စိုက်ပျိုးရေးနှင့် မွေးမြူရေးတက္ကသိုလ်အသစ် မအူပင်တွင် စတင်ဖွင့်လှစ်

ယခုပညာသင်နှစ်မှ စပြီး စိုက်ပျိုးရေးသိပ္ပံဘွဲ့ (B.Arg.Sc) နှင့် မွေးမြူရေးပညာဘွဲ့ (B.A.Sc) တို့ကို ရေဆင်း (နေပြည်တော်) တွင်အပြင် စိုက်ပျိုးရေးနှင့် မွေးမြူရေးတက္ကသိုလ် (မအူပင်) တွင်လည်း လျှောက်ထားနိုင်ပြီဖြစ်ကြောင်း သိရသည်။ 

တက်ရောက်နိုင်သည့် ဘွဲ့သင်တန်း (၂) ခု

• စိုက်ပျိုးရေးသိပ္ပံဘွဲ့ (Bachelor of Agriculture Science - B.Arg.Sc)  - (၄) နှစ်
• မွေးမြူရေးပညာဘွဲ့ (Bachelor of Animal Science - B.A.Sc) - (၄) နှစ်

လျှောက်ထားလိုသူသည် - 

- ၂၀၂၅ ခုနှစ် တက္ကသိုလ်ဝင်စာမေးပွဲတွင် STEAMS (1) မြန်မာစာ၊ အင်္ဂလိပ်စာ၊ သင်္ချာ၊ ရူပဗေဒ၊ ဓာတုဗေဒ၊ ဇီဝဗေဒ ဘာသာတွဲဖြင့် အောင်မြင်သူဖြစ်ရမည်။

- တက္ကသိုလ်ဝင်စာမေးပွဲတွင် အနည်းဆုံး စုစုပေါင်းရမှတ် (၃၅၀)နှင့် အထက်ရရှိသူဖြစ်ရမည်။

- ကွင်းလက်တွေ့လုပ်ငန်းများတွင် ကိုယ်တိုင်ပါဝင် လေ့ကျင့်လုပ်ဆောင်ကြရမည်ဖြစ်သဖြင့် လယ်ယာစိုက်ပျိုးရေးလုပ်ငန်းများတွင် လုပ်ကိုင်ဆောင်ရွက်နိုင်သည့် ကျန်းမာရေး(က)အဆင့်ရှိသူနှင့် စိတ်ပါဝင်စားသူဖြစ်ရမည်။

- တက္ကသိုလ်မှ ချမှတ်သော စည်းမျဉ်း၊ စည်းကမ်းများကို လိုက်နာနိုင်သူဖြစ်ရမည်။ 

စိုက်ပျိုးရေးသိပ္ပံအထူးပြု (၁၀၀) ဦးနှင့် မွေးမြူရေးပညာအထူးပြု (၁၀၀) ဦး စုစုပေါင်း (၂၀၀) ဦး လက်ခံမည်ဖြစ်ပြီး အမျိုးသား (၅၀%) နှင့် အမျိုးသမီး (၅၀%) ဦး လက်ခံမည်ဖြစ်သည်။ 

လျှောက်လွှာပုံစံ

လျှောက်လွှာနှင့်အတူ ပူးတွဲတင်ပြရမည့် အထောက်အထားများ  

- တက္ကသိုလ်ဝင်စာမေးပွဲအောင်မြင်ကြောင်း သက်ဆိုင်ရာ ကျောင်းအုပ်ကြီး၏ထောက်ခံချက် (မိတ္တူ) (ကျောင်းအပ်သည့်အချိန်တွင် မူရင်းတင်ပြရမည်)

- အမှတ်စာရင်း (မိတ္တူ) (ကျောင်းအပ်နှံချိန်တွင်မူရင်းတင်ပြရမည်) 

- ကျောင်းသားနှင့် မိဘနှစ်ပါး၏ နိုင်ငံသားစိစစ်ရေးကတ်(မိတ္တူ)

- လိုင်စင်ဓါတ်ပုံ(၃)ပုံ (ကျောင်းအပ်ချိန်တွင်ပေးအပ်ရန်)

- အကျင့်စာရိတ္တကောင်းမွန်ကြောင်း သက်ဆိုင်ရာ ရပ်ကွက်/ကျေးရွာအုပ်ချုပ်ရေးမှူး၏ ထောက်ခံချက်(မူရင်း) (သို့မဟုတ်) သက်ဆိုင်ရာရဲစခန်းထောက်ခံချက်(မူရင်း)

လျှောက်ထားရမည့်ပုံစံ

လျှောက်လွှာကို အထက်ပါ အထောက်အထားများနှင့်အတူ (၁၅-၁၀-၂၀၂၅) ရက်၊ (ဗုဒ္ဓဟူးနေ့) နောက်ဆုံးထား၍ ကျောင်းသားရေးရာဌာန၊ ရေဆင်းစိုက်ပျိုးရေးတက္ကသိုလ်၊ ဇေယျာသီရိမြို့နယ်၊ နေပြည်တော်သို့ လိပ်မူ၍ စာတိုက်သေတ္တာအမှတ် ၁၅၀၅၀၁ သို့ပေးပို့ပြီး အီးမေးလ်လိပ်စာ [email protected] သို့ Scan ဖတ်၍ ပေးပို့လျှောက်ထားနိုင်သည်။ 

ကျောင်းဝင်ခွင့်အတွက် ရွေးချယ်ခြင်းမခံရပါက ကျောင်းသား၊ ကျောင်းသူများအနေဖြင့် နစ်နာမှုမရှိစေရန်အတွက် အခြားတက္ကသိုလ်များသို့လည်း အရံလျှောက်ထားရန် လိုအပ်ပါသည်။

တက္ကသိုလ်ဝင်ခွင့် ရရှိသူများစာရင်းကို ကျောင်းဖွင့်ချိန်နှင့်အတူ အချိန်မီ အသိပေးကြေညာသွားမည်ဖြစ်သည်။

အသေးစိတ် မေးမြန်းလိုပါက အထက်ပါ အီးမေးလ်လိပ်စာ (သို့) ဖုန်း ၀၆၇-၃၄၁၆၅၁၂ နှင့် ၀၉၈၉၄၄၁၅၇၉၀ တို့ကို စုံစမ်းမေးမြန်းနိုင်ပါသည်။

Related Article : ရေဆင်းစိုက်ပျိုးရေးတက္ကသိုလ် ပထမနှစ်ဝင်ခွင့်များ စတင်ခေါ်ယူ

> https://www.edge.com.mm/article/yezin-agricultural-university.html

---------------------------------

ပညာရေးဆိုင်ရာ သတင်းအချက်အလက် အစုံအလင်ကို
Telegram နှင့် Viber မှာလည်း အလွယ်တကူ ဖတ်ရှုနိုင်ပါတယ်။

> https://t.me/eudcationguide (Telegram)

> https://invite.viber.com/? (Viber)

နှစ်ပတ်တစ်ကြိမ် ပေးပို့နေတဲ့ Education Bulletin ကို
ရယူဖို့လည်း Subscribe လုပ်ထားနိုင်ပါတယ်။

> https://shorturl.at/ktCaP