ဒီဇင်ဘာလမှစ၍ ပညာရေးကောလိပ်ငါးခု၏ သင်ရိုးညွှန်းတမ်းပြောင်းမည်

မြန်မာနိုင်ငံရှိ ပညာရေး ကောလိပ်များကို ပညာရေး ဒီဂရီ ကောလိပ်များအဖြစ် အဆင့်တိုး မြှင့် ဖွင့်လှစ်ရန် ပညာရေးဝန်ကြီး ဌာနက စီစဉ်နေပြီး အဆိုပါဒီဂရီ ကောလိပ်များတွင် အသုံးပြုမည့် သင်ရိုးညွှန်းတမ်း အသစ်များရေး ဆွဲနေသည်။

သင်ရိုးညွှန်းတမ်းအသစ်များ ကို ၂၀၁၈ ဒီဇင်ဘာမတိုင်မီ အပြီး ရေးဆွဲပြီး ရန်ကင်းပညာရေးကောလိပ်၊ မန္တလေးပညာရေးကော လိပ်၊ ပုသိမ်ပညာရေးကောလိပ်၊ တောင်ငူပညာရေးကောလိပ်၊ လားရှိုးပညာရေးကောလိပ်တို့ တွင် Pilot Project (ရှေ့ပြေးစီမံ ချက်)အဖြစ် စမ်းသပ်သင်ကြား မည်ဖြစ်သည်။

‘‘၂၀၁၈ ဒီဇင်ဘာမှာ ငါး ကျောင်းကတော့ Pilot Test စမယ်။ အခု သင်ရိုးညွှန်းတမ်းဆွဲပြီး Text Book တွေရေးနေပြီ။ကျောင်းသားကိုင်တွေရော၊ ဆရာကိုင်တွေ ရော။ ရန်ကင်း၊ မန္တလေး၊ ပုသိမ်၊ တောင်ငူ၊လားရှိုး ငါးကျောင်းမှန်း ထားတယ်’’ဟု ဒေါက်တာအောင် အောင်မင်းကပြောသည်။

READ - ဟားခါးပညာရေးကောလိပ်တွင် သင်တန်းသား ၅၀ သာ လက်ခံနိုင်သေး အဆောင်များ ဆက်လက် တည်ဆောက် ပြီးမှသာ ကျောင်းသူများ လက်ခံနိုင်မည်

တစ်နိုင်ငံလုံးတွင် ပညာရေး ကောလိပ် ၂၅ ခုရှိသော်လည်း ၂၀၁၈-၁၉ ပညာသင်နှစ်၌ ပညာ ရေးကောလိပ်ငါးခုကိုသာ ပညာ သင်ကာလ ၂နှစ်မှ လေးနှစ်သို့တိုး မြှင့်ပြီး ဘွဲ့ဒီဂရီပေးအပ်မည့်ပညာရေးဒီဂရီကောလိပ်များအဖြစ် အဆင့်တိုးမြှင့်ရန် လျာထားခြင်းဖြစ် သည်။

‘‘အခု ကျောင်းတွေက ဒီပလို မာသင်တန်းတွေ ပေးနေတာ။ အဆင့်မြှင့်မယ်ဆိုတော့ သင်ရိုးညွှန်း တမ်းကိုလည်း အသစ်သုံးမှာ။အဲဒီတော့ ကျောင်းအားလုံးကိုတော့ အဆင့်တိုးလို့မရသေးဘူး။ သင်ရိုး အသစ်တွေက ဆရာ၊ ဆရာမတွေ၊ ကျောင်းသား၊ ကျောင်းသူတွေနဲ့ အဆင်ပြေရဲ့လားဆိုတာ အရင် စမ်းသပ်ရဦးမယ်’’ဟု ဒေါက်တာ အောင်အောင်မင်းက ဆိုသည်။

သင်ရိုးညွှန်းတမ်း အသစ် များကို UNESCO STEM Project (Strengthening Pre-Service Teacher Education in Myanmar) နှင့် ပညာရေးတက္က သိုလ်၊ ပညာရေးကောလိပ်များရှိ ပညာရေးပညာရှင်များ ပူးပေါင်း ပြီး ဆရာအတတ်ပညာတတ်ကျွမ်း မှု စံသတ်မှတ်ချက် အညွှန်းဘောင် ကို အခြေခံရေးဆွဲထားကြောင်းဆို သည်။

ဒီဂရီကောလိပ်အဆင့်တိုး မြှင့်သော ပညာရေးကောလိပ်များ တွင် လေးနှစ် တက်ရောက်သင်ယူ ရမည့် ပညာရေးဘွဲ့သင်တန်းများ ဖွင့်လှစ်သင်ကြားမည်ဖြစ်ပြီး သင် တန်း ဝင်ခွင့်အရည်အချင်းသည် အခြား ပညာရေး ကောလိပ်ဝင်ခွင့် သတ်မှတ်ချက်ထက် မြင့်မားနိုင် ကြောင်း ၎င်းကဆက်လက်ပြော ကြားသည်။

၁၉၈၈ တွင် မြန်မာနိုင်ငံဆရာ အတတ်သင် သိပ္ပံကျောင်းများကို ပညာရေးကောလိပ်များအဖြစ် အဆင့်မြှင့်တင် ဖွင့်လှစ်ခဲ့သည်။

မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိက တက္ကသိုလ်များကို ရှာဖွေလိုပါက ဒီ Link မှာရှာဖွေနိုင်ပါသည်။

ပညာရေးလမ်းညွှန် website တွင် ပါဝင်သော သင်တန်းများ၊ ကျောင်းများ၊ Scholarship၊ Knowledge များနှင့် ပတ်သက်သော အချက်အလက်များကို ၀င်ရောက်ရှာဖွေ ဖတ်ရှုနိုင်ပါတယ်။

Source: 7day daily