ဗြိတိန်ပညာသင်သွားလိုသူများအတွက် အခမဲ့အွန်လိုင်းသင်တန်းစတင်

11 July, 2019

ဗြိတိန်သျှကောင်စီမှ ဗြိတိန်နိုင်ငံသို့ သွားရောက်ပညာသင်မည့် ကျောင်းသား/သူများအတွက် ပိုကောင်းမွန်သော ပြင်ဆင်မှုများလုပ်နိုင်ရန် အခမဲ့အွန်လိုင်းသင်တန်းစတင်နေကြောင်း ယင်းကောင်စီထံမှ သိရှိရပါသည်။

ပညာရေးလိုအပ်ချက်များ၊ သင်ကြားနည်းများ၊ သင်တန်းပုံစံများ၊ အကဲဖြတ်စာမေးပွဲများပါဝင်သည့် ဗြိတိန်၏ အဆင့်မြင့်ပညာရေးလမ်းကြောင်း အကြောင်းသင်ကြားမည်ဖြစ်ပါသည်။

ထို့ပြင်အင်္ဂလိပ်ဘာသာစကားလေ့လာခြင်းအတွက် အကြံဥာဏ်များနှင့် ဗြိတိန်တွင် နေထိုင်မှုအတွက် သိထားသင့်သည့် လက်တွေ့ကျသော အချက်အလက်များကို ဝေမျှပေးမည်ဖြစ်ကြောင်း ယင်းကောင်စီထံမှ သိရှိရပါသည်။

ယင်းသင်တန်းကို ဇူလှိုင် (၁) ရက်မှ စတင်နေပြီး ဇူလှိုင် (၂၈) ရက်အထိ အွန်လိုင်းမှ တစ်ဆင့်တက်ရောက်ရမည်ဖြစ်ပါသည်။ မိမိအားလပ်ချိန်တွင် အခမဲ့လေ့လာနိုင်သဖြင့် ယခုမှစတက်မည်ဆိုလျှင်လည်း နောက်မကျသေးကြောင်း ဗြိတိန်သျှကောင်စီက ဆိုပါသည်။

သင်တန်းတက်လိုသူများအနေနှင့် www.futurelearn.com/courses/prepare-to-study-uk သို့ဝင်ရောက်ရမည်ဖြစ်ပြီး အသေးစိတ်အချက်များ ထပ်မံသိလိုလျှင်ဖုန်း ၀၁-၂၅၀၀၉၉၊ ၀၁-၂၅၆၂၉၁၊၀၁-၃၇၀၉၃၃ နှင့် [email protected] သို့ ဆက်သွယ်နိုင်မည်ဖြစ်ပါသည်။

Source: The Voice