ဧရာ၀တီဖောင်ဒေးရှင်းမှ ၂၀၂၅–၂၀၂၆ ပညာသင်နှစ် တက္ကသိုလ်ဝင်စာမေးပွဲကို အောင်မြင်ခဲ့တဲ့ ကျောင်းသား၊ ကျောင်းသူ (၅၀) ဦးကို ရွေးချယ်ပြီး တက္ကသိုလ်တက်ရောက်မယ့်ကာလတစ်လျှောက်လုံးအတွက် ပညာသင်ဆု ပေးအပ်ချီးမြှင့်သွားမှာ ဖြစ်ပါတယ်။
ဧရာဝတီဖောင်ဒေးရှင်းမှ သတ်မှတ်ထားတဲ့အရည်အချင်းနဲ့ ကိုက်ညီသူတွေက ပညာသင်ဆုကြေးအဖြစ် လစဉ် (၃) သိန်းကျပ်နှင့်အတူ သင်ထောက်ကူပစ္စည်းတွေအတွက် ထောက်ပံ့ကြေး နှစ်စဉ် (၅) သိန်းကျပ်ကို ရရှိမှာဖြစ်ပါတယ်။
အရည်အချင်းသတ်မှတ်ချက်များ
- မြန်မာနိုင်ငံသား ဖြစ်ရမယ်။
- ၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲ အောင်မြင်ထားသူ ဖြစ်ရမယ်။
- သက်ဆိုင်ရာ တက္ကသိုလ်၊ ကောလိပ် သို့မဟုတ် ပညာရေးအဖွဲ့အစည်းတစခုခုမှာ ဝင်ခွင့်ရရှိထားသူ ဖြစ်ရမယ်။
- ပညာရေးမှာ ထူးချွန်ပြီး သင်ယူလိုစိတ်၊ ကြိုးစားအားထုတ်မှုနှင့် ခေါင်းဆောင်မှုအလားအလာရှိသူ ဖြစ်ရမယ်။
- ပညာရေးကို ဆက်လက်သင်ယူလိုပြီး အမှန်တကယ် ပညာသင်ထောက်ပံ့ကြေးလိုအပ်တဲ့ ကျောင်းသား ကျောင်းသူများ ဖြစ်ရမယ်။
လျှောက်ထားနိုင်မယ့် တက္ကသိုလ်များ
- ဆေးတက္ကသိုလ်များ
- နည်းပညာတက္ကသိုလ်များ
- စီးပွါးရေးတက္ကသိုလ်များ
- ကွန်ပျူတာတက္ကသိုလ်များ
- စိုက်ပျိုးရေးတက္ကသိုလ်များ
လျှောက်ထားရန် လိုအပ်သော စာရွက်စာတမ်းများ
- ပညာသင်ဆုလျှောက်လွှာ
- ကိုယ်တိုင်ရေးသားထားတဲ့ ပညာသင်ဆု လျှောက်ထားရခြင်း အကြောင်းအရင်း ဖော်ပြစာ
- တက္ကသိုလ်ဝင်စာမေးပွဲ အောင်လက်မှတ် (သို့) အမှတ်စာရင်း
- အမျိုးသားမှတ်ပုံတင်ကတ် မိတ္တူ
- အိမ်ထောင်စုစာရင်း မိတ္တူ
- တက္ကသိုလ်ဝင်ခွင့် အထောက်အထား
- ပညာသင်ထောက်ပံ့ပေးရန် လိုအပ်ကြောင်း သက်ဆိုင်ရာ ကျောင်းနှင့် ရပ်ကွက်/ကျေးရွာ အုပ်ချုပ်ရေးအဖွဲ့၏ ထောက်ခံချက်များ
လျှောက်ထားရမယ့် နည်းလမ်း
- သတ်မှတ်ထားတဲ့ ပညာသင်ဆုလျှောက်လွှာပုံစံကို လင့်ခ်မှတဆင့် ရယူပါ။
- အချက်အလက်တွေကို ပြည့်စုံစွာ ဖြည့်စွက်ပါ။
- လျှောက်လွှာနဲ့အတူ လိုအပ်တဲ့ စာရွက်စာတမ်းတွေကို အောက်တိုဘာလ (၃၁) ရက် ၊ ၂၀၂၆ မတိုင်ခင် ဧရာဝတီဖောင်ဒေးရှင်း ရုံးခန်းလိပ်စာကို ပေးပို့ လျှောက်ထားပါ။
လျှောက်လွှာဖောင်ရယူရန်
> https://www.ayeyarwadyfoundation.org/AYA_Scholarship.pdf
====================================
ပညာရေးဆိုင်ရာ သတင်းအချက်အလက် အစုံအလင်ကို
Telegram နှင့် Viber မှာလည်း အလွယ်တကူ ဖတ်ရှုနိုင်ပါတယ်။
> https://t.me/eudcationguide (Telegram)
> https://invite.viber.com/? (Viber)
နှစ်ပတ်တစ်ကြိမ် ပေးပို့နေတဲ့ Education Bulletin ကို
ရယူဖို့လည်း Subscribe လုပ်ထားနိုင်ပါတယ်။
