News

“နိုင်ငံတကာကျောင်းများမှ အခြေခံပညာကျောင်း ပြောင်းရွှေ့လိုသူများ မေလ(၆) ရက်နေ့တွင် စာမေးပွဲဖြေဆိုရမည်”

“နိုင်ငံတကာကျောင်းများမှ အခြေခံပညာကျောင်း ပြောင်းရွှေ့လိုသူများ မေလ(၆) ရက်နေ့တွင် စာမေးပွဲဖြေဆိုရမည်” google

နိုင်ငံတကာကျောင်းများမှ အခြေခံပညာကျောင်းများသို့ပြောင်းရွှေ့တက်ရောက်လိုသော ကျောင်းသား/သူတွေအနေဖြင့် အရည်အချင်းစစ်စာမေးပွဲကို

မေလ(၆) ရက်နေ့မှာ ဖြေဆိုရမည်ဟု အခြေခံပညာဦးစီးဌာနမှ သိရပါသည်။

 

ထိုစာမေးပွဲကို တိုင်းဒေသကြီးနှင့် ပြည်နယ်ပညာရေးမှူးရုံးတွေ၏ အစီအစဉ်ဖြင့် ခရိုင်ရုံးစိုက်ရာမြို့နယ်များတွင် မေ(၆) ရက် ဖြေဆိုရမည် ဖြစ်ပါသည်။ပညာရေးဝန်ကြီးဌာန

အောက်ရှိ အခြေခံပညာကျောင်းများနှင့် ဝန်ကြီးဌာနမှ ခွင့်ပြုထားသော ကိုယ်ပိုင်ကျောင်းများတွင် ပြောင်းရွှေ့သင်ကြားလိုတဲ့နိုင်ငံတကာ

ကျောင်းတွေနှင့် နိုင်ငံတကာသင်ရိုးနှင့် သင်ကြားနေသည့် ပြည်တွင်းပုဂ္ဂလိကကျောင်းများက ကျောင်းသား/သူတွေ အနေဖြင့် အခြေခံပညာကျောင်းများတွင်

ဆက်လက်ပညာသင်ကြားလိုပါကလျှောက်ထားနိုင်ပါသည်ဟု သိရှိရပါသည်။

 

“ ဖြေဆိုတဲ့ရလဒ်ကို ကြည့်ပြီး Level တွေအရ ဘယ်အတန်းကို တက်လို့ရမယ်ဆိုတာမျိုးခွဲပေးမှာပါ၊ လာလျှောက်တဲ့ဦးရေ

အတိအကျတော့ မသိရသေးဘူး”လို့ ရန်ကုန်တိုင်းဒေသကြီး ပညာရေးမှူးရုံးမှ အဆင်မြင့် တာဝန်ရှိသူတစ်ဦးက ပြောပါသည်။

 

လျှောက်ထားသူက မိမိအောင်မြင်ပြီးမြောက်ခဲ့သည့် Level အရ တက်ရောက်သင်ကြားလိုသည့် အတန်းရဲ့ တစ်ဆင့်နိမ့်အတန်း Placement Test

ကိုလည်းကောင်း၊ ပညာရေးဝန်ကြီးဌာနရဲ့ အတန်းအလိုက်သတ်မှတ်ထားတဲ့ သင်ရိုးညွှန်းတမ်းအတိုင်းဘာသာရပ်တွေကို ဖြေဆိုရမှာဖြစ်ပါသည်။

 

ဖြေဆိုလိုတဲ့ အတန်းနှင့်ကျောင်း၊ မွေးသက္ကရာဇ်အရသက်ကိုက်ညီမှုရှိသူဖြစ်ဖို့လိုပါသည်။ မိမိတက်ရောက်ခဲ့သည့်ကျောင်းတွင်

ဖြေဆိုအောင်မြင်ပြီးခဲ့သည့် Level အတွက် ကျောင်းထောက်ခံချက်မူရင်း၊ အောင်လက်မှတ်မူရင်း ပူးတွဲတင်ပြရမည်ဟု သိရှိရပါသည်။

 

လျှောက်လွှာများကို တိုင်းဒေသကြီးနှင့် ပြည်နယ်ပညာရေးမှူးရုံးတွေမှာ ဧပြီ ၂၂ ရက်နေ့ နောက်ဆုံးထားလျှောက်ထားရမှာ ဖြစ်သည်ဟု သိရှိရပါသည်။

 

Source: ကုမုဒြာသတင်းဂျာနယ်

 

Read times
Rate this item
(1 Vote)