Sales Hotline : 09448001653       Download App



ရန်ကုန်တက္ကသိုလ် စာကြည့်တိုက်မှ စာအုပ်များကို ပြင်ပမှ စာဖတ်ဝါသနာ ပါသူများ ငှားရမ်းဖတ်ရှုနိုင်ပြီ

ရန်ကုန်တက္ကသိုလ် စာကြည့်တိုက်မှ စာအုပ်များကို ပြင်ပမှ စာဖတ်ဝါသနာ ပါသူများ ငှားရမ်းဖတ်ရှုနိုင်ပြီ

ဆရာ၊ ဆရာမ၊ ကျောင်းသား၊ ကျောင်းသူများအပြင် စာရေးဆရာစသည့် ပြင်ပမှ စာဖတ်ဝါသနာပါသူများကိုပါ Member ဝင်ခွင့်ပြုလိုက်သည့်အတွက် မည်သူမဆို ငှားရမ်းဖတ်ရှုနိုင်ပြီဖြစ်ကြောင်း ရန်ကုန်တက္ကသိုလ် စာကြည့်တိုက်မှူး ဒေါက်တာလှိုင်လှိုင်ကြီးထံမှ သိရသည်။

အခုလိုတိုးမြှင့်ပြီး ဝန်ဆောင်မှုပေးလိုက်တော့ စာကြည့်တိုက်ကို စိတ်ဝင်စားတဲ့သူတွေ ပိုများလာတယ်။

အရင်ကဆိုရင် စာတမ်းလာပြုစုတဲ့သူတွေ၊ စာလာဖတ်တဲ့သူတွေ၊ စာအုပ်ငှားတဲ့သူတွေက တစ်ရက်ကို လူဦးရေ ၁၀ဝ ကနေ ၁၅၀ ဝန်းကျင်ပဲရှိတယ်။

အခုဆိုရင် ၁၅၀ ကနေ ၂၀ဝ အထိ မြင့်တက်လာတယ်။ စနေနေ့ဆိုရင် အပြင်က စာဖတ်ဝါသနာပါသူတွေကပါ လာရောက် ငှားရမ်းကြတယ် ဟု ဒေါက်တာလှိုင်လှိုင်ကြီး ကပြောသည်။

ရန်ကုန်တက္ကသိုလ် စာကြည့်တိုက်မှ စာအုပ်များကို Member ဝင်ပြီးမှသာ ငှားရမ်းခွင့် ရရှိမည်ဖြစ်ပြီး ကျောင်းသားကတ်၊ ဝန်ထမ်းကတ်၊ မှတ်ပုံတင်ကတ်၊ ရပ်ကွက်မှ နေထိုင်ကြောင်းထောက်ခံစာ စသည့်တစ်မျိုးမျိုး ကိုပြ၍ Member ဝင်ရမည်ဖြစ်သည်။

စာအုပ်ငှားရမ်းရာတွင် ရန်ကုန်တက္ကသိုလ် မှဖြစ်ပါက စာအုပ်ငါးအုပ်အထိ ငှားရမ်းနိုင်ကာ မြန်မာစာအုပ်ငှားရမ်းပါက နှစ်ပတ်၊ အင်္ဂလိပ်စာအုပ် ငှားရမ်းပါက တစ်လငှားရမ်းနိုင်ပြီး ပြင်ပမှဖြစ်ပါက စာအုပ်နှစ်အုပ် အထိငှားရမ်းနိုင်ကာ မြန်မာစာအုပ်ငှားရမ်းပါက တစ်ပတ်၊ အင်္ဂလိပ်စာအုပ် ငှားရမ်းပါက နှစ်ပတ်ငှားရမ်းခွင့်ရရှိမည်ဖြစ်သည်။

အဆိုပါ စာကြည့်တိုက်ကို ယခင်က ရုံးချိန်အတွင်းသာ ဖွင့်လှစ်ခဲ့သော်လည်း ယခုအခါနံနက် ၉ နာရီခွဲမှ ညနေ ၅ နာရီခွဲအထိ တိုးမြှင့်ဖွင့်လှစ်ထားကာ စနေနေ့တွင်လည်းနံနက် ၁၀ နာရီမှ မွန်းလွဲ ၁ နာရီအထိ ဖွင့်လှစ်ပေးထားသည်။

ရန်ကုန်တက္ကသိုလ် စာကြည့်တိုက်တွင် တက္ကသိုလ်အတွင်းရှိ ဌာနပေါင်း ၂၀ အတွက်အထောက် အကူပြုသည့် စာအုပ်စာတမ်းများ၊ ပညာရပ်ဆိုင်ရာ စာအုပ်စာတမ်းများ၊ သုတ၊ ရသဆိုင်ရာ စာအုပ်စာတမ်းများစသည့် စာအုပ်စုစုပေါင်း တစ်သိန်းကျော်ရှိကြောင်း သိရသည်။

မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိကကျောင်းများကို ရှာဖွေလိုပါက ဒီ Link မှာရှာဖွေနိုင်ပါသည်။

ပညာရေးလမ်းညွှန် website တွင် ပါဝင်သော သင်တန်းများ ကျောင်းများScholarshipKnowledge များနှင့် ပတ်သက်သော အချက်အလက်များကို ၀င်ရောက်ရှာဖွေ ဖတ်ရှုနိုင်ပါတယ်။

source: မြ၀တီ

News Read 2256 times