Sales Hotline : 09448001653       Download App



စင်ကာပူတွင် ငါးနှစ်အတွင်း ပညာရေးဝန်ကြီးဌာန ထောက်ပံ့ကြေးရရှိသည့် နိုင်ငံတကာကျောင်းသား ၁၆၀၀၀ကျော်ရှိ

 

စင်ကာပူကိုယ်ပိုင်အုပ်ချုပ်ခွင့်ရတက္ကသိုလ်များ(Singapore's autonomous universities (AUs)) တွင် ပညာသင်ကြားရန်အတွက် လွန်ခဲ့သောငါးနှစ် အတွင်း တစ်နှစ်လျှင် ပျမ်းမျှ နိုင်ငံတကာကျောင်းသားပေါင်း ၁၆၀၀ ခန့်သည် ပညာသင် ထောက်ပံကြေးများရရှိခဲ့သည်ဟု စင်ကာပူပညာရေး ဝန်ကြီး Lawrence Wong မှ အောက်တိုဘာ ၆ ရက်နေ့တွင် ပြောကြားခဲ့သည်။

၎င်းသည်နှစ်စဉ်တက္ကသိုလ်တက်ရောက်သူ ၁၀ ရာခိုင်နှုန်းအောက်သာရှိပါသည်။

ပညာရေးဝန်ကြီးဌာန၏ ပညာရေး ဆိုင်ရာ ထောက်ပံ့ကြေး အစီအစဉ်အရ ဒေသဆိုင်ရာတက္ကသိုလ်များသို့မည်သည့်ကျောင်းသားများ ၀င်ခွင့်ပြုခဲ့သည်ကို မေးမြန်းခဲ့ခြင်းကို Mr Wong သည် Mr Darryl David (Ang Mo Kio GRC) ကို ပါလီမန်တွင် တုံ့ပြန်ထားခြင်းဖြစ်ပါသည်။

အစီအစဉ်အရ အကျိုးခံစားခွင့်ရှိသူများသည် ဘွဲ့ရပြီးနောက် စင်ကာပူနိုင်ငံတွင် အလုပ်လုပ်ကိုင်ရန် သုံးနှစ်စာချုပ်ချုပ်ဆိုရန်လိုအပ်ပါသည်။

မစ္စတာဒေးဗစ်နှင့်တွဲဖက်ပါမောက္ခ Jamus Jerome Lim (Sengkang GRC) က MOE အနေဖြင့်လက်ရှိအလုပ်သမားဈေးကွက်တွင် ဝန်ထမ်းလုပ်သားရှာဖွေခြင်းနှင့်သူတို့၏ချည်နှောင်ခြင်းများကိုမည်သို့မည်ပုံဆောင်ရွက်ရန်ရည်ရွယ်ထားသည်ကိုမေးမြန်းခဲ့သည်။

မစ္စတာဝမ် မှ မကြာသေးမီက ဘွဲ့ရခဲ့သူတွေဟာ ယခုအချိန်တွင် စီးပွားရေးအကျပ်အတည်းကြောင့် အလုပ်ရှာရန် အခက်အခဲများ နှင့် ကြုံတွေ့နေရသည်ကို တွေ့ရှိရသည်ဟု ဆိုထားပါသည်။

ပညာရေးဝန်ကြီးဌာန ၏ ဦးစားပေးလုပ်ငန်းမှာ ဒေသခံများအားအလုပ်အကိုင်ရှာဖွေရာတွင် အထောက်အကူပြုရန်ဖြစ်ပြီး ထောက်ပံ့ကြေးရသူများအတွက် မျှတသော လုပ်ဆောင်မှုဖြစ်သည်ဟု ၎င်းက ဆိုပါသည်။

အထူးသဖြင့် ပညာရေးဝန်ကြီးဌာနသည် တရား၀င်ထည့်သွင်းစဉ်းစားရေးမူဘောင်ကို ဆောင်ရွက်နေစဉ် ကျောင်းသားများ၏ လျှောက်လွှာများကိုလွယ်ကူချောမွေ့စေရန် တက္ကသိုလ်များနှင့်အခြားအစိုးရအေဂျင်စီများနှင့်လက်တွဲလုပ်ဆောင်ကြသည်ဟု မစ္စတာဝမ်က ဆိုပါသည်။

နိုင်ငံတကာမှ ကျောင်းသားများ၏ လျှောက်လွှာကို စဉ်းစားဆုံးဖြတ်ရာတွင် ပြောင်းလွယ် ပြင်လွယ်ရှိပြီး ကျောင်းသားများ စင်ကာပူတွင် အလုပ်ရှာရန်အတွက် နေထိုင်ရန် အချိန်လည်း ပေးထားပါသည်။

ပြည်တွင်းတွင်ဖြစ်စေ ပြည်ပမှဖြစ်စေ အလုပ်ရှာရန် အမှန်တကယ် အခက်အခဲရှိသူများသည် သက်ဆိုင်ရာ တက္ကသိုလ်များနှင့် ပညာရေးဝန်ကြီးဌာန တို့ကို အကူအညီ တောင်းနိုင်ပါသည်။

ကျောင်းသားများ၏ အခြေအနေပေါ်မူတည်၍ တစ်ဦးချင်းစီအတွက် မည်သို့ အကောင်းဆုံးကူညီပေးမည်ကို စဉ်းစားပေးမည် ဟု ၎င်းမှ ဆက်လက် ပြောကြားထားသည်။

အခြေအနေကို ဆက်လက်၍ စောင့်ကြည့်ပြီး စီးပွားရေးအခြေအနေ နှင့် အလားအလာနှင့် အညီ ကျောင်းသားများအပေါ် ချိန်ညှိလိမ့်မည် ဖြစ်သည်။

ဆက်လက်၍ စင်ကာပူနိုင်ငံသားကျောင်းသားများသည် နိုင်ငံတကာကျောင်းသားများကြောင့် တက္ကသိုလ်နေရာများမှ ရွှေ့ပြောင်းခဲ့ရခြင်းမရှိကြောင်းလည်း ထည့်သွင်း ပြောကြားထားသည်။

“AUs ရှိနေရာများသည် စင်ကာပူလူမျိုးများအတွက် ပထမဦးဆုံးစီစဉ်ထားပြီး ၄င်းတို့၏ပူးပေါင်းပါ၀င်မှုရည်မှန်းချက်မှာ ၄၀ ရာခိုင်နှုန်းရှိသည်။ဒီနှစ်မှာတော့ Covid-19 ကူးစက်ရောဂါကြောင့်ရေခြားမြေခြားလေ့လာမှုအစီအစဉ်များပျက်ပြားသွားတဲ့စင်ကာပူကျောင်းသားများအတွက် နေထိုင်ရန် AUs မှာနေရာတွေပိုများလာတယ်။” ဟု မစ္စတာဝမ်မှ ပြောခဲ့ပါသည်။

AUs သည်စင်ကာပူကျောင်းသားများကို ၎င်းတို့ ဝင်ခွင့်စံချိန်အရ ကိုက်ညီအောင် ကြည့်သည်ဟု ဝန်ခံထားသည်။ နောက်မှ စံနှုန်းကို အနည်းငယ် မြှင့်လိုက်ပြီး ဒေသခံကျောင်းသားများမဟုတ်သည့် နိုင်ငံတကာမှ ကျောင်းသားများကို လက်ခံသည်ဟု လည်း ဝန်ခံထားသည်။

မစ္စတာဝမ်သည် နိုင်ငံတကာ ကျောင်သားများကို လက်ခံခြင်းသည် “အားလုံးပါဝင်သည့် ပညာရေး အတွေ့အကြုံ” ကို ဖော်ဆောင်ခြင်းဖြစ်ပြီး ကျောင်းသားများကို အပြုသဘောဆောင်သည့် ကမ္ဘာလုံးဆိုင်ရာ အတွေးအမြင် များကို မွေးမြူနိုင်ကာ အနာဂတ်တွင် နိုင်ငံပေါင်းစုံ၊ လူမျိုးပေါင်းစုံ နှင့် အပြန်အလှန်ဆက်သွယ်လုပ်ကိုင် ရာတွင် ကြိုတင်ပြင်ဆင်မှုများလုပ်နိုင်ရန်ရွယ်သည်ဟု ဆိုပါသည်၊

၀န်ထမ်းများ၏ အရည်အသွေးနှင့် အခြားအချက်များအားထည့်သွင်းစဉ်းစားခြင်းအားဖြင့် နောင်အနာဂတ်တွင် ကျူရှင်ထောက်ပံ့ကြေးအတွက် နိုင်ငံတကာကျောင်းသားအရေအတွက်ကိုပြန်လည်သုံးသပ်ပြင်ဆင်သွားမည်ဖြစ်သည်။

By Myanmar Education Guide - EDGE 

Ref: The StraitsTimes

Latest Post International/Private News Read 850 times