မြန်မာနိုင်ငံရေကြောင်းပညာတက္ကသိုလ် Logisticsဘွဲ့လွန်ဒီပလိုမာညနေပိုင်းသင်တန်းသားများခေါ်ယူခြင်း

၁။ မြန်မာနိုင်ငံရေကြောင်းပညာတက္ကသိုလ် (Myanmar Maritime University) တွင် ၂၀၁၈-၂၀၁၉ ပညာသင်နှစ်အတွက် အောက်ပါဘွဲ့လွန်ဒီပလိုမာသင်တန်း ကို ၂၀၁၈ခုနှစ်၊ ဒီဇင်ဘာလ ၃ရက်တွင် စတင်ဖွင့်လှစ် ပို့ချမည်ဖြစ်ပါသည်။

ဖွင့်လှစ်မည့်သင်တန်း - Post Graduate Diploma in Transport and Logistics Management

သင်တန်းကာလ - အချိန်ပိုင်း (၁)နှစ်

လက်ခံမည့်ဦးရေ - ၁၂၀

၂။ ပညာအရည်အချင်းသတ်မှတ်ချက်

(က) တက္ကသိုလ်တစ်ခုခုမှ ဘွဲ့တစ်ခုခုရရှိပြီးသူဖြစ်ရမည်။

(ခ) လုပ်ငန်းခွင်နှင့်ဆက်စပ်မှုရှိသူများကို ဦးစားပေးစဉ်းစားမည်။

၃။ အဆိုပါသင်တန်းအတွက် ဝန်ထမ်းဖြစ်လျှင် (ပုဂ္ဂလိကလုပ်ငန်းအပါအဝင်)၊ ဌာနဆိုင်ရာအကြီးအကဲ၏ ခွင့်ပြုချက်ပါရှိရမည်။ )

၎။ သင်တန်းကိုတစ်ပတ်လျှင် (၅)ရက် (တနင်္လာနေ့မှ သောကြာနေ့) အထိ ညနေ ၅း၃၀နာရီမှ ည ၇း၃၀နာရီအထိ သတ်မှတ်ထားသော အချိန်ဇယားအတိုင်း ရန်ကုန်တိုင်းဒေသကြီး၊ အလုံမြို့နယ်၊ သခင်မြပန်းခြံအနီး၊ မြန်မာ့ဆိပ်ကမ်း အာဏာပိုင် ကိုယ်စားလှယ် လုပ်ငန်းဌာနဝင်းအတွင်းရှိ မြန်မာနိုင်ငံရေကြောင်း ပညာတက္ကသိုလ်၊ လူ့စွမ်းအားအရင်းအမြစ်ဖွံ့ဖြိုးတိုးတက်မှု ဌာန (MIRDC) တွင် ပို့ချပေးမည်ဖြစ်ပါသည်။

၅။ သင်တန်း အောင်မြင်ပြီးဆုံးပါက Diploma in Transport and logistics Management (Dip.TLM)  ဘွဲ့အပ်နှင်းမည်ဖြစ်ပါသည်။

၆။ ဝင်ခွင့်လျှောက်လွှာပုံစံများကို ရန်ကုန်တိုင်းဒေသကြီး၊ သန်လျင်မြို့နယ်၊ မြန်မာနိုင်ငံရေကြောင်း ပညာတက္ကသိုလ်တွင် ၂၀၁၈ခုနှစ်၊ စက်တင်ဘာလ ၂၄ရက်မှ စတင်ထုတ်ယူနိုင်ပြီး အောက်တိုဘာလ ၂၂ရက် နောက်ဆုံးထား၍ ပြန်လည် တင်သွင်းရ မည်ဖြစ်ပါသည်။

ဝင်ခွင့်လျှောက်လွှာနှင့်အတူ ပတ်စပို့အရွယ်ဓာတ်ပုံ (၃)ပုံဘွဲ့လက်မှတ်မူရင်းနှင့်မိတ္တူ၊ အမျိုးသား မှတ်ပုံတင်(သို့မဟုတ်) နိုင်ငံသား စိစစ်ရေးကတ်ပြားမူရင်းနှင့် မိတ္တူတို့ကို ပူးတွဲတင်ပြရမည်။ သတ်မှတ်ရက်ထက်
နောက်ကျရောက်ရှိသော လျှောက်လွှာများကို လက်ခံစဉ်းစားမည်မဟုတ်ပါ။

၇။ Logistics ဘွဲ့လွန်ဒီပလိုမာဝင်ခွင့်အတွက် လူတွေ့ဖြေဆိုခွင့်ရရှိသူများ စာရင်း၊ လူတွေ့ဖြေဆိုခွင့်ကတ်ပြား ထုတ်ပေးမည်ရက်နှင့် လူတွေ့ဖြေဆိုရမည့် အစီအစဉ်များကို ဤတက္ကသိုလ်၌ ၂၆-၁၀-၂၀၁၈ရက်တွင် ကြေညာထားမည်ဖြစ် ပါသည်။

မြန်မာနိုင်ငံရေကြောင်း ပညာတက္ကသိုလ်၏ Website www.mmu.edu.mm တွင်လည်း ဝင်ရောက်ကြည့်ရှုနိုင်ပါသည်။

၈။ သင်တန်းတက်ရောက်ခွင့် ရရှိသူများစာရင်းကို ၃-၁၂-၂၀၁၈ရက် တနင်္လာနေ့တွင် ထုတ်ပြန်ကြေညာပါမည်။

၉။ အသေးစိတ် အချက်အလက်များသိရှိလိုပါက မြန်မာနိုင်ငံရေကြောင်းပညာ တက္ကသိုလ်သို့ လူကိုယ်တိုင်သော်လည်းကောင်း၊ ဖုန်းနံပါတ်-၀၉-၂၆၄၅၇၂ ၃၆၁နှင့် ၀၉-၄၅၈၁၃၈၀၇၇သို့ လည်းကောင်း ဆက်သွယ်မေးမြန်းစုံစမ်းနိုင်ပါသည်။

ပညာရေးလမ်းညွှန်website တွင်မြန်မာတစ်နိုင်ငံလုံးတွင် ပြောင်းလဲနေသော ပညာရေးအခြေအနေများ၊ အခမဲ့ ပညာရေးသင်ကြားပေးနေသည့် သင်တန်းကျောင်းများ၊ ပြည်တွင်း၊ ပြည်ပပညာသင်ဆုများ၊ ပညာရေးအတွက် သင်တန်းများ၊ အလုပ်ခွင်ဝင်ရန် လိုအပ်သော သင်တန်းများ စသည်တို့ပါဝင်ပါတယ်နော်...။

source: myanmar maritime university