ဆရာဖြစ်လက်မှတ်မရှိသည့် အခြေခံပညာဆရာ၊ ဆရာမများအား စာပေးစာယူ သင်တန်းပေးမည်

14 August, 2019

ဆရာဖြစ်လက်မှတ်မရှိသည့် အခြေခံပညာဆရာ၊ ဆရာမများကိုမူလတန်း၊ အလယ်တန်းဆရာအတတ် စာပေးစာယူ သင်တန်းများဦးစီးနိုင်ရန် အခြေခံပညာဦးစီးဌာနက စီစဉ်နေပါသည်။

၂၀၁၉-၂၀ ပညာသင်နှစ်တွင် ဆရာအတတ်ပညာလက်မှတ်မရှိသေးသော အလယ်တန်းပြ၊ မူလတန်းကျောင်းအုပ်နှင့်မူလတန်းပြများသို့ ဆရာအတတ်စာပေးစာယူသင်တန်းများ ပို့ချမည်ဖြစ်ပြီး တိုင်းရင်းသားဘာသာစာပေသင်ကြားနေသော နေ့စားလပေး (Teaching Assistant) ၄၄၃ ဦးကိုပါ သင်တန်းပို့ချရန် အခြေခံပညာဦးစီးဌာနက သြဂုတ်လ (၆) ရက်တွင် ညွှန်ကြားထားပါသည်။

ပညာရေး ဝန်ကြီးဌာန အောက်ရှိကျောင်းများတွင်ဆရာဖြစ်လက်မှတ်မရှိသည့် ဆရာ၊ ဆရာမများပပျောက်ရေးနှင့် မူလတန်းအဆင့် ဘာသာရပ်များကို စနစ်တကျသင်ပြနိုင်မည့် မူလတန်းပြဆရာများ လေ့ကျင့်မွေး ထုတ်ရေး အဆိုပါစာပေးစာယူသင်တန်းများ ဖွင့်လှစ်ခြင်းဖြစ်သည်ဟု အဆင့်မြင့်ပညာဦးစီးဌာန ဆရာအတတ်ပညာဌာန ဒုတိယညွှန်ကြားရေးမှူးချုပ် ဒေါက်တာအောင်အောင်မင်းက ပြောပါသည်။

“နေ့စားလပေးဆရာ၊ ဆရာမတွေ ခန့်လိုက်တော့ သူတို့ကဆရာဖြစ်သင်တန်းလက်မှတ်မရှိဘူး ဖြစ်နေတာ။ အခြေခံပညာဦးစီးဌာနရဲ့ စာရင်းအရဆရာဖြစ်လက်မှတ်မရှိသေးတဲ့သူတွေကို သင်တန်းပေးတာ" ဟု၎င်းကပြောပါသည်။

မူလတန်းဆရာအတတ် စာပေးစာယူသင်တန်းကို တစ်နိုင်ငံလုံးရှိ ပညာရေးကောလိပ်များတွင် ၂၀၁၉ အောက်တိုဘာတွင်စတင်ဖွင့်လှစ်မည်ဖြစ်ပါသည်။

၎င်းတို့သင်တန်းတက်ရောက်စဉ်သင်ကြားရေး၊ စီမံခန့်ခွဲရေး မလစ်ဟင်းအောင် အခြားဆရာ၊ ဆရာမများကို ခေတ္တဖြည့်ဆည်းပေးထားရန် ခရိုင်၊ မြို့နယ်ပညာရေးမှူးများအား အခြေခံပညာဦးစီးဌာနက ညွှန်ကြားထားပါသည်။

“နောက်ပိုင်းခန့်ဆရာမတွေမှာ ဘွဲ့ရပြီးဆရာမဝင်လုပ်နေသူ ဦးရေကပိုများတယ်။ ဆရာအတတ်ပညာသင်တန်းတက်မထားတော့ သင်ကြားရေးက အနည်းနဲ့အများ အခက်အခဲတော့ရှိတာပဲ။ ဒီ မစယ (မူလတန်းဆရာအတတ်စာပေးစာယူ) သင်တန်းတွေကတော့ သူတို့အတွက် ဆရာအတတ်ကို ရက်တိုသင်တန်းပေးတဲ့သဘောပေါ့။ မရှိတာထက်စာရင်ကောင်းတယ်ပြောရမှာပေါ့" ဟုပဲခူးတိုင်းဒေသကြီးမှ အထက်တန်းကျောင်းအုပ်တစ်ဦးကပြောကြားပါသည်။

အခြေခံပညာကဏ္ဍတွင်ဆရာ၊ ဆရာမလိုအပ်ချက်အရ ၂၀၁၄-၂၀၁၅ ပညာသင်နှစ်ကစ၍ ဘွဲ့ရပြီး သူများကိုနေ့စားလပေးမူလတန်းပြများအဖြစ် ခေါ်ယူခဲ့ပါသည်။

နေ့စားလစားမူလတန်းပြရာထူးနေရာများအတွက် အသက် (၄၀) နှစ်နှင့် အောက်ပါရဂူဘွဲ့ရများ၊ (၃၅) နှစ်နှင့်အောက်ဝိဇ္ဇာ၊ သိပ္ပံဘွဲ့ရများကို ရေးဖြေ၊ နှုတ်ဖြေစစ်ဆေး၍ ခန့်ထားသည်။

Source: 7 Day News