မြန်မာလူငယ်တွေကိုသာ သီးသန့်ထောက်ပံ့ပေးတဲ့ EMPM Virtual Scholarship 

EMPM Virtual Scholarship ဆိုတာ မြန်မာနိုင်ငံက လူငယ်တွေအတွက် EMPM နဲ့ ချိတ်ဆက်ထားတဲ့ တက္ကသိုလ်တွေမှာ အွန်လိုင်းကနေ သင်တန်းတက်ရောက်ခွင့်နဲ့ နိုင်ငံတကာ အလုပ်သင် အတွေ့အကြုံကို ရရှိစေတဲ့ ပညာသင်ဆု အခွင့်အရေးဖြစ်ပါတယ်။

EMPM Virtual Scholarship ရဲ့ Batch 4 မှာ ထူးခြားတဲ့ အစီအစဉ်တစ်ရပ်အနေနဲ့ ရန်ကုန်မြို့မှာ အလုပ်သင်ဆင်းခွင့်ရမယ့် Physical Internship ပရိုဂရမ်ပါ ပထမဆုံး ပါဝင်လာခြင်း ဖြစ်ပါတယ်။ 

Virtual Program ဖြစ်တဲ့အတွက် ပညာသင်ဆုရရင် အွန်လိုင်းကနေပဲ တက်ရောက်ရမှာဖြစ်လို့ နိုင်ငံခြားထွက်ဖို့ အခက်အခဲဖြစ်နေသူတွေအတွက်လည်း အဆင်ပြေမှာပါ။ လက်ရှိ EMPM (EU Mobility Programme for Myanmar) Batch 4 မှာ လျှောက်လို့ရတဲ့ ပရိုဂရမ် (၃) ခုရှိပါတယ်။ 

1.  Virtual Global Opportunities (MicroCredentials) 

ASEAN နဲ့ EU နိုင်ငံတွေထဲက EMPM နဲ့ချိတ်ဆက်ထားတဲ့ တက္ကသိုလ်တွေ၊ ကျောင်းတွေမှာ ကာလတိုသင်တန်းလေးတွေ တက်ရောက်နိုင်မယ့် အခွင့်အရေးပါ။ ချိတ်ဆက်ထားတဲ့ နိုင်ငံတွေနဲ့ လျှောက်ထားနိုင်တဲ့ သင်တန်းတွေကို အောက်ကလင့်ခ်မှာ အသေးစိတ် ကြည့်ရှုနိုင်ပါတယ်။ 

>> https://empm.education/virtual-global-opportunities-microcredentials/

သင်တန်းကာလ - (၁၅) ပတ်

ထောက်ပံ့ကြေး - EUR 300

2. Virtual Global Opportunities (Internships)

ASEAN နဲ့ EU နိုင်ငံတွေထဲက EMPM နဲ့ချိတ်ဆက်ထားတဲ့ ကုမ္ပဏီတွေ၊ အဖွဲ့အစည်းတွေမှာ အလုပ်သင်ဆင်းရမယ့် အခွင့်အရေးပါ။ ချိတ်ဆက်ထားတဲ့နိုင်ငံတွေနဲ့ လျှောက်ထားနိုင်တဲ့ အလုပ်တွေကို အောက်ကလင့်ခ်မှာ အသေးစိတ် ကြည့်ရှုနိုင်ပါတယ်။ 

>> https://empm.education/virtual-global-opportunities-internships/

အလုပ်သင်ကာလ - (၁၅) ပတ်

ထောက်ပံ့ကြေး - EUR 300

3. Global Opportunities (Physical Internship in Yangon)

ရန်ကုန်မြို့ထဲက EMPM နဲ့ ချိတ်ဆက်ထားတဲ့ ကုမ္ပဏီတွေ၊ အဖွဲ့အစည်းတွေမှာ အလုပ်သင်ဆင်းရမယ့် အခွင့်အရေးပါ။ ချိတ်ဆက်ထားတဲ့ လုပ်ငန်းတွေနဲ့ လျှောက်ထားနိုင်တဲ့ အလုပ်တွေကို အောက်ကလင့်ခ်မှာ အသေးစိတ် ကြည့်ရှုနိုင်ပါတယ်။

>> https://empm.education/category/global-opportunities-physical-internship-in-yangon/

အလုပ်သင်ကာလ - (၆) လ

ထောက်ပံ့ကြေး - EUR 426

သတ်မှတ်အရည်အချင်း

• မြန်မာနိုင်ငံသားဖြစ်ရပါမယ်။
• ဘွဲ့ရပြီးသူဖြစ်ရပါမယ်။
• တခြားဘယ်ပညာသင်ဆုမှ မရရှိဖူးသူဖြစ်ရပါမယ်။
• အင်္ဂလိပ်ဘာသာစကားကျွမ်းကျင်ရပါမယ်။

အကျိုးခံစားခွင့်

Virtual Global Opportunities: Micro-Credentials and Internships

• Book/study Materials allowance
• Internet Data Allowance
• Waived tuition fees

Global Opportunity: Physical Internship in Yangon

• Allowance
• Health Insurance

လိုအပ်တဲ့ စာရွက်စာတမ်းများ

• တက္ကသိုလ် (သို့) အလုပ်ဘက်က လက်ခံစာ
• ကိုယ်ရေးအကျဉ်း CV (https://europa.eu/europass/eportfolio/screen/cv-editor)
• ဓာတ်ပုံ
• အိမ်ထောင်စုစာရင်း
• မှတ်ပုံတင်
• ပတ်စ်ပို့

လျှောက်ထားရမယ့်ပုံစံ 

• သက်ဆိုင်ရာ သင်တန်း (သို့) အလုပ်ကို ဦးစွာပထမ လျှောက်ထားရပါမယ်။
• ကိုယ်လျှောက်ထားတဲ့ တက္ကသိုလ် (သို့) အဖွဲ့အစည်းမှ Offer Letter ရရှိပြီးရင် အောက်ကလင့်ခ်ကနေတဆင့် EMPM ပညာသင်ဆုကို လျှောက်လို့ရပါပြီ။ (>> https://empm.education/online-application-empm/)
• EMPM လျှောက်နေတဲ့အချိန်ထိ Offer Letter မရရှိသေးဘူးဆိုရင်တော့ ကိုယ်လျှောက်ထားတဲ့ တက္ကသိုလ် (သို့) အဖွဲ့အစည်းဘက်က သင့်လျှောက်လွှာကို စစ်ဆေးနေကြောင်း ထောက်ခံစာပြပြီး လျှောက်ထားလို့ ရပါတယ်။

EMPM ပညာသင်ဆုကို ၂၀၂၅ ခုနှစ်၊ ဇွန် (၁၃) ရက်နေ့အထိ လျှောက်ထားနိုင်မှာဖြစ်ပြီး တစ်စုံတစ်ရာ မေးမြန်းစုံစမ်းလိုပါက [email protected] ၊ [email protected] နဲ့ [email protected] တို့ကို အီးမေးလ်ပေးပို့ ဆက်သွယ်နိုင်ပါတယ်။ 

အသေးစိတ်အချက်အလက် ဖတ်ရှုရန် >> https://empm.education/online-application/

============================

ပညာရေးဆိုင်ရာ သတင်းအချက်အလက် အစုံအလင်ကို
Telegram နှင့် Viber မှာလည်း အလွယ်တကူ ဖတ်ရှုနိုင်ပါတယ်။

> https://t.me/eudcationguide (Telegram)

> https://invite.viber.com/? (Viber)

နှစ်ပတ်တစ်ကြိမ် ပေးပို့နေတဲ့ Education Bulletin ကို
ရယူဖို့လည်း Subscribe လုပ်ထားနိုင်ပါတယ်။

> https://shorturl.at/ktCaP