Sales Hotline : 09448001653       Download App



တက္ကသိုလ်ကျောင်းသား ဘ၀ကို ထူးခြားသွားစေမယ့် နည်းလမ်း (၅) သွယ်

တက္ကသိုလ်ကျောင်းသား ဘ၀ကို ထူးခြားသွားစေမယ့် နည်းလမ်း (၅) သွယ်

တက္ကသိုလ် ကျောင်းသားဘဝရဲ့ အကောင်းဆုံး အချက်ဟာ လွတ်လပ်မှု ဖြစ်ကောင်းဖြစ်နိုင်ပါတယ်။ လေ့လာလှုပ်ရှားမှုစွမ်းရည်တွေကို ပိုတိုးတက်စေသလို အသင်းအဖွဲ့ရဲ့ သဘောသဘာဝတွေကို ပိုပြီး နားလည်စေပါတယ်။ အခန့်မသင့်ရင် ရည်းစားလေးတောင် ရသွားနိုင်သေးတယ် ဟုတ်တယ်ဟုတ်...။

ဒီနေ့မှာတော့ တက္ကသိုလ်ဘဝကို ပိုပြီး အဓိပ္ပာယ်ပြည့်စုံကောင်းမွန်စေမယ့် အကြံပြုချက်လေးတွေကို ဖော်ပြပေးလိုက်ပါတယ်နော်...။

၁။ လှုပ်ရှားမှု များလုပ်ပါ။

နေ့စဉ်ကျောင်းသွား၊ အိမ်ပြန်၊ အပြင်ဘက် အတန်းသွားတာက လွဲလို့ တခြားဟာတွေ ဘာမှမလုပ်ဘူးဆိုရင် ကျောင်းသားဘဝဟာ သာမန်ပါပဲ။ သင်ဘာကို စိတ်ဝင်စားလဲ? ဒီအချိန်မှာ အဲဒီစိတ်ဝင်စားတဲ့အရာကို စမ်းသပ်ကြည့်ပါ။

အားကစားတစ်ခု ဒါမှမဟုတ် ဂီတတူရိယာတစ်ခုခု ဒါမှမဟုတ် အသစ်အသစ်သော လှုပ်ရှားမှု တစ်ခုခုကို ကြိုးစားလုပ်ကြည့်ပါ။ ဒါဟာ ကုန်ကျစရိတ် နည်းနည်းနဲ့ အသစ်တွေကို စမ်းသပ်ဖို့ အကောင်းဆုံး အချိန်ပါပဲ။ ဒါတွေက သင့်ရဲ့နေ့စဉ်ဘဝအတွက် အသုံးဝင်တဲ့ အရည်အချင်းတွေကို ပိုမိုကောင်းမွန်အောင်  ဖွံ့ဖြိုးကူညီပေးနိုင်ပါလိမ့်မယ်။

၂။ လုပ်အားပေးပါ။

နိုင်ငံအတွင်းမှာဖြစ်စေ၊ နိုင်ငံရပ်ခြားအတွက်ပဲ ဖြစ်စေ၊ လုပ်အားပေးခြင်းက သင့်ရဲ့ တက္ကသိုလ် ဘဝကို ပိုပြီး အဓိပ္ပာယ်ရှိစေတဲ့ နည်းလမ်းတစ်ခုပါ။ ပိုမိုယုံကြည်စိတ်ချရတဲ့ လုပ်အားပေးအဖွဲ့တွေနဲ့ အတူတူလက်တွဲပြီး အလုပ် လုပ်နိုင်တဲ့ အခွင့်အရေးကို လွယ်လွယ်ရရှိတာဟာ ကျောင်းသားတစ်ယောက်ရဲ့ အားသာချက်ပါပဲ။

ကာလရှည်အတူတူလက်တွဲပြီး အလုပ်လုပ်ဖို့ဆိုရင်လည်း လွယ်ကူတယ်လေ။ လူ့အဖွဲ့အစည်းကို ကောင်းမွန်စေဖို့ ကြိုးစား အားထုတ်နေတဲ့သူတွေနဲ့ တွေ့ခွင့်ရမယ့် အခွင့်အရေးကြီးပေါ့။

၃။ အလုပ်သင်ဆင်းပါ။

အလုပ်ရှင်များအများစုက အလုပ်အတွေ့အကြုံ ရှိတဲ့သူ (သို့) အနည်းဆုံး လေ့ကျင့်သင်ကြားမှု ရှိတဲ့သူတွေကို ငှားရမ်းဖို့ ပိုနှစ်သက်တယ်ဆိုတာ အတော်များများ သိထားပြီးသားပါနော်။ တက္ကသိုလ်တက်တဲ့အခါ ကျောင်း ပိတ်ရက်ရှည် ၂ခါ လောက်တော့ အနည်းဆုံး ရှိမှာပေါ့နော်.. ။

ဒီအချိန်တွေအတွင်းမှာ တစ်လဖြစ်ဖြစ် ၊ လအနည်းငယ် ဖြစ်ဖြစ် ကုမ္ပဏီတစ်ခုခုဖြစ်စေ၊ ကိုယ်စိတ်ဝင်စားရာ ပရောဂျက်ဖြစ်စေ ဝင်လုပ်ပါ။ လုပ်ငန်းအတွေ့အကြုံကသာ အမှန်တကယ် လက်တွေ့လောကရဲ့ အခက်အခဲတွေနဲ့ အလုပ်အခြေအနေတွေကို သေချာမြင်စေတာပါ။

၎။ Exchange သွားပါ။

ယနေ့ခေတ်အလုပ်ခွင်တွေမှာ ယဉ်ကျေးမှုပေါင်းစုံကို ပိုတွေ့လာရပါတယ်။ ဒါကြောင့် ကွဲပြားခြားနား တဲ့ ယဉ်ကျေးမှုနောက်ခံကလာတဲ့ အဖွဲ့ဝင်တွေနဲ့ အတူအလုပ်လုပ်နိုင်တာက အရေးကြီးတဲ့ စွမ်းရည် ဖြစ်လာပါတယ်။

ဒါကြောင့် သင့်ရဲ့ တက္ကသိုလ်က ကျောင်းဖလှယ်သွားဖို့ အခွင့်အရေး ကမ်းလှမ်းရင် ရအောင်ယူလိုက်ပါ။ ဒါဟာ အခြားယဉ်ကျေးမှု နဲ့ ကျောင်းသားဘဝကို တွေ့ကြုံနိုင်မယ့် ရှားပါးတဲ့ အခွင့်အလမ်းဖြစ်ပါတယ်။ အများနဲ့မတူဘဲ အလားအလာ ကွဲပြားခြားနားတဲ့ ရှုထောင့်ကနေ ကြည့်တတ်ဖို့ သင်ယူနိုင်ပါလိမ့်မယ်။

၅။ တခြားဌာတွေက အတန်းတွေ ယူကြည့်ပါ။

အခြားဌာနတွေရဲ့ အစပြုအတန်း ၁ ခု၊ ၂ခု လောက်ယူပါ။ ဥပမာအားဖြင့် အင်ဂျင်နီယာ အလုပ်ဟာ အင်ဂျင်နီယာ အသိပညာအပြင် အခြေခံဘဏ္ဍာရေး အသိပညာ နဲ့ တင်ဆက်မှုစွမ်းရည်တွေရှိဖို့လည်း လိုအပ်တယ်။ စဉ်းစား တွေးခေါ်မှု နည်းလမ်း အမျိုးမျိုးကို သိခွင့်ရတဲ့အပြင် ကွဲပြားခြားနားတဲ့ ကျွမ်းကျင်မှုရှိတဲ့ ကျောင်းသားတွေကို တွေ့ဆုံဖို့ အခွင့်အလမ်းတွေ ရပါလိမ့်မယ်။

source: forhermyanmar

Tips Read 3156 times