ရေကြောင်းပညာတက္ကသိုလ်မှ အချိန်ပိုင်း မဟာဘွဲ့သင်တန်းနှင့် ဘွဲ့လွန်ဒီပလိုမာသင်တန်းများ

မြန်မာနိုင်ငံရေကြောင်းပညာတက္ကသိုလ် (Myanmar Maritime University) တွင် အောက်ပါ မဟာသိပ္ပံဘွဲ့သင်တန်းနှင့် ဘွဲ့လွန်ဒီပလိုမာသင်တန်းများကို နိုဝင်ဘာလ စတုတ္ထပတ်တွင် ဖွင့်လှစ်သင်ကြားပါမည်။ 

• ထောက်ပံ့ပို့ဆောင်ရေးနှင့် လုပ်ငန်းကွန်ရက်ချိတ်ဆက်ရေး စီမံခန့်ခွဲမှုမဟာသိပ္ပံဘွဲ့ 
• သင်္ဘောလုပ်ငန်းစီမံခန့်ခွဲမှု ဘွဲ့လွန်ဒီပလိုမာသင်တန်း 
• ဆိပ်ကမ်းစီမံခန့်ခွဲမှု ဘွဲ့လွန်ဒီပလိုမာသင်တန်း 
• ထောက်ပံ့သယ်ယူပို့ဆောင်ရေး စီမံခန့်ခွဲမှု ဘွဲ့လွန်ဒီပလိုမာသင်တန်း 

ဘွဲ့လွန်ဒီပလိုမာသင်တန်းများအား လျှောက်ထားနိုင်မည့်သူများ - 

• အသိအမှတ်ပြု တက္ကသိုလ်တစ်ခုခုမှ ဘွဲ့ရရှိပြီးသူဖြစ်ရမည်။ 
• လုပ်ငန်းခွင်နှင့်ဆက်စပ်မှုရှိသူများကို ဦးစားပေး စဉ်းစားမည်။
• ဝန်ထမ်းဖြစ်လျှင် (ပုဂ္ဂလိကလုပ်ငန်းအပါအဝင်) ဌာနဆိုင်ရာအကြီးအကဲ၏ ခွင့်ပြုချက်ပါရှိရမည်။

ဘွဲ့လွန်ဒီပလိုမာသင်တန်းများကို တစ်ပတ်လျှင် (၅) ရက်၊ တနင်္လာနေ့မှ သောကြာနေ့အထိ နံနက် (၇) နာရီမှ နံနက် (၉) နာရီအထိ သတ်မှတ်ထားသော အချိန်ဇယားအတိုင်း တက်ရောက်ရပါမည်။

သင်တန်းတက်ရောက်ရမည့်နေရာမှာ ရန်ကုန်တိုင်းဒေသကြီး၊ အလုံမြို့နယ်၊ သခင်မြပန်းခြံအနီး၊ မြန်မာ့ဆိပ်ကမ်းအာဏာပိုင် ကိုယ်စားလှယ်လုပ်ငန်းဌာန၀င်းအတွင်းရှိ မြန်မာနိုင်ငံရေကြောင်းပညာတက္ကသိုလ်၊ လူ့စွမ်းအားအရင်းအမြစ်ဖွံ့ဖြိုးတိုးတက်ရေးဌာန (HRDC) တွင် ဖြစ်သည်။

သင်တန်းကာလ (၁) နှစ် အောင်မြင်ပြီးဆုံးပါက အောက်ပါ ဘွဲ့လွန်ဒီပလိုမာဘွဲ့များကို ရရှိပါမည် - 

• သင်္ဘောလုပ်ငန်းစီမံခန့်ခွဲမှု ဘွဲ့လွန်ဒီပလိုမာ (Post-Graduate Diploma in Shipping Management - Dip.SM) 
• ဆိပ်ကမ်းစီမံခန့်ခွဲမှုဘွဲ့လွန်ဒီပလိုမာ (Post-Graduate Diploma in Port Management -  Dip.PM)
• ထောက်ပံ့သယ်ယူပို့ဆောင်ရေး စီမံခန့်ခွဲမှုဘွဲ့လွန်ဒီပလိုမာ (Post-Graduate Diploma in Transport and Logistics Management - Dip.TLM) 

ဝင်ခွင့်လျှောက်လွှာပုံစံများကို ရန်ကုန်တိုင်းဒေသကြီး၊ သန်လျင်မြို့နယ်၊ မြန်မာနိုင်ငံရေကြောင်းပညာတက္ကသိုလ်တွင် ထုတ်ယူနိုင်ပြီး ၂၀၂၅ ခုနှစ် နိုဝင်ဘာလ (၁၃) ရက် နောက်ဆုံးထား၍ ရုံးချိန်အတွင်း နံနက် (၉) နာရီမှ ညနေ (၄) နာရီအတွင်း ပြန်လည်တင်သွင်းရမည်ဖြစ်ပါသည်။

ဝင်ခွင့် လျှောက်လွှာနှင့်အတူ -

• ပတ်စပို့ဓာတ်ပုံ(၃)ပုံ
• ဘွဲ့လက်မှတ်မူရင်းနှင့်မိတ္တူ၊ 
• နိုင်ငံသားစိစစ်ရေးကတ်ပြားမူရင်းနှင့် မိတ္တူတို့ကို ပူးတွဲတင်ပြရမည်။ 

Advertisement : Yangon Directory

မဟာဘွဲ့သင်တန်းအတွက် လျှောက်ထားနိုင်မည့်သူများ

• အသိအမှတ်ပြု တက္ကသိုလ်တစ်ခုမှ ဘွဲ့တစ်ခုခုရရှိပြီး မြန်မာနိုင်ငံရေကြောင်းပညာတက္ကသိုလ်မှ  ဖွင့်လှစ်သည့် သင်္ဘောလုပ်ငန်းစီမံခန့်ခွဲမှုဘွဲ့လွန်ဒီပလိုမာ (Dip.SM) / ဆိပ်ကမ်းစီမံခန့်ခွဲမှုဘွဲ့လွန်ဒီပလိုမာ (Dip.PM) / ထောက်ပံ့သယ်ယူပို့ဆောင်ရေး စီမံခန့်ခွဲမှုဘွဲ့လွန်ဒီပလိုမာ (Dip.TLM) သင်တန်းတစ်ခုခုအား ပျှမ်းမျှအမှတ် (၆၅) မှတ်နှင့် အထက် ရရှိအောင်မြင်ပြီးသူဖြစ်ရမည်။
• သတ်မှတ်ထားသော သင်ရိုးအတိုင်း အချိန်ပြည့်မီစွာ တက်ရောက်နိုင်သူဖြစ်ရမည်။
• မဟာသိပ္ပံဘွဲ့သင်တန်းအတွက် ဝန်ထမ်းဖြစ်လျှင် (ပုဂ္ဂလိကလုပ်ငန်းအပါအဝင်) ဌာနဆိုင်ရာအကြီးအကဲ၏ ခွင့်ပြုချက်ပါရှိရမည်။ 
• လုပ်ငန်းခွင်နှင့်ဆက်စပ်မှုရှိသူများကို ဦးစားပေးစဉ်းစားမည်။

မဟာသိပ္ပံဘွဲ့သင်တန်းကို  တနင်္လာနေ့မှ သောကြာနေ့ အထိ ညနေ (၅) နာရီမှ (၇) နာရီနှင့် စနေနေ့ နံနက် (၈) နာရီမှ ညနေ (၄) နာရီအထိ တစ်ပတ်လျှင် (၆) ရက် တက်ရောက်ရပါမည်။

သင်တန်းအား ရန်ကုန်တိုင်းဒေသကြီး၊ အလုံမြို့နယ်၊ သခင်မြပန်းခြံအနီး၊ မြန်မာ့ဆိပ်ကမ်းအာဏာပိုင် ကိုယ်စားလှယ်လုပ်ငန်းဌာန၀င်းအတွင်းရှိ မြန်မာနိုင်ငံရေကြောင်းပညာတက္ကသိုလ်၊ လူ့စွမ်းအားအရင်းအမြစ်ဖွံ့ဖြိုးတိုးတက်ရေးဌာန (HRDC) တွင် ပို့ချပေးမည်ဖြစ်ပါသည်။

သင်တန်းကာလ (၂) နှစ် တက်ရောက်အောင်မြင်ပြီးပါက ထောက်ပံ့ပို့ဆောင်ရေးနှင့် လုပ်ငန်းကွန်ရက်ချိတ်ဆက်ရေး စီမံခန့်ခွဲမှုမဟာသိပ္ပံဘွဲ့ (M.Sc Logistics & Supply Chain Management) ကို ရရှိပါမည်။

ဝင်ခွင့်လျှောက်လွှာပုံစံများကို ရန်ကုန်တိုင်းဒေသကြီး၊ သန်လျင်မြို့နယ်၊ မြန်မာနိုင်ငံရေကြောင်းပညာတက္ကသိုလ်တွင် ထုတ်ယူနိုင်ပြီး ၂၀၂၅ ခုနှစ် နိုဝင်ဘာလ (၁၃) ရက် နောက်ဆုံးထား၍ ရုံးချိန်အတွင်း နံနက် (၉) နာရီမှ ညနေ (၄) နာရီအတွင်း ပြန်လည်တင်သွင်းရမည်ဖြစ်ပါသည်။

ဝင်ခွင့် လျှောက်လွှာနှင့်အတူ -

• ဘွဲ့လက်မှတ်မူရင်းနှင့်မိတ္တူ
• ဘွဲ့လွန်ဒီပလိုမာသင်တန်းတွင် ရရှိခဲ့သည့် အမှတ်စာရင်း မူရင်းနှင့် မိတ္တူ၊ 
• နိုင်ငံသားစိစစ်ရေးကတ်ပြားမူရင်းနှင့်မိတ္တူ၊ 
• ပတ်စပို့အရွယ်ဓါတ်ပုံ( ၃ )ပုံ တို့ကို ပူးတွဲတင်ပြရမည်။ 

အထက်ပါ မဟာဘွဲ့သင်တန်းနှင့် ဘွဲ့လွန်ဒီပလိုမာသင်တန်းများအတွက် လူတွေ့ဖြေဆိုခွင့်ရရှိသူများစာရင်း၊ လူတွေ့ဖြေဆိုခွင့် ကတ်ပြားထုတ်ပေးမည့်နေ့ရက်နှင့် လူတွေ့ဖြေဆိုရမည့်အစီအစဉ်များကို ထပ်မံ ကြေညာပေးမည်ဖြစ်ပြီး မြန်မာနိုင်ငံရေကြောင်းပညာတက္ကသိုလ်၏ Website (www.mmu.edu.mm) တွင် ၀င်ရောက်ကြည့်ရှုနိုင်ပါသည်။

အသေးစိတ်အချက်အလက်များ သိရှိလိုပါက မြန်မာနိုင်ငံရေကြောင်းပညာတက္ကသိုလ်သို့ လူကိုယ်တိုင်သော်လည်းကောင်း၊ ဖုန်းနံပါတ်- ၀၉-၄၂၃၅၁၀၈၅၄ သို့ လည်းကောင်း ဆက်သွယ် မေးမြန်း စုံစမ်းနိုင်ပါသည်။

====================

ပညာရေးဆိုင်ရာ သတင်းအချက်အလက် အစုံအလင်ကို
Telegram နှင့် Viber မှာလည်း အလွယ်တကူ ဖတ်ရှုနိုင်ပါတယ်။

> https://t.me/eudcationguide (Telegram)

> https://invite.viber.com/? (Viber)

နှစ်ပတ်တစ်ကြိမ် ပေးပို့နေတဲ့ Education Bulletin ကို
ရယူဖို့လည်း Subscribe လုပ်ထားနိုင်ပါတယ်။

> https://shorturl.at/ktCaP