Sales Hotline : 09448001653       Download App



အမေရိကန်နိုင်ငံ၌ကျင်းပသော စက်ရုပ်ပြိုင်ပွဲတွင် ကမ္ဘာ့အဆင့်(၆)ဖြင့် ဆုရရှိခဲ့ကြသော ထူးချွန်ကျောင်းသား၊ ကျောင်းသူများနှင့် တွေ့ဆုံမေးမြန်းခြင်း

အမေရိကန်နိုင်ငံ၌ကျင်းပသော စက်ရုပ်ပြိုင်ပွဲတွင် ကမ္ဘာ့အဆင့်(၆)ဖြင့် ဆုရရှိခဲ့ကြသော ထူးချွန်ကျောင်းသား၊ ကျောင်းသူများနှင့် တွေ့ဆုံမေးမြန်းခြင်း

မြန်မာကျောင်းသား ကျောင်းသူများ၏ မလျှော့သော ဇွဲလုံ့လနှင့် စုပေါင်းညီညွတ်မှု စွမ်းပကားကြောင့် အမေရိကန်နိုင်ငံ၌ကျင်းပသော စက်ရုပ်ပြိုင်ပွဲတွင် ကမ္ဘာ့အဆင့်(၆)၊ အာရှအဆင့်(၁) ရပ်တည်နိုင်ခဲ့

၂ဝ၁၆-၁၇ ပညာသင်နှစ် နိုင်ငံတကာအဆင့် ပြိုင်ပွဲများတွင် ဆုရရှိခဲ့ကြသော ထူးချွန်ကျောင်းသား၊ ကျောင်းသူများနှင့် တွေ့ဆုံမေးမြန်းခြင်း

အမေရိကန်နိုင်ငံ ဝါရှင်တန်ဒီစီတွင် ဇူလိုင် ၁၆ ရက်မှ ၁၈ ရက် အထိ ကျင်းပခဲ့သည့် First Global Challenge 2017 Robotics Competition ပြိုင်ပွဲတွင် ကမ္ဘာ့နိုင်ငံပေါင်း ၁၅၇ နိုင်ငံမှ ပြိုင်ပွဲဝင် အသင်းပေါင်း ၁၆၃ သင်း ဝင်ရောက် ယှဉ်ပြိုင် ခဲ့ပြီး မြန်မာနိုင်ငံက အဆင့် ၆ နေရာတွင် ရပ်တည် နိုင်ခဲ့သည်။

အဆိုပါပြိုင်ပွဲတွင် ပါဝင်ယှဉ်ပြိုင်ခဲ့ကြသည့် အောက်ပါ ထူးချွန် လူငယ် ကျောင်းသား၊ ကျောင်းသူများကို တွေ့ဆုံမေးမြန်း ခဲ့သည် -

မောင်ဝေယျာအောင် (ရန်ကုန်နည်းပညာတက္ကသိုလ်၊ စတုတ္ထနှစ်)

မယုဇနဝင်း (သတင်းအချက်အလက်နှင့်နည်းပညာ တက္ကသိုလ်၊ စတုတ္ထနှစ်)

မောင်ဝေယံထွန်း (GoetheInstitute Thailand)

မမေပြည့်စုံကျော် (သတင်းအချက်အလက်နှင့် နည်းပညာ တက္ကသ်ိုလ်၊ တတိယနှစ်)

မောင်ဘုန်းသီဟကျော် (ရန်ကုန်နည်းပညာတက္ကသိုလ် ၊ စတုတ္ထနှစ်)၊

မောင်ကျော်ဇဇော် (ILBC )

မေး။ ။ သွားရောက်ခဲ့တဲ့ နိုင်ငံနဲ့ ပြိုင်ပွဲအကြောင်းကို သိချင်ပါတယ်။

မယုဇနဝင်း ဖြေ။ ။ ကျွန်မတို့က အမေရိကန်နိုင်ငံ ဝါရှင်တန် ဒီစီမှာကျင်းပတဲ့ First Global Challenge 2017 Robotics Competition ပြိုင်ပွဲကို ဝင်ရောက်ယှဉ်ပြိုင်ခဲ့ပါတယ်၊ အဲဒီပြိုင်ပွဲမှာ နိုင်ငံပေါင်း ၁၅၇ နိုင်ငံမှာ အသင်း ၁၆၃ သင်း ထွက်ပါတယ်။ ကိုယ့်နိုင်ငံမှာ စက်ရုပ်တွေကို ကိုယ့်ဘာသာ လုပ်လာပြီး ပြိုင်ရတာဖြစ်ပါတယ်။ အဲဒီပြိုင်ပွဲမှာ အဆင့် ၆ ရရှိခဲ့တာ ဖြစ်ပါတယ်။

မေး။ ။ အခုအဖွဲ့မှာ ကျောင်းတွေလည်း မတူကြဘူးဆိုတော့ ဘယ်လိုတွေ စုစည်းဖြစ်တယ်၊ ဘယ်အဖွဲ့ အစည်းကရွေးချယ်ခေါ်ယူတယ် ဆိုတာကိုလည်း ပြောပြပေးပါဦး။

မယုဇနဝင်း ဖြေ။ ။ ကျွန်မတို့ကို ဖန်တီးရာဆိုတဲ့ နည်းပညာ ကုမ္ပဏီက ဒီပြိုင်ပွဲရှိတယ် ဆိုတဲ့အကြောင်းကို ကျောင်းတွေဖြစ်တဲ့ YTU ၊ UIT စတဲ့ နည်းပညာတက္ကသိုလ်တွေမှာ ကြေညာတွေ ကပ်တယ်၊ လျှောက်ကြဖို့ လိုက်ပြီးဟောပြောတယ်။ အဲဒါကို လျှောက်လိုက် ပြီး အင်တာဗျူးဖြေရ ပါတယ်၊ အဲဒီကတစ်ဆင့် ရွေးချယ်ခံရပြီး အခုလို အသင်းတစ်သင်းအဖြစ် စုစည်းဖြစ်ကြတာပါ။

မေး။ ။ အသင်းတစ်သင်းဖြစ်လာပြီး သွားရောက်ယှဉ်ပြိုင်ဖို့ အတွက် ဘယ်လိုတွေ ပြင်ဆင်ခဲ့ရတယ် ဆိုတာကို လည်း သိချင်ပါတယ်။

မောင်ဝေယံထွန်း ဖြေ။ ။ ကျွန်တော်တို့ကို ဖန်တီးရာ နည်းပညာ ကုမ္ပဏီက အဆင့်ဆင့်ရွေးချယ်ပြီးတဲ့နောက်မှာ ကျွန်တော်တို့ ခုနစ်ယောက်က အသင်းတစ်သင်း အဖြစ် ပေါင်းသွားကြပါတယ်။ စက်ရုပ် (Robot)ကို စပြီး တည်ဆောက်ဖို့ အချိန်တစ်လခွဲကနေ နှစ်လအထိရတယ်။ ကျွန်တော်တို့ကို စက်ရုပ်ဆောက်ဖို့ (Robot Kits Box) တစ်ခုကို အမေရိကန်ကနေ ပို့ပေးပါတယ်။ စက်ရုပ် မတည် ဆောက်ခင် ပို့လိုက်တဲ့ပစ္စည်းတွေက အသင်းသားတွေအတွက် အသစ်အဆန်း ဖြစ်နေပါတယ်။ ဒီပစ္စည်းတွေနဲ့ ရင်းနှီးလာဖို့ စက်ရုပ်အသေးလေး ပုံစံငယ်တစ်ခု ကျွန်တော်တို့ တည်ဆောက် ရပါတယ်။ သစ်သားဝယ် ဖြတ်တောက်ပြီး တကယ့် ပြိုင်ရမယ့် field မျိုး တည်ဆောက်ခဲ့ကြပါတယ်။ ဒါပေမယ့် ပစ္စည်းတွေက ကျွန်တော်တို့နဲ့စိမ်းနေတဲ့အတွက် အဲဒီပစ္စည်း တစ်ခုချင်းစီ အကြောင်းကို ပါလာတဲ့ လမ်းညွှန်စာအုပ်(Guide Book)တွေက တစ်ဆင့်ရော အွန်လိုင်း ကနေပါ လေ့လာခဲ့ကြတယ်။ ပုံစံငယ်ကိုလည်း အကြိမ်ကြိမ် စမ်းသပ်ဆောင်ရွက်ကြည့်ခဲ့ကြပြီး တကယ့်စက်ရုပ် တည်ဆောက်ဖို့ ဖြစ်လာခဲ့ကြတာပါ။

မောင်ဝေယျာအောင် ဖြေ။ ။ ကျွန်တော်တို့ အသင်းတစ်ခု ဖြစ်လာပြီးတဲ့ နောက်မှာ Hardware သမားနဲ့ Software သမားဆိုပြိး အသင်းကို ခွဲလိုက်ပါတယ်။ ကျွန်တော်က Hardware အပိုင်းမှာ ပါတယ်။ Hardware ဆောက်တဲ့နေရာမှာ ကျွန်တော်တို့စက်ရုပ်ပုံစံ ငယ်ဆောက်ပြီးသွားပြီ၊ စမ်းသပ်မှုတွေလည်း လုပ်ပြီးသွားပြီ၊ ဂိမ်းဒီဇိုင်းမှာ အကိုက်ညီဆုံး ၊ အထိရောက်ဆုံး ဘယ်လိုဆောက် လို့ရမလဲ ၊ ဘယ်လို ဝင်ပြိုင်ကြမလဲ ဆိုပြီး Hardware သမား တွေ တိုင်ပင်ကြတယ်။

ဒီဇိုင်းတွေ အမျိုးမျိုး ထွက်လာတာကို ဒီဇိုင်းတစ်ခုချင်းစီကို တည်ဆောက်ကြည့်တယ်၊ စမ်းသပ်ကြည့် တယ်။ ဒီဇိုင်းတစ်ခုက အဆင်မပြေရင် နောက်ဒီဇိုင်း တစ်ခုကို ပြောင်း တည်ဆောက်ကြည့်ကြတယ်။ အဲဒီလို ဒီဇိုင်းတစ်ခုစီကို ဆောက်ရင်း၊ ဆောက်ရင်းနဲ့ အခုလို တွေ့နေရတဲ့ အဆင့်ကို ရောက်လာ တယ်။ နောက်ဆုံးအဆင့်ရောက်လာတဲ့ ဒီဇိုင်းကို လည်း ကျွန်တော်တို့ ပြိုင်ပွဲရဲ့ စည်းမျဉ်းစည်းကမ်းတွေနဲ့ ကိုက်ညီ အောင် အကြိမ်ကြိမ် စမ်းသပ်ပြီးမှ သွားပြိုင်ခဲ့ကြတာပါ။

စက်ရုပ် (Robot)ကို တည်ဆောက်နေ တဲ့ အဆင့်တိုင်းမှာလည်း Software သမားနဲ့ ညှိနှိုင်းပြီးတော့ တစ်ဆင့်ချင်း သွားခဲ့ကြပါတယ်။

မေး။ ။Softwareပိုင်း တာဝန်ယူမှုအပိုင်းကိုလည်း ရှင်းပြ ပေးပါဦံး။

မောင်ဘုန်းသီဟကျော် ဖြေ။ ။ Hardware ပိုင်း ပြီးသွား တော့ ကျွန်တော်တို့Software သမားတွေကလည်း Hardware သမားနဲ့ အတူတူ တွဲပြီး လုပ်ဆောင်ရပါတယ်။ Softwareမှာ Java eJY Block Programming ဆိုပြိး နှစ်မျိုးခွဲပေးထားပါတယ်။ ကျွန်တော် တို့ကတော့ Block Programming နဲ့ပဲ ဝင်ပြိုင်ခဲ့ပါတယ်။ အီလက်ထရွန်နစ်ပိုင်းကိုလည်း သေချာပြင်ဆင်ရတယ်။

Hardware မှာ လိုအပ်တဲ့ နေရာတွေကိုလည်း Software က ပြင်ဆင်ရတယ်။ Software မှာ လိုတာတွေကိုလည်း Hardware နဲ့ ညှိပြီး ပြင်ဆင်ခဲ့ပါတယ်။ စက်ရုပ် (Robot) ကို ကျွန်တော်တို့ ဒီမှာ ခဏခဏလေ့ကျင့်တယ်။ ပြီးတော့ ဝါရှင်တန်ဒီစီကို သွားတယ်။ ဟိုရောက်တဲ့အခါမှာ မပြိုင်ခင် ကျွန်တော်တို့ကို လေ့ကျင့်ဖို့ဆိုပြီး နှစ်ရက် အချိန်ပေးပါတယ်။ အဲဒီလို လေ့ကျင့်ချိန်ပြီးမှာ စက်ရုပ် (Robot) နဲ့ ပြန်ပြီး လေ့ကျင့်ကြည့်တဲ့အခါမှာ လိုအပ်တာတွေ ရှိနေတယ်။ Error တွေကို နှစ်ရက်အတွင်းမှာ ပြန်ပြီး ပြင်ဆင်ခဲ့ရတယ်။

မေး။ ။ ဘယ်လို ယှဉ်ပြိုင်ခဲ့ရတယ်ဆိုတာကိုလည်း ပြောပြ ပေးပါဦး။

မောင်ကျော်ဇဇော် ဖြေ။ ။ အသင်း ၁၆၃ သင်းလုံးကို တူညီ တဲ့ စက်ရုပ် (Robot) အစိတ်အပိုင်းလေးတွေ ပေးပါတယ်။ အသင်းတစ်သင်းစီက ကိုယ့် စဉ်းစားပုံ၊ စဉ်းစားနည်းနဲ့ ကိုယ်ကြိုက်သလို ဆက်စပ်ပြီး တည်ဆောက်ခဲ့တာဖြစ်ပါတယ်။ ပြိုင်ပွဲရောက်တဲ့အခါမှာတော့ ၁၆၃ သင်းစလုံးက ၁၆၃ မျိုး ပုံစံနဲ့ စက်ရုပ်တွေ တည်ဆောက်တာ ကို တွေ့ရတယ်။ ကျွန်တော်တို့ ပြိုင်ခဲ့ရတာကတော့ ရေကောင်း ရေသန့် ရရှိရေးဆိုတဲ့ ခေါင်းစဉ်အောက်မှာ ပြိုင်ခဲ့ရတာဖြစ်ပါ တယ်။ ရေသန့်နဲ့ ရေဆိုးကို ခွဲခြားတဲ့စနစ်ကို မူတည်ပြီး ဂိမ်းကို တည်ဆောက် ထားတာဖြစ်ပါတယ်။

သူတို့ သတ်မှတ်ထားတာက ရေသန့်ဆိုရင် ဘောလုံးအပြာ သတ်မှတ်ထားပြီး ရေဆိုးဆိုရင် ဘောလုံးလိမ္မော်ဆိုပြီး သတ်မှတ်ပေးထားပါတယ်။ ဘောလုံး အပြာကို သန့်စင်တဲ့ water reserve ထဲကို ထည့်ရမယ်၊ ဘောလုံး လိမ္မော်ကိုပြန်ပြီး ဓာတ်ခွဲခန်းလုပ်မယ့်စင် သတ်မှတ် ပေးထားတဲ့ laboratory အထဲကို ထည့်ပေးရပါတယ်။ ကျွန်တော်တို့ အဲဒီဂ်ိမ်းအတိုင်း စက်ရုပ်ကို တည်ဆောက်ရပါတယ်။

ကျွန်တော်တို့ စက်ရုပ်က ဘောလုံးအပြာ၊ လိမ္မော်တွေ အကုန် လုံးကို သိမ်းနိုင်ပါတယ်။ သန့်စင်တဲ့ရေရရှိဖို့ အပြာနဲ့လိမ္မော် ဘောလုံးကိုလည်း သပ်သပ်စီ ခွဲနိုင်တယ်။ သူတို့ရဲ့ ပြိုင်ပွဲ စည်းကမ်းက ပြိုင်ပွဲပြီးခါနီးအချိန်မှာ ပြိုင်ပွဲတစ်ခုလုံးကို ရေလွှမ်း လိုက်မယ်လို့ ပြောပါတယ်။ အဲဒီလို ရေလွှမ်းတဲ့ အချိန်မှာ ကျွန်တော်တို့စက်ရုပ်က မြေပြင်မှာရှိနေလို့ မရပါဘူး။ မြေပြင်မှာ ရှိနေရင် ရေမြုပ်သွားမှာဖြစ်တဲ့အတွက် ဘေးမှာရှိတဲ့ ဘားတန်း မှာ ခိုထားရပါတယ်။ အဲဒါတွေ အကုန် လုပ်နိုင်ရင် ကျွန်တော်တို့ အမှတ်အပြည့် ရပါတယ်။

မောင်ဘုန်းသီဟကျော် ဖြေ ။ ။ ပြိုင်ပွဲကို နှစ်ရက်ပြိုင်ခဲ့ ရပါတယ်။ ပထမတစ်ရက်မှာ သုံးပွဲပြိုင်ပါတယ်။ နှစ်ပွဲနိုင်တယ်၊ တစ်ပွဲရှုံးတယ်။ နောက် တစ်ရက်မှာ သုံးပွဲပြိုင်ရတယ်၊ သုံးပွဲနိုင်တယ်။ အမှတ်တွေလည်း အတော်များသွားတယ်၊ အသင်း ၁၆၃ သင်းမှာ အဆင့်၆ နေရာကို ချိတ်နိုင်ခဲ့ပါတယ်။

မေး။ ။ ပြိုင်ပွဲအတွေ့အကြုံနဲ့ ပတ်သက်ပြီးတော့လည်း ပြောပြပေးပါဦး။

မာင်ကျော်ဇဇော် ဖြေ ။ ။ တချို့က ဘောလုံးပစ်တာ၊ တချို့က ဘောလုံးသယ်တာ၊ အမျိုးမျိုး တည်ဆောက်ပုံတွေကို ကြည့်ပြီးကျွန်တော်တို့ ဗဟုသုတရရှိ ပါတယ်။ တချို့နိုင်ငံတွေက သူတို့ ဘယ်လိုတည်ဆောက်ခဲ့ ရတယ်ဆိုတာ ဗီဒီယိုမှတ်တမ်းတွေ၊ စာအုပ်တွေနဲ့ ပြောတဲ့ အတွက် ကျွန်တော်တို့ ပိုပြီးတော့ လေ့လာသိရှိခဲ့ရပါတယ်။

ပြိုင်ပွဲမှာ စိတ်လှုပ်ရှားစရာကောင်းတာကတော့ ပြိုင်ပွဲမစခင် မိနစ် ၂ဝ လောက်အလိုမှာ ဘယ်လို ကစားကွက်တွေထားမယ်၊ ကိုယ့်စက်ရုပ် ကတော့ ဘယ်အပိုင်းတွေမှာ အားသာချက်ရှိတယ်၊ က်ိုယ်ရဲ့ မဟာမိတ် အသင်းကတော့ ဘယ်လိုအားနည်းချက်တွေ ရှိတယ်ဆိုတာကို ဆွေးနွေးတယ်။ အကောင်းဆုံးပုံစံနဲ့ အချင်းချင်း ဖြည့်စွက်ပြီး ပြိုင်ခဲ့တာ ဖြစ်ပါတယ်။ အချင်းချင်း ပူးပေါင်း ဆောင်ရွက်မှု ကောင်းတဲ့အတွက် ပြိုင်ပွဲမှာ အမှတ်တွေများပြီး အနိုင်ရခဲ့တာ ဖြစ်ပါတယ်။

မောင်ကျော်ဇဇော် ဖြေ ။ ။ ပြိုင်ပွဲမှာ ခြောက်ပွဲ ပြိုင်ခဲ့ရတယ်။ ကျွန်တော် စက်ရုပ်ကို ကိုယ်တိုင် ထိန်းပြီးတော့ မောင်းခဲ့ရပါတယ်။ မပြိုင်ခင် ဟိုဘက် သုံးသင်း၊ ဒီဘက် သုံးသင်း ကွင်းထဲကိုဆင်းပြီး ငါးမိနစ်လောက်ကို နေရ တယ်။ အဲဒီအချိန်မှာ စိတ်တွေ လှုပ်ရှားပြီး လက်တွေကလည်း တုန်နေတယ်၊ ကြာလာတော့ တဖြည်းဖြည်း ပြန်ပြီးအဆင်ပြေ လာပါတယ်။ အဲဒီ ရင်တွေခုန်နေတဲ့ အတွေ့အကြုံကတော့ အခုထိ မမေ့နိုင်ပါဘူး။ အခက်အခဲကတော့ အခုမှစပြီး စီစဉ်တဲ့ ပွဲမျိုးလည်းဖြစ်လို့ ကျွန်တော်တို့ စက်ရုပ်ကပြိုင်နေရင်းနဲ့ ကြားထဲ မှာ Connection ပျောက် ပျောက်သွား ပါတယ်။ အဲဒါကို သူတို့ Technical Team က ပြန်ဖြေရှင်းပေးပါတယ်၊ အဲလို Errorလေးတွေရှိလို့ တချို့အမှတ်တွေ လျော့ခဲ့ပါတယ်။

မေး။ ။ ပြိုင်ပွဲမှာ ဘယ်နိုင်ငံတွေက ဆုတွေ ရခဲ့တာလဲ ။

မောင်ဝေယံထွန်း ဖြေ။ ။ ကျွန်တ်ာတို့ မြန်မာအသင်းက လေးပွဲကစားပြီးတဲ့ အချိန်မှာ ကမ္ဘာ့အဆင့်တစ်မှာ ရပ်နေတာ။ ကျန်တဲ့နှစ်ပွဲမှာ သူများတွေက ကျွန်တော်တို့ထက် အမှတ်က ပိုကျော်သွားလို့သာ အဆင့် ၆ ရသွားတာ။ ပွဲပြီးသွားတော့ အဆင့်တွေကို ထုတ်လိုက်တဲ့အခါ ကျွန်တော်တို့ မြန်မာအသင်းရဲ့အထက်က အသင်းတွေက အကုန် ဥရောပအသင်းတွေ ချည်းပဲ။ အဆင့် ၁ ဆိုရင် ဥရောပတိုက် တစ်ခုလုံးကို ကိုယ်စားပြုတဲ့ အသင်းက ရတယ်။ ဒုတိယဆိုရင် လည်း ပိုလန်၊ တတိယက အာမေးနီးယား၊ စတုတ္ထဆိုရင် အစ္စရေး၊ ပဉ္စမက စက်မှုအင်အားကြီးနိုင်ငံ ဖြစ်တဲ့ ဂျာမနီ ။ ကျွန်တော်တို့ မြန်မာက အဆင့် ၆ ၊ အာရှတိုက် တစ်တိုက်လုံးမှာ အဆင့် ၁ နေရာက နေတယ်။ ကျွန်တော်တို့ရဲ့ အိမ်နီးချင်းနိုင်ငံတွေ၊ စက်မှုဆိုရင် အင်အားကြီးနိုင်ငံတွေ ဖြစ်တဲ့ တရုတ်၊ စင်ကာပူတို့ ဆိုရင်လည်း ကျွန်တော်တို့ အောက်မှာပဲရှိခဲ့တယ်။ ဒါက နောက်ထပ်ပြိုင်မယ့် လူငယ်တွေအတွက် အားတစ်ခုလို့ ကျွန်တော် ထင်တယ်။ ကျွန်တော်တို့က စင်ကာပူ န်ိုင်ငံလောက် မတိုးတက်ဘူး၊ စက်မှုပညာကို နားမလည်ဘူးလို့ ထင်ရင် မှားနေတယ်လို့ ပြောလို့ရတယ်။

မေး။ ။ နောက်နှစ်ပြိုင်ပွဲတွေမှာ ပါဝင်ယှဉ်ပြိုင်မယ့် ညီငယ်၊ ညီမငယ်တွေကို ပြောချင်တာရှိရင်လည်း ပြောပြပေးပါဦး။

မောင်ဝေယံထွန်း ဖြေ။ ။ နောက်နှစ်မှာ ပြိုင်ပွဲဝင်မယ့် ညီငယ်၊ ညီမငယ်တွေကို ပြောချင်တာက ကျွန်တော်တို့က ပထမဆုံးအကြိမ်ဆိုတော့ အတော့်ကို အသစ်အဆန်းတွေကြုံခဲ့ရတယ်။ ကျွန်တော်တို့ အခုလို အတွေ့ အကြုံတွေ ပြန်လည်မျှဝေတာကလည်း နောက်တစ်ကြိမ် သွားပြိုင်မယ့် ညီငယ်၊ ညီမငယ်တွေ အခက်အခဲမရှိစေချင်လို့ပါ။ ဒီအဖွဲ့ကနေလည်း နောက်နှစ်သွားပြိုင်မယ့် အဖွဲ့တွေလည်း ထွက်လာ မယ်လို့ မျှော်လင့်ပါတယ်။

အဓိက ပြောချင်တာက ကျွန်တော်တို့ ကျောင်းသားတွေသည် အာဆီယံမှာ နိမ့်ကျတယ် လို့တောင် ခံစားစရာ မလိုတော့ပါဘူး။ ကျွန်တော်တို့က အာရှမှာ နံပါတ်တစ်ရခဲ့တာပါ။ အဲဒီလိုစိတ်ဓာတ်တွေနဲ့ နောင်နှစ်မှာလည်း ကမ္ဘာမှာ မြန်မာ့အလံကို လွှင့်ပေးဖို့ တောင်းဆိုချင်ပါတယ်။

ကျွန်တော်တို့ဆိုရင် မျက်စိမြင်တယ်၊ နားက ကြားရတယ်၊ အားလုံးအဆင်ပြေတယ်။ အဲဒီလို အခြေအနေမျိုးနဲ့ ကျွန်တော် တို့က သွားပြိုင်ခွင့်ရတာပေါ့။ အဲဒီမှာ ကျွန်တော်တွေ့ခဲ့တာက နိုင်ငံတစ်န်ိုင်ငံက ညီအစ်ကို နှစ်ယောက်က လာပြိုင်တယ်။ ဒါပေမယ့် နှစ်ယောက်စလုံးက ဆွံ့အ နားမကြားဖြစ်နေတယ်။

သူတို့က အဲဒီလိုစိတ်ဓာတ်နဲ့ လာပြိုင်တာ။ အများနည်းတူ စက်ရုပ်လည်း ဆောက်နိုင်တယ်။ Sign Language နဲ့ပဲ သွားပြီးတော့ စက်ရုပ်ကိုလည်း ဆောက်သွားနိုင်တယ်ဆိုတာ လေးစားဖွယ်ရာတွေ့မြင်ရတယ်။ နောက်ပြီး စစ်ပွဲတွေဖြစ်နေတဲ့ ဆီးရီးယားတို့ အာဖဂန်နစ္စတန်တို့က လာပြိုင်တဲ့သူတွေဆိုရင် လည်း ဆုတွေအများကြီးရကြတယ်။

အဲဒါကြောင့် ကျွန်တော် တို့က အခြေအနတစ်ခုခုကို အကြောင်းပြမနေဘဲ ငါဒါကို မလုပ် နိုင်ပါဘူးဆိုတဲ့ စိတ်ဓာတ်တွေရှိနေမယ့်အစား သူတို့ကိုကြည့်ပြီး သူတို့ကမှ တကယ့်ကို ပြိုင်ပွဲရဲ့ သူရဲကောင်းတွေလို့ ပြောလို့ရပါ တယ်။ အဘက်ဘက်က ဖိနှိပ်ခံနေရတဲ့ကြားထဲက သူတို့က ဒီနိုင်ငံကိုလည်း လာတယ်။ ကမ္ဘာနဲ့ ရင်ပေါင်တန်းပြီးလည်း ပြိုင်ပွဲကို ပြိုင်သွားတယ်ဆိုတော့ ဒါက ဒီပြိုင်ပွဲနဲ့ပတ်သက်ပြီး လေးစားရတဲ့အချက်၊ အတွေ့အကြုံကောင်းတွေပါပဲ။

မောင်ဝေယျာအောင်ဖြေ။ ။ ဒီပြိုင်ပွဲရဲ့ အမှတ်တရအနေနဲ့ မတွေ့ဖူးတဲ့သူတွေ၊ မရောက်ဖူးတဲ့ နေရာတွေကို ရောက်ရတယ်။ နောက်အရေးကြီးတာတစ်ခုက Sciences ၊ Technology ၊ Engineering၊ Mathematics မှာ ဘုံဖြစ်တဲ့ Stem Education က ကျွန်တော်တို့ လူငယ် တွေအတွက် ဘယ်လောက် အရေးပါတယ်ဆိုတာ သိခဲ့ရတယ်။ ကျွန်တော်တို့ ကျောင်းမှာသင်ရတဲ့ Mechanical နဲ့ ဆိုင်တဲ့ ပညာရပ်တွေက ဒီပြိုင်ပွဲမှာ လက်တွေ့အသုံးချနိုင်ခဲ့တယ်၊ အဲဒါကတော့ ဒီပြိုင်ပွဲရဲ့ အမှတ်တရပါပဲ။

မယုဇနဝင်း ဖြေ။ ။ အမျိုးသမီးတွေ၊ မိန်းကလေးတွေ က ယောက်ျားလေးတွေနဲ့ယှဉ်ရင် ကိုယ်က မလုပ်နိုင်ဘူးဆိုပြီး အားငယ်တတ်ကြတယ်။ ကိုယ့်ကိုယ်ကိုယ် ယုံကြည်ချက်မရှိသလို ဖြစ်တတ်ကြတယ်။ အဲဒီလို အားမငယ်ပါ နဲ့။ မိန်းကလေး တွေလည်း ယောက်ျားလေးတွေနဲ့ တန်းတူ ဘယ်နေရာမှာမဆို၊ ဘယ်ကဏ္ဍမှာမဆို ပါဝင်နိုင်ပါတယ်။ အသစ်ဖွံ့ဖြိုးလာတဲ့ နည်းပညာတွေကို သေချာလေ့လာပြီး ဖြစ်ချင်တဲ့စိတ်သာ ရှိမယ်ဆိုရင် အောင်မြင်နိုင်ပါတယ်လို့ ပြောချင်ပါတယ်။

မေး။ ။ အခုလို အောင်မြင်မှုတွေရရှိခဲ့တာက ကိုယ့်အတွက် ကိုယ့်ကျောင်းအတွက် ၊ ကိုယ့်နိုင်ငံအတွက် ဘယ်လိုအကျိုးကျေးဇူးတွေ ရလာမယ်လို့ ထင်ပါသလဲ။

မမေပြည့်စုံကျော် ဖြေ။ ။ ပြိုင်ပွဲနဲ့ပတ်သက်ပြီး ရရှိခဲ့တဲ့အကျိုး ကျေးဇူးတွေကတော့ အများကြီးပါပဲ။ အခု ကျွန်မတို့ သွားပြိုင်တာ နိုင်ငံပေါင်း ၁၅၇ နိုင်ငံမှာ အသင်းပေါင်း ၁၆၃ သင်းပေါ့။ အသင်းတွေအများကြီးထဲကမှ မြန်မာနိုင်ငံအလံကို အဆင့် ၆ နေရာမှာ လွှင့်နိုင်ခဲ့တဲ့အတွက် အလွန်ကို ဂုဏ်ယူမိပါတယ်။ ဒါက နိုင်ငံအတွက် ဂုဏ်ယူစရာ တစ်ခုပေါ့။ ကိုယ့်ကျောင်းက ကျောင်းသား၊ ကျောင်းသူတွေ အတွက်လည်း အတုယူဖွယ်ရာဖြစ်ပါတယ်။

ဒါကတော့ ကျွန်မ အတွက် ပထမဆုံးအတွေ့အကြုံတစ်ခုပေါ့။ အရင်တုန်းကဆိုရင် ကိုယ့်ကိုယ်က်ိုယ် ဒီလိုလုပ်နိုင်မယ်လို့ မယုံကြည်ခဲ့ဘူး။ အခုဆိုရင် ယုံကြည်မှုတွေ အများကြီးရလာခဲ့ပြီ။ နောင်ကိုလည်း ဆက်လက် လုပ်ဆောင်သွားဖို့ အားအင်တွေ ဖြစ်စေပါတယ်။

ပြိုင်ပွဲမှာ အသင်းတွေရဲ့ ၆ဝ ရာခိုင်နှုန်းက အမျိုးသမီးတွေနဲ့ ဖွဲ့စည်းထားတာ။ အမျိုးသမီးတွေ ဦးဆောင်တာမျိုးတွေလည်း ရှိပါတယ်။ အာဖဂန်နစ္စတန်အသင်းတွေဆိုရင် အမျိုးသမီး အသင်းတွေပေါ့။ အဲဒါကြောင့် ကျွန်မတို့နိုင်ငံက အမျိုးသမီး တွေကို ကိုယ်လုပ်နိုင်မယ်လို့ ယုံကြည်ပါလို့ ပြောချင်ပါတယ်။

မေး။ ။ ပြိုင်ပွဲနဲ့ ပတ်သက်ပြီး အကြံပြုပြောကြားချင်တာရှိရင် လည်း ပြောပြပေးပါဦး။

မောင်ကျော်ဇဇော် ဖြေ။ ။ ဒီပြိုင်ပွဲကရရှိတဲ့ အတွေ့အကြုံ တွေကို ကျွန်တော်တို့ နိုင်ငံမှာရှိတဲ့ ကျောင်းသား၊ ကျောင်းသူတွေ အကုန်လုံးကို ရစေချင်တယ်။ ဒီပြိုင်ပွဲမျိုးကို ပြိုင်ရတဲ့အတွက် ကျောင်းမှာလေ့လာနေတဲ့ ဘာသာတွေမှာလည်း အကျိုးရှိတယ်၊ ပြိုင်ပွဲရဲ့ သတ်မှတ်ချက် ဖြစ်တဲ့ ရေကောင်း၊ ရေသန့်ရရှိမှုဆိုတဲ့ ခေါင်းစဉ်အောက်မှာ ဒီနိုင်ငံမှာ ဘယ်လိုပြန်ပြီး အသုံးချမယ်ဆိုတာအတွေ့အကြုံလည်း ရခဲ့ပါတယ်။

ကျွန်တော့်အနေနဲ့ ပြောချင်တာကတော့ စက်ရုပ် ပြိုင်ပွဲဆိုပြီး ကြောက်ရွံ့မသွားကြဖို့ ၊ ပြိုင်ပွဲတွေကို ပါဝင်ယှဉ်ပြိုင် စေချင်ပါတယ်။ ကိုယ်က တစ်ခုခုကို အရည်အချင်းမပြည့်မီသေး လို့ မတတ်မြောက်သေးလို့ ဆိုပြီး တွန့်ဆုတ်မနေဘဲ လေ့လာ သင်ယူရင်းနဲ့ပဲ ပြိုင်ပွဲကို ယှဉ်ပြိုင်စေချင်ပါတယ်။ လေ့လာ သင်ယူကြပါလို့လည်း ပြောချင်ပါတယ်။

မေး။ ။ ကျေးဇူးတင်ထိုက်သူတွေ ရှိရင်လည်း ပြောပြပေး ပါဦး။

မောင်ဝေယံထွန်း ဖြေ။ ။ ကျွန်တော်တို့ကို ပြိုင်ပွဲအကြောင်း ကို စပြီး အသိပေးတယ်၊ စက်ရုပ်တည်ဆောက်ဖို့နေရာနဲ့ ပစ္စည်းတွေကိုလည်း ထောက်ပံ့ပေးတဲ့ ဖန်တီးရာ နည်းပညာကုမ္ပဏီ၊ အမေရိကားကိုသွားဖို့ စရိတ်တွေ ကို ထောက်ပံ့ပေးတဲ့ Nathan Associate ၊ အမေရိကားကို ရောက်သွားတဲ့အခါ ကျွန်တော်တို့ကို လာရောက်အားပေးနေတဲ့ ကျွန်တော်တို့ မြန်မာလူမျိုးတွေကိုလည်း ကျေးဇူးတင်ပါတယ်။ ကျွန်တော်တို့ အခုလို သွားရောက်ယှဉ်ပြိုင်ခဲ့တဲ့ အတွေ့အကြုံ တွေကို ပြန်လည်မျှဝေ ခွင့်ပေးတဲ့ ပြန်ကြားရေးဝန်ကြီးဌာနနဲ့ ပညာရေးဝန်ကြီးဌာနကိုလည်း ကျေးဇူးတင်ကြောင်း ပြောကြား လိုပါတယ်။ နောက်လူငယ်တွေအနေနဲ့ ကျွန်တော်တို့ရဲ့ အတွေ့ အကြုံတွေကို သိရှိပြီး စိတ်အားထက်သန်မှုတွေနဲ့ နောက်နှစ် မက္ကဆီကိုမှာသွားပြီး ပြိုင်တဲ့အခါမှာ အခက်အခဲမရှိဖို့ ကျွန်တော် တို့ ဝိုင်းဝန်းပြီး ကူညီပေးချင်ပါတယ်။

မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိကကျောင်းများကို ရှာဖွေလိုပါက ဒီ Link မှာရှာဖွေနိုင်ပါသည်။

ပညာရေးလမ်းညွှန် website တွင် ပါဝင်သော သင်တန်းများ ကျောင်းများScholarshipKnowledge များနှင့် ပတ်သက်သော အချက်အလက်များကို ၀င်ရောက်ရှာဖွေ ဖတ်ရှုနိုင်ပါတယ်။

source: MOI Webportal Myanmar

News Read 1784 times