်ဆိုင်ရာ အထူးပြုဘာသာရပ်အတွက် ကျောင်းသား ကျောင်းသူလက်ခံနိုင်မှု ဦးရေကန့်သတ်ချက်အပေါ်တွင် မူတည်၍ ခွဲဝေ သတ်မှတ်ပေးမည်ဟု ဆိုသည်။

တက်ရောက်နိုင်မည့် ကောလိပ်များ

• အစိုးရနည်းပညာကောလိပ် (ရွှေဘို)
• အစိုးရနည်းပညာကောလိပ် (မန္တလေး)
• အစိုးရနည်းပညာကောလိပ် (ကျောက်ဖြူ)
• အစိုးရနည်းပညာကောလိပ် (တောင်ဒဂုံ)

အစိုးရနည်းပညာ ကောလိပ်များတွင် B.Tech ဘွဲ့ ရရှိပြီး အဆင့်ပြည့်မီပါက သတ်မှတ်ထားသော နည်းပညာ တက္ကသိုလ်များတွင်  M.Tech ဘွဲ့အား ဆက်လက် တက်ရောက်ခွင့်ရှိမည် ဖြစ်သည်။

အသေးစိတ် သိရှိလိုပါက ဆက်သွယ်ရန်

အစိုးရနည်းပညာကောလိပ် (ရွှေဘို)

ကျောင်းအုပ်ကြီး၊ ဖုန်း ၀၉-၂၅၄၃၄၈၈၉၆

အစိုးရနည်းပညာကောလိပ် (မန္တလေး)

ကျောင်းအုပ်ကြီး၊ ဖုန်း ၀၉-၇၇၆၆၈၀၂၃၈

အစိုးရနည်းပညာကောလိပ် (ကျောက်ဖြူ)

ကျောင်းအုပ်ကြီး၊ ဖုန်း ၀၉-၄၃၀၇၁၈၂၆

အစိုးရနည်းပညာကောလိပ် (တောင်ဒဂုံ)

ကျောင်းအုပ်ကြီး ၊၀၉-၆၆၁၈၀၉၃၁၀