အချိန်၊ ပညာ၊ လေ့ကျင့်မှု၊ ကြိုးစားမှု နဲ့ ထိန်းကွပ်မှုတွေအကြားမှာ ဆရာကောင်း သမားကောင်းတစ်ဦး ပေါ်ထွန်းလာရတယ်လို့ ပညာရှင်များ နားလည်ထားကြပါတယ်။ ဆရာ၊ ဆရာမ ကောင်းတစ်ယောက်ဖြစ်ဖို့.. အရင်းအနှီးများစွာ လိုအပ်ပါတယ်..။
Teaching
စာသင်ကြားပေးခြင်း (Teaching) ဆိုတာ တစ်ဦးချင်း (သို့) လူ့အဖွဲ့အစည်းတစ်ခုအတွက် လိုအပ်နေတဲ့ အသိပညာကို ဆရာ၊ ဆရာမ များက သူတို့တတ်ကျွမ်းတဲ့ အသိပညာ၊ ဗဟုသုတ၊ ကျွမ်းကျင်မှု နဲ့ နည်းပညာများဖြင့် အသုံးချပြီး ဝန်ဆောင်မှုပေးခြင်းဖြစ်ပါတယ်။
စာသင်ကြားခြင်းဟာ အနုပညာတစ်ခုဖြစ်သလို.. သိပ္ပံအတတ်ပညာတစ်ခုလည်း ဖြစ်ပါတယ်။ တနည်းအားဖြင့် ဆရာကောင်း၊ သမားကောင်း များဟာ တိုင်းပြည်အတွက် လိုအပ်တဲ့ သားကောင်းရတနာများစွာကို ပေါ်ထွန်းလာအောင် မြေတောင်မြှောက်ပေးနိုင်သူများပါပဲ...။
ဆရာအတတ်ပညာ ပိုပြီး ကျွမ်းကျင်လာလေ.. စိန်ကောင်း ကျောက်ကောင်းလေးတွေ ပိုပြီးသွေးနိုင်လေပါ။ ကလေးတွေဟာ.. ကျောက်ရိုင်းတုံး လေးတွေ၊ ပျော့ပြောင်းတဲ့ ရွှံ့တုံးလေးတွေ နဲ့ အလားသဏ္ဍာန် တူပါတယ်။ ပုံဖော်ပေးရမယ့် ဆရာ၊ ဆရာမ များအတွက် ပတ်ဝန်းကျင် နဲ့ အုပ်ချုပ်သူများရဲ့ ပံ့ပိုးမှု အများကြီးလိုအပ်ပါတယ်။ ဖိအားပေးလို့ မရပါ။
ဆရာ၊ ဆရာမ များရဲ့ လက်နက်ဟာ ပညာ နဲ့ စာသင်ခန်း ဖြစ်ပါတယ်။ ပညာဆိုတာ မိမိသင်ကြားမယ့် ဘာသာရပ်ပညာ၊ သင်ကြားနည်း အတတ်ပညာ၊ သင်ယူနည်းအတတ်ပညာ နဲ့ ဆန်းစစ် သုံးသပ်ခြင်း ပညာဖြစ်ပါတယ်။
၂၁ ရာစု ပညာသင်ကြားရေးစနစ်မှာ စာတစ်ခုတည်း သင်ကြားပေးနေလို့ မရတော့ပါ။ ကာယ၊ ဉာဏ၊ စာရိတ္တ နဲ့ ဘက်စုံ ဖွံ့ဖြိုးအောင် စနစ်တကျ လုပ်ရမည့်အပြင် ပညာသင်ရာမှာလည်း.. ကျောင်းသားနှင့် စိန်ခေါ်ပြီး ဆွေးနွေးသင်ကြားနိုင်အောင် ပြင်ဆင်ရတော့မှာပါ။ ပြင်လည်း ပြင်သင့်နေပါပြီ။
ကျောင်းစာသင်ခန်းနဲ့ စာသင်ကျောင်းဟာလည်း ကျောင်းသားများအတွက် သင်ယူချင်စရာ၊ လေ့လာချင်စရာ၊ နွေးထွေးရာ၊ မှီခိုအားထားရာ ဖြစ်ဖို့ လိုပါတယ်။
ကျောင်းဆောင်တွေချည်း ထပ်တိုးနေရုံထက် ကျောင်းဆောင်အတွင်းက ပညာသင်ကြားနိုင်မှု အခွင့်အရေးများကို ကြိုးစားမြှင့်တင်ကြဖို့ လိုအပ်လာပါပြီ။ စာသင်ခန်းကောင်းကောင်းဟာ ဆရာကောင်းတစ်ယောက်အတွက် မရှိမဖြစ်လိုအပ်တဲ့ လက်နက်တစ်ခုပါ။ ကျွမ်းကျင်လိမ္မာစွာ အသုံးပြုတတ်ဖို့ပဲ လိုပါတယ်။
မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိက တက္ကသိုလ်များကို ရှာဖွေလိုပါက ဒီ Link မှာရှာဖွေနိုင်ပါသည်။
ပညာရေးလမ်းညွှန် website တွင် ပါဝင်သော သင်တန်းများ၊ ကျောင်းများ၊ Scholarship၊ Knowledge များနှင့် ပတ်သက်သော အချက်အလက်များကို ၀င်ရောက်ရှာဖွေ ဖတ်ရှုနိုင်ပါတယ်။
Credit: သန့်ဦး (အာကာသနှင့် စကြဝဠာ သင်ထောက်ကူ)
