ELT ဆရာတွေအတွက် ပညာရေးမှာ ဦးဆောင်နိုင်သူတွေဖြစ်ဖို့ အခွင့်အရေး

အင်္ဂလိပ်စာသင်ကြားရေး (ELT) လောကမှာရှိတဲ့ ဆရာ/မတွေကို စာသင်တတ်ရုံတင်မဟုတ်ဘဲ ဦးဆောင်နိုင်သူတွေ ဖြစ်လာအောင် British Council ကနေ ငွေကြေးထောက်ပံ့ပေးမယ့် အစီအစဉ်တစ်ရပ်အကြောင်း မျှဝေပေးချင်ပါတယ်။

Community of Practice (CoP) Leader Support Scheme ဆိုတာ ဆရာတစ်ယောက်က မိမိသင်ကြားမှုအပေါ်မှာ တာဝန်ကျေနေရုံမကဘဲ တခြားဆရာ/မတွေကိုပါ လမ်းညွှန်ပေးနိုင်တဲ့၊ အတွေ့အကြုံတွေ ဖလှယ်နိုင်တဲ့ ခေါင်းဆောင်တွေ ဖြစ်လာဖို့ လေ့ကျင့်ပေးမယ့် အစီအစဉ် ဖြစ်ပါတယ်။

ဘာတွေ သင်ယူရမှာလဲ?

• Building and leading communities of practice 
• Mastering online facilitation techniques 
• Motivating and engaging your community 
• Measuring the impact of your community 
• Harnessing digital tools for professional growth. 

ဘယ်လို သင်ကြားရမလဲ?

မိမိအဆင်ပြေတဲ့အချိန်မှာ Self-paced Learning လုပ်ရမှာ ဖြစ်ပြီး သတ်မှတ်ထားတဲ့ Live Online Sessions တွေကိုလည်း တက်ရောက်နိုင်ရပါမယ်။

အချိန်ကာလ

တစ်ပတ်ကို (၄) နာရီကနေ (၅) နာရီ အချိန်ပေးပြီး (၈ ပတ်ကနေ ၁၀ ပတ်အထိ) နာရီ (၄၀) စာ အွန်လိုင်းကနေ သင်ယူရမှာ ဖြစ်ပါတယ်။ 

လိုအပ်တဲ့ သတ်မှတ်အရည်အချင်းများ

• အင်္ဂလိပ်စာ ကျွမ်းကျင်မှု (အနည်းဆုံး B2 / IELTS 6.5 သို့မဟုတ် ၎င်းနှင့် ညီမျှတဲ့ အဆင့်ရှိရမယ်)။
• အင်္ဂလိပ်စာသင်ကြားမှုဆိုင်ရာ ဘွဲ့/လက်မှတ် (Qualification) တစ်ခုခု ရှိရမယ်။
• အင်္ဂလိပ်စာသင်ကြားရေး (သို့မဟုတ်) ဆရာအတတ်သင် ဖွံ့ဖြိုးရေးလုပ်ငန်းတွေမှာ လက်ရှိ တက်ကြွစွာ ပါဝင်နေသူဖြစ်ရမယ်။
• အွန်လိုင်းသင်ကြားရေးပညာရှင်အသိုင်းအဝိုင်း တည်ထောင်ခြင်းအား စိတ်ပါဝင်စားသူဖြစ်ရမယ်။ 
• ၈ ပတ် မှ ၁၀ ပတ်အထိ၊ တစ်ပတ်လျှင် ၄ နာရီမှ ၅ နာရီခန့် အချိန်ပေးနိုင်သူဖြစ်ရမယ်။
• အခြေခံ ဒီဂျစ်တယ်နည်းပညာ ကျွမ်းကျင်မှုရှိပြီး တည်ငြိမ်သော အင်တာနက် အသုံးပြုနိုင်သူဖြစ်ရမယ်။ 
• အင်ဒိုနီးရှား၊ မလေးရှား၊ မြန်မာ၊ ဖိလစ်ပိုင်၊ ထိုင်းနှင့် ဗီယက်နမ်တို့မှ နိုင်ငံသားဖြစ်ရမယ်။

ဦးစားပေးစဉ်းစားမယ့် အတွေ့အကြုံများ -

• တခြားဆရာ/မတွေကို သင်တန်းပေးဖူးသူ (သို့) မိမိသင်ကြားရေးစွမ်းရည် တိုးတက်စေဖို့ သင်တန်းတက်ဖူးသူများ
• အွန်လိုင်း သင်ယူမှုပလက်ဖောင်း (Online Learning Platforms) တွေနဲ့ ရင်းနှီးကျွမ်းဝင်မှုရှိသူများ
• အခြားသော ပညာရေးဝန်ထမ်းများနှင့် ပူးပေါင်းဆောင်ရွက်နိုင်စွမ်းရှိသူများ
• ပညာရေးကဏ္ဍမှာ ခေါင်းဆောင်နိုင်သူများကို ဦးစားပေး ရွေးချယ်သွားမှာ ဖြစ်ပါတယ်။ 

ရရှိမယ့် အကျိုးခံစာခွင့်များ

• သင်တန်းပြီးဆုံးကြောင်းလက်မှတ်
• ပညာရှင်များထံမှ တိုက်ရိုက် အကြုံပြုချက်နှင့် သင်ကြားမှုများ 
• British Council ရဲ့ TeachingEnglish အရင်းအမြစ်တွေ အသုံးပြုခွင့်
• ASEAN အွန်လိုင်းညီလာခံပလပ်ဖောင်းအား Join ခွင့်
• မိမိကိုယ်ပိုင် Community of Practice (CoP) တစ်ခု စတင်ဖို့ ရန်ပုံငွေ ပေါင် (၂,၀၀၀) 

ဘာကြောင့် လျှောက်ထားသင့်တာလဲ?

သင်ကြားသူမှ ဦးဆောင်သူသို့ (Teacher to Leader): ကိုယ်တိုင်သင်ရုံတင်မကဘဲ အဖွဲ့အစည်း ဒါမှမဟုတ် Network တစ်ခုကို ဘယ်လိုဦးဆောင်ရမလဲဆိုတဲ့ Leadership Skills တွေကို သင်ယူနိုင်ခြင်း။

Fully Funded ဖြစ်ခြင်း: British Council ကနေ အဖိုးအခအားလုံး စိုက်ထုတ်ပေးထားတာဖြစ်လို့ ရွေးချယ်ခံရတဲ့ ဆရာ/မတွေအတွက် ငွေကုန်ကြေးကျမရှိဘဲ အဖိုးအတန် အတွေ့အကြုံတွေကို ရရှိနိုင်ခြင်း။

ဒေသတွင်း ချိတ်ဆက်မှု (Regional Networking): မြန်မာနိုင်ငံတင်မကဘဲ အရှေ့တောင်အာရှက တခြားနိုင်ငံတွေမှ ဆရာအတတ်ပညာရှင်တွေနဲ့ပါ အတွေ့အကြုံချင်း ဖလှယ်ခွင့်ရမှာ ဖြစ်ပါတယ်။

လျှောက်လွှာတင်သွင်းခြင်း

လျှောက်လွှာပုံစံကို အွန်လိုင်းကနေ ဖြည့်စွက်ရမှာဖြစ်ပြီး လိုအပ်တဲ့ စာရွက်စာတမ်းတွေကို ၂၀၂၆ ခုနှစ်၊ မေလ (၁၀) ရက်နေ့ နောက်ဆုံးထားပြီး [email protected] သို့ အီးမေးလ်ပေးပို့ ရပါမယ်။

လိုအပ်တဲ့စာရွက်စာတမ်းများ

• အွန်လိုင်းလျှောက်လွှာ (https://forms.cloud.microsoft)
• ကိုယ်ရေးရာဇဝင် (CV)
• ၁ - ၂ မိနစ်စာ မိတ်ဆက် ဗီဒီယို
• အင်္ဂလိပ်ဘာသာစကားအရည်အချင်းစစ်စာမေးပွဲရလဒ်
• အင်္ဂလိပ်စာသင်ကြားရေးဘွဲ့လက်မှတ်များ
• Motivation Letter

အရေးကြီးတဲ့ ရက်စွဲများ 

ရလဒ်ကြေညာမည့်ရက်: ၂၀၂၆၊ မေလ ၂၅ ရက်

သင်တန်းစတင်မည့်ရက်: ၂၀၂၆၊ ဇွန်လ ၈ ရက်

သင်တန်းပြီးဆုံးမည့်ရက်: ၂၀၂၆၊ ဩဂုတ်လ ၃၁ ရက်

အသေးစိတ်ဖတ်ရှုရန် > https://www.teachingenglish.org.uk

===============================================

ပညာရေးဆိုင်ရာ သတင်းအချက်အလက် အစုံအလင်ကို
Telegram နှင့် Viber မှာလည်း အလွယ်တကူ ဖတ်ရှုနိုင်ပါတယ်။

> https://t.me/eudcationguide (Telegram)

> https://invite.viber.com/? (Viber)

နှစ်ပတ်တစ်ကြိမ် ပေးပို့နေတဲ့ Education Bulletin ကို
ရယူဖို့လည်း Subscribe လုပ်ထားနိုင်ပါတယ်။

> https://shorturl.at/ktCaP