ရန်ကုန်စီးပွားရေးတက္ကသိုလ်တွင် Executive မဟာဘွဲ့သင်တန်းများ ဖွင့်လှစ်ပို့ချမည်

ရန်ကုန်စီးပွားရေးတက္ကသိုလ်မှ ၂၀၂၃ ခုနှစ် ဇူလိုင်လ ၁ ရက်နေ့တွင် အသက် (၃၀) ပြည့်ပြီးသူများ လျှောက်ထားနိုင်သော Executive Level မဟာဘွဲ့သင်တန်းများ ဖွင့်လှစ်ပို့ချမည် ဖြစ်ကြောင်း သိရှိရသည်။ 

၂၀၂၃-၂၀၂၄ ပညာသင်နှစ်အတွက် ဖွင့်လှစ်ပို့ချမည့်  မဟာဘွဲ့သင်တန်းများမှာ  အောက်ပါအတိုင်း ဖြစ်သည်_

1. စီးပွားရေးလုပ်ငန်းစီမံခန့်ခွဲမှုမဟာဘွဲ့ EMBA ( ပုံမှန်သင်တန်း )

2. ပြည်သူ့ရေးရာစီမံခန့်ခွဲမှုပညာမဟာဘွဲ့ EMPA ( Online သင်တန်း )

3. ဖွံ့ဖြိုးရေးပညာမဟာဘွဲ့ EMDevS ( Online သင်တန်း )

4. ဘဏ်လုပ်ငန်းနှင့် ဘဏ္ဍာရေး ပညာမဟာဘွဲ့ EMBF ( Online သင်တန်း )

သင်တန်းနှင့် သက်ဆိုင်သည့် စာရွက်စာတမ်းများနှင့် သတ်မှတ်ထားသော လျှောက်လွှာပုံစံနှင့်အတူ အောက်ဖော်ပြပါ ဘာသာရပ်များ၏ သက်ဆိုင်ရာ ဌာနများတွင် သတ်မှတ်ရက်အတွင်း လျှောက်လွှာတင်သွင်းနိုင်သည်_

Advertisement 

Click Here > Grand Winner 

ဖော်ပြပါသင်တန်းများအတွက် အောက်ပါအရည်အချင်းများနှင့် ပြည့်စုံသူများ လျှောက်ထားနိုင်သည်_

• အသိအမှတ်ပြု တက္ကသိုလ်တစ်ခုခုမှ ဘွဲ့ရရှိပြီးသူ ဖြစ်ရမည်။

• စီးပွားရေးလုပ်ငန်း စီမံခန့်ခွဲမှုမဟာဘွဲ့ EMBA (ပုံမှန်သင်တန်း) အတွက် အစိုးရဝန်ထမ်းဖြစ်လျှင် ပြန်တမ်းဝင်အရာရှိ လုပ်သက်အနည်းဆုံး (၈) နှစ် ရှိရမည်ဖြစ်ပြီး၊ နိုင်ငံတကာအဖွဲ့အစည်းနှင့် ပုဂ္ဂလိကစီးပွားရေး လုပ်ငန်းများမှ ဝန်ထမ်းဖြစ်လျှင် Executive Level စီမံခန့်ခွဲမှုအဆင့် လုပ်သက် (၈) နှစ်ရှိရမည် ဖြစ်သည်။ 

• ပြည်သူ့ရေးရာ စီမံခန့်ခွဲမှုပညာမဟာဘွဲ့ EMPA (Online သင်တန်း) အတွက် အစိုးရဝန်ထမ်းဖြစ်လျှင် ပြန်တမ်းဝင်အရာရှိ လုပ်သက်အနည်းဆုံး (၂) နှစ် ရှိရမည်ဖြစ်ပြီး၊ နိုင်ငံတကာအဖွဲ့အစည်းနှင့် ပုဂ္ဂလိကစီးပွားရေး လုပ်ငန်းများမှ ဝန်ထမ်းဖြစ်လျှင် Executive Level စီမံခန့်ခွဲမှုအဆင့် လုပ်သက် (၂) နှစ် ရှိရမည် ဖြစ်သည်။ 

• ဖွံ့ဖြိုးရေး ပညာမဟာဘွဲ့ EMDevS (Online သင်တန်း)အတွက် အစိုးရဝန်ထမ်းဖြစ်လျှင် ပြန်တမ်းဝင်အရာရှိ လုပ်သက်အနည်းဆုံး (၂) နှစ်ရှိရမည် ဖြစ်ပြီး၊ နိုင်ငံတကာအဖွဲ့အစည်း နှင့် ပုဂ္ဂလိကစီးပွားရေး လုပ်ငန်းများမှ ဝန်ထမ်းဖြစ်လျှင် Executive Level စီမံခန့်ခွဲမှုအဆင့် လုပ်သက် (၂) နှစ်ရှိရမည်ဖြစ်သည်။ 

• ဘဏ်လုပ်ငန်းနှင့် ဘဏ္ဍာရေးပညာမဟာဘွဲ့ EMBF (Online သင်တန်း) အတွက် ဘဏ်လုပ်ငန်း (သို့) ဘဏ္ဍာရေးဆိုင်ရာလုပ်ငန်းခွင် (အဆင့်မြင့်စီမံခန့်ခွဲမှု) အတွေ့အကြုံလုပ်သက် အနည်းဆုံး (၅)နှစ်ရှိရမည်။

• ၂၀၂၃ ခုနှစ် ဇူလိုင်လ ၁ ရက်နေ့တွင် အသက် (၃၀) ပြည့်မီပြီးသူ ဖြစ်ရမည်။

• တက္ကသိုလ်တစ်ခုခုတွင်  အခြားသင်တန်းတစ်ခုခု တက်ရောက်နေသူ မဖြစ်စေရ။

• သတ်မှတ်ထားသော သင်ရိုးအတိုင်း အချိန်ပြည့်မီစွာ တက်ရောက်နိုင်သူ ဖြစ်ရမည်။

• သင်တန်းဝင်ခွင့်ရေးဖြေ စာမေးပွဲနှင့် လူတွေ့အကဲဖြတ် စစ်ဆေးခြင်းကို လူကိုယ်တိုင် လာရောက်ဖြေဆိုနိုင်သူ ဖြစ်ရမည်။

သင်တန်းများနှင့် ပတ်သက်သော အသေးစိတ်အချက်အလက်များကို သက်ဆိုင်ရာ သင်တန်းအသီးသီး၏ ဌာနခွဲ ဖုန်းနံပါတ်များသို့ ဆက်သွယ် စုံစမ်း မေးမြန်းနိုင်သည်။

Source >