အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်) မှ ပထမနှစ်လျှောက်လွှာခေါ်ယူ

၂၀၂၅-၂၀၂၆ ပညာသင်နှစ်၊ အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်) တွင် ဂီတ၊ သဘင်၊ ပန်းချီ၊ ပန်းပု၊ ရုပ်ရှင်နှင့်ပြဇာတ်၊ ယဉ်ကျေးမှုအမွေအနှစ်စီမံခန့်ခွဲမှုပညာ ပထမနှစ်သင်တန်းသားများကို ခေါ်ယူလျက်ရှိသည်။

ဖွင့်လှစ်မည့် ဘွဲ့သင်တန်းများ

• ဂီတပညာအထူးပြု ဝိဇ္ဇာဘွဲ့ (ဂီတ) ၄ နှစ်
• သဘင်ပညာအထူးပြု ဝိဇ္ဇာဘွဲ့(သဘင်) ၄ နှစ်
• ပန်းချီပညာအထူးပြု ဝိဇ္ဇာဘွဲ့(ပန်းချီ) ၄ နှစ်
• ပန်းပုပညာအထူးပြု ဝိဇ္ဇာဘွဲ့(ပန်းပု) ၄ နှစ်
• ရုပ်ရှင်နှင့်ပြဇာတ်ပညာအထူးပြု ဝိဇ္ဇာဘွဲ့(ရုပ်ရှင်နှင့်ပြဇာတ်) ၄ နှစ်
• ယဉ်ကျေးမှုအမွေအနှစ်စီမံခန့်ခွဲမှုပညာအထူးပြု ဝိဇ္ဇာဘွဲ့(ယဉ်ကျေးမှုအမွေအနှစ်စီမံခန့်ခွဲမှု) ၄ နှစ်

အောက်ပါအရည်အချင်းများနှင့် ပြည့်စုံသူများ လျှောက်ထားနိုင်သည်။

• တက္ကသိုလ်ဝင်စာမေးပွဲကို မည်သည့်ဘာသာကွဲဖြင့်မဆို အောင်မြင်သူဖြစ်ရမည်။
• သက်ဆိုင်ရာအထူးပြုဘာသာရပ်နှင့် ကိုက်ညီသော ကိုယ်အင်္ဂါကျန်းမာသန်စွမ်းသူဖြစ်ရမည်။
• အနုပညာဝါသနာပါသူဖြစ်ရမည်။
• တက္ကသိုလ်ဝင်ခွင့်လျှောက်ထားသူသည်နိုင်ငံသားစိစစ်ရေးကတ်ပြားအမှတ် (နိုင်)/ (ပြု)/(ဧည့်) ကိုင်ဆောင်ထားသူဖြစ်ရမည်။ 

လျှောက်လွှာပုံစံများကို အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)၊ ၁/ဈ၊ အောင်ဇေယျလမ်း၊ ၂၆ ရပ်ကွက်၊ ဒဂုံမြို့သစ်တောင်ပိုင်း၊ ရန်ကုန်တိုင်းဒေသကြီးတွင် ဝယ်ယူ၍ နိုဝင်ဘာလ (၁၀) ရက်နေ့အထိ ရုံးချိန်အတွင်း လျှောက်ထားနိုင်ပါသည်။ လျှောက်လွှာပုံစံနှင့်အတူ -

• တက္ကသိုလ်ဝင်စာမေးပွဲအောင်မြင်ကြောင်း ထောက်ခံချက်၊ 
• အမှတ်စာရင်းမူရင်း၊ 
• မှတ်ပုံတင်မိတ္တူ
• ရဲစခန်းထောက်ခံစာ
• ရပ်ကွက်ထောက်ခံစာ
• ကျန်းမာကြောင်းထောက်ခံစာ
• ပတ်စပို့အရွယ် ဓာတ်ပုံ (၇) ပုံတို့ကို ပူးတွဲတင်ပြရမည်။ 

၂၀၂၅ ခုနှစ်၊ နိုဝင်ဘာလ (၁၂) ရက်နေ့ နံနက် (၉) နာရီတွင် စွယ်တော်ဆောင်တွင် လူတွေ့ စစ်ဆေးမည်ဖြစ်ပြီး ဝင်ခွင့်ရစာရင်းကို နိုဝင်ဘာလ (၁၇) ရက်နေ့တွင် စွယ်တော်ဆောင်ရှိ ကြော်ငြာသင်ပုန်းတွင် ကြေညာ၍ ကျောင်းအပ်လက်ခံသွားမည်ဖြစ်ပါသည်။

၂၀၂၅-၂၀၂၆ ပညာသင်နှစ် ပထမနှစ်သင်တန်းများကို ၂၀၂၅ ခုနှစ်၊ နိုဝင်ဘာလ စတုတ္ထပတ်တွင် စတင်ဖွင့်လှစ်သွားမည်ဖြစ်ပါသည်။

အသေးစိတ်အချက်အလက်များ သိရှိလိုပါက အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)၊ ဌာနမှူး(သင်တန်းရေးရာ)၊ ၀၉ - ၄၂၁၀၁၂၈၀၈ နှင့် မော်ကွန်းထိန်းဖုန်း ၀၉ - ၇၈၈၁၈၉၁၈၀ သို့ ရုံးချိန်အတွင်း ဆက်သွယ်စုံစမ်းနိုင်ပါသည်။

==================

ပညာရေးဆိုင်ရာ သတင်းအချက်အလက် အစုံအလင်ကို
Telegram နှင့် Viber မှာလည်း အလွယ်တကူ ဖတ်ရှုနိုင်ပါတယ်။

> https://t.me/eudcationguide (Telegram)

> https://invite.viber.com/? (Viber)

နှစ်ပတ်တစ်ကြိမ် ပေးပို့နေတဲ့ Education Bulletin ကို
ရယူဖို့လည်း Subscribe လုပ်ထားနိုင်ပါတယ်။

> https://shorturl.at/ktCaP