အွန်လိုင်းတက်ရောက်ပြီး ဘွဲ့ရရှိနိုင်မယ့် ဥပဒေဘွဲ့သင်တန်း (၂) ခု

ဥပဒေဘွဲ့ ရယူလိုသူများအနေဖြင့် ရန်ကုန်အဝေးသင်တက္ကသိုလ်တွင် အွန်လိုင်းမှတဆင့် သင်ကြားပို့ချမည့် ဥပဒေဘွဲ့ (Bachelor of Legislative Law - LL.B) (၅) နှစ်သင်တန်းနှင့် ဝိဇ္ဇာဘွဲ့ (ဥပ‌ဒေပညာ) BA (Law) (၄) နှစ်သင်တန်းကို လျှောက်ထားနိုင်ပါပြီ။

LL.B သင်တန်းကို တက္ကသိုလ်ဝင်တန်းအောင်မြင်သူများအနေဖြင့် စုစုပေါင်းရမှတ် (၃၅၀) နှင့်အထက် ရရှိ၍ အင်္ဂလိပ်စာအမှတ် (၅၀) နှင့်အထက်ရရှိသူများအပြင် ဘွဲ့ရရှိပြီးသူ ဖြစ်ပါက ဥပဒေဘွဲ့မှအပ အခြားဘွဲ့တစ်ခုခု ရရှိပြီးသူများ လျှောက်ထားနိုင်သည်။

BA (Law) သင်တန်းကို တက္ကသိုလ်ဝင်တန်းအောင်မြင်သူများအနေဖြင့် စုစုပေါင်းရမှတ် (၃၂၀) နှင့်အထက် ရရှိ၍ အင်္ဂလိပ်စာအမှတ် (၅၀) နှင့်အထက်ရရှိသူများအပြင် ဘွဲ့ရရှိပြီးသူ ဖြစ်ပါက ဥပဒေဘွဲ့မှအပ အခြားဘွဲ့တစ်ခုခု ရရှိပြီးသူများ လျှောက်ထားနိုင်သည်။

LL.B သင်တန်းဝင်ခွင့်ကို ရန်ကုန်အဝေးသင်တက္ကသိုလ်၏ https://lawhrd.yude.edu.mm ဝက်ဘ်ဆိုက်ဒ်မှတဆင့် လာမယ့် စက်တင်ဘာလ (၆) ရက်နေ့၊ နံနက် (၉) နာရီမှစ၍ စာရင်းပေးသွင်း လျှောက်ထားနိုင်သည်။ 

BA (Law) သင်တန်းဝင်ခွင့်ကို ရန်ကုန်အဝေးသင်တက္ကသိုလ်၏ https://lawhrd.yude.edu.mm ဝက်ဘ်ဆိုက်ဒ်မှတဆင့် လာမယ့် စက်တင်ဘာလ (၆) ရက်နေ့၊ မွန်းလွဲ (၁) နာရီခွဲမှစ၍ စာရင်းပေးသွင်း လျှောက်ထားနိုင်သည်။ 

သင်တန်းသားဦးရေ ကန့်သတ်ထားပါသဖြင့် သတ်မှတ်ဦးရေပြည့်ပါက Registration ပိတ်ပါမည်။ Online Refistration အောင်မြင်ပြီး သတ်မှတ်အရည်အချင်းနှင့် ပြည့်စုံသူများအား Email ဖြင့် ပြန်လည် အကြောင်းကြားပေးမည်ဖြစ်သည်။

အဆိုပါ ဘွဲ့သင်တန်းနှစ်ခုလုံးအား ၂၀၂၅ ခုနှစ်၊ စက်တင်ဘာလ (၂၇) ရက်နေ့တွင် အွန်လိုင်းမှတဆင့် စတင် တက်ရောက်နိုင်မည်ဖြစ်သည်။ 

BA (Law)/ LL.B သင်တန်းကြေး (ခန့်မှန်းခြေ)

၃၅၀,၀၀၀ ကျပ် (တစ်နှစ်)

သင်ကြားရမည့် ဘာသာရပ်များ

• Law
• Myanmar
• Aspects of Myanmar
• English
• Economics 
• Philosopy
• Psychology

LL.B ဘာသာရပ်များ > https://lawhrd.yude.edu.mm/course/index.php?categoryid=16

BA (Law) ဘာသာရပ်များ > https://lawhrd.yude.edu.mm/course/index.php?categoryid=62

သင်ကြားရမည့်ပုံစံ

• စာသင်နှစ် (၁) နှစ်လျှင် Semester (၂) ခု တက်ရောက်ရမည်။
• Lecture notes၊ Video lectures နှင့် Power points files များကို user name နှင့် password ဖြင့် ဝင်ရောက်၍ Time Table အတိုင်း လေ့လာသင်ယူရပါမည်။
• Semester (၁) ခုတွင် (၆) ဘာသာရှိပြီး (၁) ဘာသာအတွက် Assignment (၈) ကြိမ်ကို သတ်မှတ်ထားသောရက်အတွင်း မပျက်မကွက် ဖြေဆိုရမည်။ သို့ဖြစ်ပါ၍ Semester (၁) ခုအတွက် စုစုပေါင်းဖြေဆိုရမည့် Assignments (၄၈) ခု ရှိသည်။ 
•  ကျောင်းသားများ၏ တတ်ကျွမ်းနားလည်မှုကို ဆန်းစစ်နိုင်ရန်အတွက် ဘာသာရပ်အလိုက် သက်ဆိုင်ရာ Lecturer များမှ တင်ပေးထားသော Quiz များကိုလည်း ကြိုးစား၍ ဖြေဆိုရမည်။
• ဘာသာရပ်ဆိုင်ရာ ဆွေးနွေးမေးမြန်းလိုပါက Discussion Box တွင် ဝင်ရောက် ဆွေးနွေး မေးမြန်းနိုင်ပါသည်။
• သက်ဆိုင်ရာနှစ်အလိုက် Face to Face သင်တန်းကို Semester (၁) ခုတွင် (၂) ကြိမ် ရန်ကုန်အဝေးသင်တက္ကသိုလ်တွင် သွားရောက်သင်ကြားရမည်။
• Semester (၁) ခုတွင် (၁) ဘာသာလျှင် Tutorial Test (၁) ကြိမ် ဖြေဆိုရမည်။
• စာမေးပွဲကို YUDE Exam Center တွင် သွားရောက် ဖြေဆိုရမည်။

အလုပ်အကိုင်အခွင့်အလမ်း

LL.B ဘွဲ့ရရှိပြီးသူများသည် တရားရေးဝန်ထမ်း (JO)၊ ဥပဒေအရာရှိ (LO) တို့ကို လျှောက်ထားခွင့် ရှိပါသည်။ ထို့ပြင် LL.B ဘွဲ့ရရှိပြီးပါက အလုပ်သင်ရှေ့နေ (၁) နှစ် သင်ကြားပြီး သတ်မှတ်ချက်နှင့် ပြည့်စုံပါက အထက်တန်းရှေ့နေ လိုင်စင် လျှောက်ထားခွင့်ရှိပါသည်။

အထက်တန်းရှေ့နေအဖြစ် (၃) နှစ် ဆောင်ရွက်ပြီး သတ်မှတ်ချက်နှင့်  ပြည့်စုံပါက တရားလွှတ်တော်ရှေ့နေ လိုင်စင် လျှောက်ထားခွင့် ရှိပါသည်။

BA (Law) ဘွဲ့မှာ ရိုးရိုး ဝိဇ္ဇာဘွဲ့ (ဥပဒေပညာ) ဖြစ်သဖြင့် LL.B ဘွဲ့ရရှိသူများကဲ့သို့ အလုပ်သင်ရှေ့နေအဖြစ် ဆောင်ရွက်ခွင့်၊ အထက်တန်းရှေ့နေလိုင်စင် လျှောက်ခွင့်ရရှိမည် မဟုတ်ပါ။

သို့သော် (၄) နှစ် တက်ရောက်၍ သတ်မှတ်အရည်အချင်း ပြည့်မီသူများသည် LL.B သင်တန်း၏ စတုတ္ထနှစ်နှင့် ပဉ္စမနှစ်တွင် ဆက်လက် တက်ရောက်ခွင့် ရရှိပြီး LL.B ဘွဲ့ကိုရရှိနိုင်ပါသည်။

သတ်မှတ်အရည်အချင်း မပြည့်မီ၍ BA (Law) ဖြင့်သာ ဘွဲ့ရရှိပါက ရှေ့နေ၊ ဥပဒေအရာရှိ၊ တရားသူကြီးမှလွဲ၍ ကျန်သော ဥပဒေအလုပ်အကိုင်များကို လုပ်ကိုင်နိုင်သလို အခြားသော ဌာနဆိုင်ရာ အစိုးရရုံးများတွင် ရာထူးအလိုက် အလုပ်လျှောက်နိုင်တဲ့ အခွင့်အရေးမျိုး‌ ရှိသည်။

ဥပဒေရေးရာအထောက်အကူပြုပေးသူ (Paralegal) ကဲ့သို့သော အလုပ်များ၊ ကုမ္ပဏီများ၏ Legal Department များနှင့် ဥပဒေအကြံပေးကဲ့သို့သော အလုပ်များကို လုပ်ကိုင်နိုင်သည်။ 

သင်တန်းများနှင့်ပတ်သတ်၍ အသေးစိတ်စုံစမ်းလိုပါက ဖုန်း-၀၉၆၈၀၈၉၉၈၅၉၊ ၀၁-၂၃၀၅၉၃၈ တို့ကို ရုံးချိန်အတွင်း ဆက်သွယ်နိုင်ပါသည်။ လူကိုယ်တိုင် စုံစမ်းလိုပါက ရန်ကုန်အဝေးသင်တက္ကသိုလ် (၄၇-က၊ အင်းယျာလမ်း၊ ကမာရွတ်မြို့နယ်)၊ ဥပဒေပညာဌာန၊ သထုံလမ်းသို့ သွားရောက်မေးမြန်းနိုင်ပါသည်။  

===================

ပညာရေးဆိုင်ရာ သတင်းအချက်အလက် အစုံအလင်ကို
Telegram နှင့် Viber မှာလည်း အလွယ်တကူ ဖတ်ရှုနိုင်ပါတယ်။

> https://t.me/eudcationguide (Telegram)

> https://invite.viber.com/? (Viber)

နှစ်ပတ်တစ်ကြိမ် ပေးပို့နေတဲ့ Education Bulletin ကို
ရယူဖို့လည်း Subscribe လုပ်ထားနိုင်ပါတယ်။

> https://shorturl.at/ktCaP