Sales Hotline : 09448001653   Find A Tutor     Download App



လေ့လာမှတ်သားသင့်သော အင်္ဂလိပ်စာ အတိုကောက် စာလုံးများ

 

တစ်ဦး နဲ့ တစ်ဦး ဖုန်းဖြင့်စာပို့၍ ဖြစ်စေ ၊ Socail Media ပေါ်မှာဖြစ်စေ ဆက်သွယ်ပြောဆိုကြတဲ့ အခါ အတိုကောက်စာလုံးလေးတွေက ဆက်သွယ်ရေးကို ပိုပြီး မြန်ဆန်စေတဲ့အပြင် စာရိုက်ရတာလည်း ပိုမို အဆင်ပြေချောမွေ့စေပါတယ် ။ တစ်ခုခုကို မှတ်စုအဖြစ်လိုက်မှတ်တဲ့ အခါမှာလည်း မှတ်သားရတာ  ပို၍မြန်ဆန်စေပါတယ် ။ အထူးသဖြင့် လုပ်ငန်းခွင်မှာ ဖြစ်စေ ၊ မိတ်ဆွေ သူငယ်ချင်းများနဲ့ဖြစ်စေ အင်္ဂလိပ်လို ပြောဆို ဆက်သွယ်ရတဲ့ အခါမှာ အတိုကောက် စာလုံးလေးတွေက သိကိုသိထားသင့်ပါတယ် ။ ဒါကြောင့်မို့လို့ အခုတစ်ခါမှာတော့ အသုံးများတဲ့ အင်္ဂလိပ်စာ အတိုကောက်စာလုံးလေးတွေကို ဗဟုသုတ အဖြစ်ဖော်ပြလိုက်ပါတယ် ။

 

ASAP -  As Soon As Possible

“ဒါကို အမြန်ဆုံးရနိုင်မလား” “တတ်နိုင်သမျှမြန်မြန်လေးလုပ်ပေးပါ” သင့်ရဲ့ အလုပ် Email ထဲမှာ ASAP လို့ တွေ့လိုက်ရင်တော့ လုပ်စရာရှိတဲ့ အလုပ်တွေကို ခပ်မြန်မြန်လေးသာ လက်စသတ်လိုက်ပါတော့။

 

AM/PM – Before Midday (Morning) and After Midday (Afternoon)

အချိန်ကို သတ်မှတ်တဲ့နေရာမှာ အသုံးပြုပါတယ် ။ သာမန်အားဖြင့်တော့ ဥာဉ့်ဦး ၁၂ နာရီ မှ နောက်နေ့မနက် ၁၁ နာရီအထိကို (12:00 AM - 11:00 AM ) မနက် ( AM ) လို့ သတ်မှတ်ပြီး နေ့လည်ခင်း ၁၂ နာရီ မှ ညဘက် ၁၁ နာရီအထိကို ( 12:00 PM - 11:00 PM )  ညနေ ( PM ) လို့သတ်မှတ်ပါတယ် ။ 

 

LMK - Let Me Know

ပေါ့ပေါ့ပါးပါးနဲ့ စာကြောင်းတစ်ကြောင်းအဆုံးသတ်နေရာမှာ အသုံးပြုနိုင်ပါတယ် ။ သင့်ရဲ့ အတည်ပြုချက် (သို့မဟုတ်) နောက်ထပ် သတင်းအချက်အလက်များကို မျှော်လင့်နေတယ်လို့ အဓိပ္ပာယ်ရပါတယ် ။

 

BRB – Be Right Back

သင့်ကို မျှော်နေတဲ့ သူငယ်ချင်း ၊ ၊ ရည်းစား ၊ လုပ်ငန်းခွင်က မိတ်ဆွေတွေကို သင်ပြန်လာခဲ့မယ်ဆိုတဲ့အကြောင်း  BRB လို့ ခပ်မြန်မြန်လေး အသိပေးလိုက်ပါ ။ 

 

DOB – Date of Birth

သင့်ရဲ့ ပျော်ရွှင်စရာမွေးနေ့ကို (DOB) ချစ်ရတဲ့သူတွေ ၊ မိတ်ဆွေ ၊ သူငယ်ချင်းတွေနဲ့ ပျော်ပျော်ကြီးသာ ဖြတ်သန်းလိုက်ပါ ။ 

 

CC/BCC – Carbon Copy/Blind Carbon Copy

ဒီစာလုံး ၂ လုံးကိုတော့ ရုံးတွင်းမှာဆို တော်တော်များများ ရင်းနှီးကြမှာပါ ။ အလုပ်ကိစ္စနဲ့ ဖြစ်စေ ၊ အကြောင်းကိစ္စ ရှိလို့ဖြစ်စေ တစ်ဦး နဲ့ တစ်ဦး Email ပို့ကြတဲ့ အခါ ကိုယ်သိစေချင်တဲ့သူ တစ်ယောက်ထက်ပိုလာရင် CC/BCC ခံ၍ email address များထည့်ပြီး ပို့လို့ရပါတယ် ။

 

ETA – Estimated Time of Arrival

“See you on Tuesday, ETA 9 PM.” “အင်္ဂါနေ့မှာ တွေ့ကြမယ် ခန့်မှန်းရောက်ချိန်ကတော့ ည ၉ နာရီပေါ့” ။ တစ်စုံတစ်ယောက်က သင့်ကို တွေ့ဖို့ချိန်းမယ် ဒါပေမဲ့ ခရီးကတော့ ပြန်မရောက်သေးဘူး ခန့်မှန်းရောက်ချိန်က ဘယ်နာရီလို့ ပြောတဲ့ အချိန်မှာ ETA ဆိုတဲ့ စာလုံးလေးကို ရင်းရင်း နှီးနှီး မြင်တွေ့ရမှာပါ ။ 

 

TGIF – Thank God it’s Friday

လုံး၀ကို ရင်းရင်း နှီးနှီးသိနေမယ့် စာလုံးဆိုတာ အာမခံပါတယ် ။ သောကြာနေ့ရောက်တိုင်း ရုံး၀န်ထမ်း ၊ အလုပ်သမားတွေ အကုန်လုံး ပျော်ပျော်ရွှင်ရွှင်နဲ့ ပြိုင်တူကြွေးကြော်ကြမယ့် စကားလုံးလေးတွေပါပဲ ။ 

 

 IMO – In My Opinion 

လူတိုင်းမှာ အတွေးကိုယ်စီ ရှိကြပါတယ် ။ ကိုယ့်ရဲ့ အတွေးတွေကို တစ်စုံတစ်ယောက်ကို အသိပေးတော့မယ်ဆိုရင်တော့ IMO လို့ အစပြုပြီး အသိပေးလိုက်ပါ ။

 

N/A - Not Available , Not Applicable

အကြောင်းအရာ တစ်ခုခုကို ရေးသားပြောဆိုတဲ့ အခါမှာ ဖော်ပြထားတဲ့ အကြောင်းအရာ တစ်ချို့ ဒါမှမဟုတ် သင်တောင်းဆိုထားတဲ့ အချက်အလက်တစ်ခုခုက သင်နဲ့ မသက်ဆိုင်ကြောင်း / သက်ဆိုင်ခြင်း မရှိကြောင်း ဖော်ပြလိုတဲ့ အခါ N/A ဆိုတဲ့ စာလုံးလေးကို အသုံးပြုလိုက်ပါ ။ မေးထားတဲ့ မေးခွန်းနဲ့ပတ်သက်ပြီး ကိုက်ညီ   သင့်တော်တဲ့အဖြေမရှိတဲ့ အခါမှာလည်းဒီစကားလုံးကိုသုံးပါတယ်

 

DIY - Do it Yourself

ပစ္စည်းတစ်ခုခု ( သို့ ) အလုပ်တစ်ခုခုကို လုပ်တဲ့နေရာမှာ ကျွမ်းကျင်သူတွေကို မငှားတော့ပဲ ကိုယ်တိုင်ကိုယ်ကျ လုပ်လိုက်ရမှ စိတ်ကျေနပ်တဲ့ သူတွေရှိပါတယ် ။ ထိုကဲ့သို့သော ကိုယ်တိုင်လုပ်ထားတဲ့ လုပ်ဆောင်ချက်များ ၊ ပစ္စည်းလေးများကို DIY လို့ ခေါ်ပါတယ် ။ကိုယ်ပိုင်စိတ်ကူးစိတ်သန်း နဲ့ ကိုယ်တိုင် ပြုလုပ်ထားတဲ့ လှပတဲ့  DIY ပရောဂျက်တွေပဲ ဖြစ်ပါတယ် ။ 

 

AKA - Also Known as

တစ်စုံတစ်ယောက်ရဲ့  နာမည် အရင်း အပြင် နာမည်ပြောင် ၊ လူသိများတဲ့ နာမည် စသည်တို့ကို ရည်ညွှန်းပြီး ပြောဆိုတဲ့ အခါ အသုံးပြုလေ့ရှိပါတယ် ။

 

BTW – By The Way 

“ဒါနဲ့ ၊ စကားမစပ်လေ” တော်တော်များများ စကားပြောတဲ့နေရာမှာ အသုံးပြုတာ မြင်ဖူး ၊ ကြားဖူးကြမှာပါ ။ ဒါဆိုရင်တော့ BYW လို့ အသုံးပြုလိုက်ပါတော့ (တစ်ခါတလေမှာ back to work လို့လည်း ဆိုလိုပါတယ်။ အဲဒါကြောင့် btw ဆိုတဲ့စကားလုံးကို ဘယ်လိုအသုံးပြုထားသလဲဆိုတာကို ဂရုစိုက်ဖို့လိုပါတယ်။)

 

 EOD – End of Day

အလုပ်ထဲမှာဆိုရင်တော့ အလုပ်ဆင်းတော့မယ့် အချိန် ၊ အလုပ်နောက်ဆုံး အချိန်ကိုပြောချင်တာပါ ။ နေ့တစ်နေ့ရဲ့ နောက်ဆုံးအချိန်ကို ပြောမယ်ဆိုလည်း EOD လို့ အသုံးပြုလို့ရပါတယ် ။ 

 

RSVP – Please Reply

ပြင်သစ်စကားလုံးတစ်လုံးဖြစ်ပြီး အကြောင်းအရာ တစ်ခုခုကို အကြောင်းပြန်ပါလို့ ပြောတဲ့အခါမျိုးမှာ အသုံးပြုပါတယ် ။ 

 

WFH – Work From Home 

ကိုယ့်ရဲ့ လုပ်ငန်းဆောင်တာများကို ရုံးသို့သွားရောက် လုပ်ဆောင်စရာ မလိုအပ်ပဲ ကိုယ့်အိမ်ကနေပဲ လုပ်ရတဲ့ အခါ ကိုယ်က WFH လို့ပြောလို့ရပါတယ် ။ ရုံးမှာ ဘယ်သူရှိတယ် ၊ ဘယ်သူမရှိဘူး ပြောပြတဲ့ နေရာမှာလည်း အသုံး၀င်ပါတယ် ။ 

 

 FYI – For Your Information

လူတိုင်း ရင်းနှီးပြီးသားစကားလုံးဖြစ်မှာပါ ။ ကိုယ်မျှဝေလိုက်တဲ့ အကြောင်းအရာကို တစ်ခြားသူတွေ သတိထားမိစေချင်တာ ၊ အာရုံစိုက်စေချင်တာမျိုးဆိုရင် FYI လို့သာ ပြောပြီး ပေးပို့လိုက်ပါ ။ 

 

FAQ – Frequently Asked Question(s) 

အကြောင်းအရာတစ်ခုခုနဲ့ ပတ်သက်ပြီး အမေးများလွန်းတဲ့ မေးခွန်းတွေကို ဆိုလိုခြင်း ဖြစ်ပါတယ်။ 

 

COB – Close of Business

အလုပ်ချိန် ကုန်ဆုံးသည့် အချိန် ဒါမှမဟုတ် လုပ်ငန်းတစ်ခု ပြီးမြောက်ဖို့အတွက် သတ်မှတ်ထားတဲ့ နောက်ဆုံးအချိန်ကို ပြောချင်တဲ့ အခါ အသုံးပြုပါတယ် ။

 

IOW – In Other Words  

အကြောင်းအရာတစ်ခုခုကို ရှင်းပြပြောဆိုပေးပို့တဲ့ အခါမှာ အရှေ့မှာ ပြောပြ ၊ ရှင်းပြထားတာထက် ပိုပြီး ရှင်းရှင်းလင်းလင်း သိစေချင်တယ်ဆိုရင် စာကြောင်းရဲ့ အလယ်မှာ IOW လို့ အသုံးပြုပြီး ရေးသားပြောဆိုလို့ ရပါတယ် ။

High Primary Secondary Read 286 times