တက္ကသိုလ်နှင့် ကောလိပ် ၅၀ နီးပါး၏ ရာထူးတိုးပြောင်းရွှေ့စာရင်းများ နိုဝင်ဘာလကုန်တွင် ထွက်ရှိမည်

အဆိုပါ တက္ကသိုလ်နှင့် ကောလိပ် ၄၈ ကျောင်းမှ ပါမောက္ခချုပ်များကို နေပြည်တော်ရှိ ပညာရေး ဝန်ကြီး ဌာနသို့ အောက်တိုဘာ ပထမပတ်က ခေါ်ယူ၍ ရာထူးတိုးပြောင်းရွှေ့အစည်းအဝေးကို ကျင်းပခဲ့ခြင်း ဖြစ်ကြောင်း သိရသည်။

“ နိုဝင်ဘာကတော့ စာမေးပွဲတွေ ရှိနေတော့ ဆရာ၊ ဆရာမတွေက တာဝန်ထမ်းဆောင်ရဦးမယ်လေ။ ပြောင်းရွှေ့လို့မရသေးဘူး။ ဒါကြောင့် နိုဝင်ဘာလကုန် ဒီဇင်ဘာကြားလောက်တော့ ဖြစ်လိမ့်မယ်။ ဘယ်သူတွေ ဘယ်လောက်တိုးမယ်ဆိုတာကတော့ ဥပမာ ပါမောက္ခ ၅ နေရာလစ်လပ်တယ်၊ လျှောက်ထားတာ ၁၄၅ ယောက်ဆိုရင် လုပ်သက်နဲ့ တန်းစီဇယားအရ ရမယ့်သူကတော့ သိနေပြီ။ စာရင်းကတော့ မကြာခင်ထွက်ပေးမယ်။ နည်းပြ သရုပ်ပြ၊ လက်ထောက်ကထိက၊ ကထိက စတဲ့ ရာထူးအစုံတိုးပြောင်း ပါပါတယ်” ဟု အဆင့်မြင့်ပညာဦးစီးဌာန ဒုတိယညွှန်ကြားရေးမှူးချုပ် ဒေါက်တာ အောင်အောင်မင်းက ပြောသည်။

READ - အစိုးရနည်းပညာကောလိပ်နှင့် နည်းပညာသိပ္ပံ ၂၅ ကျောင်းမှ A.G.T.I သုံးနှစ် သင်တန်းများကို အောက်တိုဘာ ၁၉ ရက်နေ့တွင် စတင်လျှောက်ထားနိုင်

ပညာရေးဝန်ကြီးဌာန၏ ရာထူးတိုးမြင့်ရေးမူအရ ပါမောက္ခရာထူးတိုးမြှင့်ရေးသတ်မှတ်ချက်တွင် ပါရဂူဘွဲ့ရပြီးသူ၊ တွဲဖက်ပါမောက္ခရာထူး အသားတင်လုပ်သက် ၁ နှစ်ပြည့်ပြီးသူ၊ ပြစ်ဒဏ်ကာလအတွင်း မဟုတ်သူ၊ ပါမောက္ခရာထူးဖြင့်ထိုက်တန်ကြောင်း သက်ဆိုင်ရာအကြီးအကဲမှ ထောက်ခံသူဟူ၍ သတ်မှတ်ထားကြောင်း၊ တန်းစီဇယားရေးဆွဲသည့်မူတွင် ထို့ထက် ပိုအသေးစိတ်ကျပြီး တွဲဖက်ပါမောက္ခလုပ်သက်များသူ၊ စုစုပေါင်း လုပ်သက်ရမှတ်များသူ၊ ပြည်တွင်း ပြည်ပ သုတေသန ဂျာနယ်များတွင် ကိုယ်တိုင်ရေးသားသူ၊ ပါရဂူဘွဲ့ ရစောသူ စသဖြင့် သတ်မှတ်ထားကြောင်း သိရသည်။

ကထိက ရာထူးတိုးမြှင့်ရေးတွင် အနည်းဆုံး မဟာဘွဲ့၊ မဟာဒသနဘွဲ့ရရှိပြီးသူ၊ လက်ထောက်ကထိက လုပ်သက် ၃ နှစ်ပြည့်သူ၊ ပြစ်ဒဏ်ကာလအတွင်းမဟုတ်သူ၊ ကထိကရာထူးဖြင့်ထိုက်တန်ကြောင်း သက်ဆိုင်ရာအကြီးအကဲမှထောက်ခံသူဟူ၍ သတ်မှတ်ထားသည်။

နှစ်စဉ် ရာထူးတိုးပြောင်းရွှေ့စာရင်းများထွက်ပေါ်ရာတွင် ကြေညာချက်များ ထုတ်ပြန်မှုနောက်ကျခြင်း၊ ဆရာ၊ ဆရာမများအပေါ် ပွင့်လင်းမြင်သာမှုအားနည်းခြင်းတို့ကို မြန်မာနိုင်ငံဆရာ၊ ဆရာမများအဖွဲ့ချုပ်က ကြေညာချက်ထုတ်၍ သတင်းစာရှင်းလင်းပွဲများ ပြုလုပ်ခဲ့ဖူးသည်။

မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိက တက္ကသိုလ်များကို ရှာဖွေလိုပါက ဒီ Link မှာရှာဖွေနိုင်ပါသည်။

Source: ကြေးမှုံ