Tips

" ဘွဲ့ရနဲ့ ပညာတတ်"

" ဘွဲ့ရနဲ့ ပညာတတ်" google

မြန်မာနိုင်ငံမှာ နေထိုင်တဲ့မိဘပြည်သူတိုင်းရဲ့အတွေးတစ်နေရာမှာ နေရာရာယူထားတဲ့စကားလေးတစ်ခွန်းပြောပါဆို သူတို့ရဲ့သားသမီးတွေကို လူရှေ့သူရှေ့ရောက်တာနဲ့ကို "ကျွန်တော်/ကျွန်မ သား/သမီးက ဘွဲ့ရလေ" ဆိုတာက စတော့တာပါပဲ။

 

အစဉ်အဆက်သုံးလာတဲ့ စကားတစ်ခွန်းပါ။ ဘွဲ့ရတယ်ဆိုတဲ့နောက်မှာ ကပ်ပါတာက "ပညာတတ်" ဆိုတဲ့စကားလုံးပါ။

 

အမှန်ကဂုဏ်ယူစွာပြောဆိုတဲ့ စကားတစ်ခွန်းပါ။

ဒါပေမဲ့ မေးတတ်တဲ့လူရှေ့၊ ကိုယ်နဲ့လူမှုရေးကိစ္စလေးတွေမှာ အဆင်ပြေမှုမရှိနေတဲ့ လူတွေရှေ့မှာဆိုရင်တော့ ဖြေရခက်စေပါတယ်။

 

မေးခွန်းကရိုးရှင်းလွန်းပါတယ်။ "ဘွဲ့ရတိုင်းပညာတတ်လို့ခေါ်တာလား" တဲ့။

 

အမှန်က တက္ကသိုလ်တွေမှာ သင်ကြားပေးနေတဲ့ ပညာရပ်တွေဟာ သီအိုရီတစ်ခုလို၊ ဖော်မြူလာတစ်ခုလို၊ နည်းလမ်းတစ်ခုလို အစရှိတဲ့သဘောတရားတစ်ခု၊ အကြောင်းအရာတစ်ခုကို ချပြပေးနေတာပါ။

 

လိုအပ်တာက မိမိကိုယ်တိုင်ပါ။ သင်ကြားထားတဲ့ ၊ လေ့လာထားတဲ့ပညာရပ်ကို သင်အသုံးမချဘူး၊ အသုံးမပြုတတ်ဘူးဆိုရင် ပညာတတ်တယ်လို့ခေါ်ဆိုပါ့မလား စဉ်းစားစရာဖြစ်သွားနိုင်ပါတယ်။

 

ဒါဆိုရင် ဘွဲ့မရဘူး၊ဘွဲ့မယူဖြစ်သူတွေက ပညာမတတ်တော့ဘူးလား။

အတွေးအခေါ်ပိုင်းဆိုင်ရာ နဲနဲပြဿနာဖြစ်နေပါတယ်။ ကျွန်မတို့တွေ တကယ့်လက်တွေ့မှာ အသုံးချနေတဲ့ အရာတစ်ခုချင်းစီတိုင်းဟာ ပညာပါ။

 

ဥပမာအနေနဲ့ ကျွန်မတို့ ကွန်ပျူတာသင်တန်းတတ်တယ်၊ သင်တန်းကလဲပြီးသွားတယ်၊ သင်တန်းဆင်းလက်မှတ်လဲရတယ် အကုန်အဆင်ပြေတယ်။

 

ဒါပေမဲ့ သင်တန်းကလူတချို့က ပြန်မလေ့လာဖြစ်ဘူး အကြောင်းအမျိုးမျိုးကြောင့် အသုံးမချဖြစ်တော့ဘူး။

တချို့သင်တန်းသားတွေကျတော့ သူတို့အိမ်မှာ ကွန်ပျူတာရှိတဲ့အတွက် နဲနဲတော့လေ့ကျင့်ဖြစ်တယ်။

 

တချို့ကလုပ်ငန်းခွင်ဝင်ပြီး အသုံးချလိုက်တယ်။

ဒါဆိုရင်ဘယ်လိုလူကို ပညာတတ်လို သင်ခေါ်ဆိုမလဲ။

 

ကျောင်းတွေ၊ တက္ကသိုလ်တွေမှာသင်ပေးတဲ့အရာတွေကိုပဲ ပညာလို့ခေါ်တာမဟုတ်ပါဘူး။

သင်ယူပြီး အသုံးချလိုက်တိုင်းမှာ ပညာလို့ခေါ်ဆိုနိုင်ပါတယ်။

ကျွန်မတို့နေထိုင်ရာ နေရာမှာ ဘွဲ့မရတဲ့လူတွေ စာမသင်နိုင်တဲ့သူတွေ ဒုနဲ့ဒေး ရှိနေတယ်။

ဘွဲ့မရပေမဲ့လည်း သူတို့နေထိုင်ရာနေရာ လုပ်ကိုင်နေရတဲ့အလုပ်အကိုင်တွေမှာ အကောင်းဆုံးကြိုးစားလုပ်ကိုင်နေကြတာပါပဲ။

 

အဓိက ကကိုယ်လုပ်နေတဲ့ အလုပ်အကိုင် နယ်ပယ်မှာ အဆင်ပြေစွာဖြတ်သန်းနေနိုင်တယ်ဆိုရင် သူတို့ပညာတစ်ခုကို ကျွမ်းကျင်စွာတတ်မြောက်ထားနေလို့ပါ။

 

အမှိုက်ကောက်နေတဲ့သူလဲ အမှိုက်ကောက်ရင် ဘယ်အမှိုက်က သူ့အတွက် ပိုက်ဆံပိုရမလဲတွက်ချက်ပါတယ်။ ဒါကလဲ အတွက်အချက်ပညာတစ်ခုပါပဲ။

အားငယ်နေဖို့မလိုပါဘူး။ ရောက်ရှိတဲ့နေရာမှာ သူတို့လဲအဆင်ပြေအောင်လုပ်ဆောင်နေကြတာပါ။

 

လူတော်တစ်ယောက်ဖြစ်အောင် အတတ်ပညာကဖန်တီးတယ်ဆိုရင် လူကောင်းတစ်ယောက်ဖြစ်အောင်တော့ အသိပညာက သွန်သင်ပေးလိမ့်မယ်" လို့ထင်ပါတယ်။

 

Read More: "အင်္ဂလိပ်စကားပြော ခက်ခဲတယ်ထင်နေသော လူငယ်များ လွယ်ကူမှုရှိလာစေရန်"

 

သင်တတ်မြောက်ထားတဲ့ပညာရပ်တစ်ခုကို သင်သည်အသုံးမချခဲ့ဘူးဆိုရင် သင်ပညာတတ်လို့ခံယူလို့ရမှာမဟုတ်ပါဘူး။

ဒါကြောင့် ပညာတတ်တယ်ဆိုတာ ဘွဲ့ရခြင်း၊ ဘွဲ့မရခြင်းနဲ့ လုံးဝသက်ဆိုင်ခြင်းမရှိပါဘူး။

 

ပညာတတ်တယ်ဆိုတာ တကယ်တော့ ကျွမ်းကျင်မှုတစ်ခုလို့ ကျွန်မတော့ သတ်မှတ်ပါတယ်။

သင်သာ သင်ရောက်ရှိနေတဲ့နေရာမှာ ကျွမ်းကျင်ပိုင်နိုင်စွာလုပ်ဆောင်နိုင်တယ်ဆိုရင် သင်ပညာတတ်ပါတယ်။

 

ဒါကြောင့် ဘွဲ့ရပညာတတ် ဆိုတဲ့စကားလုံးနောက်မှာ ဘွဲ့မရလဲပညာတတ်ပါတယ်လို့ ပြန်ပြောနိုင်အောင် ကျွန်ုပ်တို့ ရောက်ရှိနေတဲ့နေရာမှာ အကောင်းဆုံး အသုံးချပါလို့ တိုက်တွန်းအကြံပြုလိုက်ပါတယ်။

 

 

(မိမိ၏ဘဝနှင့် အတွေ့အကြုံ ပေါင်းစပ်ရေးသားခြင်းဖြစ်ပါသည်။)

Authoress : Phyoe Hthazin Shwe

 

 

Read 1027 times
Rate this item
(2 votes)