News

Wednesday, 15 May 2019 10:37

" ၂၀၁၉ ခုနှစ်တက္ကသိုလ်ဝင်တန်း အောင်စာရင်းများကို အောက်ပါနေရာများတွင်ဝင်ရာက်ကြည့်ရှုနိုင်ပါသည် "

၁။ တက္ကသိုလ်ဝင်တန်း အောင်စာရင်းများကို မြို့နယ်အသီးသီးရှိ သက်ဆိုင်ရာ စာစစ်ဌာနကျောင်းများတွင် တစ်ချိန်တည်း ကပ်ထားမည်ဖြစ်ပါသည်။ ၂။ ထို့အပြင် - အင်းစိန်မြို့နယ်၊ အမှတ် (၁) အခြေခံပညာ အထက်တန်းကျောင်း၊ - ရန်ကင်းမြို့နယ်၊ အမှတ် (၁) အခြေခံပညာ အထက်တန်းကျောင်း၊ - ကမာရွတ်မြို့နယ်၊ အမှတ် (၃) အခြေခံပညာ အထက်တန်းကျောင်း၊ - လမ်းမတော်မြို့နယ်၊ အမှတ် (၁) အခြေခံပညာ အထက်တန်းကျောင်း၊ - ဒဂုံမြို့နယ်၊ အမှတ် (၂) အခြေခံပညာ အထက်တန်းကျောင်းနှင့် - သင်္ကန်းကျွန်းမြို့နယ်၊ အမှတ်(၁) အခြေခံပညာ အထက်တန်းကျောင်း တို့တွင်လည်း တိုင်းဒေသကြီး/ပြည်နယ်များ၏ အောင်စာရင်း များကို ကပ်ထားမည် ဖြစ်ပါသည်။ ၃။ တိုင်းဒေသကြီး/ပြည်နယ်အလိုက် အောင်စာရင်းများအား သက်ဆိုင်ရာ တိုင်းဒေသကြီး/ ပြည်နယ် ပညာရေးမှူးရုံးများတွင် လည်းကောင်း၊ ခရိုင်အလိုက် သိရှိလိုပါက သက်ဆိုင်ရာ ခရိုင်ပညာရေးမှူးရုံး များတွင် လည်းလည်းကောင်း၊ မြို့နယ်အလိုက် သိရှိလိုပါက သက်ဆိုင်ရာ မြို့နယ်ပညာရေးမှူးရုံး များတွင်လည်းကောင်း၊ မိမိတို့ ဖြေဆိုခဲ့သည့် ကျောင်းများတွင် လည်းကောင်း သွားရောက်ကြည့်ရှုနိုင်ပါသည်။   ၄။ အောင်စာရင်းထုတ်ပြန်သည့်နေ့တွင် ပညာရေးဝန်ကြီးဌာန Website ဖြစ်သော www.moe.gov.mm မှတစ်ဆင့်လည်းကောင်း၊ မြန်မာနိုင်ငံစာစစ်ဦးစီးဌာန Website ဖြစ်သော www.myanmarexam.org တွင်လည်းကောင်း ဝင်ရောက် ကြည့်ရှုနိုင်ရန် စီစဉ်ထားမည်ဖြစ်ကြောင်း အသိပေးအပ်ပါသည်   ၅။ အဆိုပါ Website တွင် ကြည့်ရှုရန် အခက်အခဲ ရှိပါက ကျမတို့၏ MMRD Call Center ဖြစ်သော ဖုန်းနံပါတ် 1876 သို့ ဖုန်းဆက် မေးမြန်းနိုင်ပါသည်။ ။ ဆက်သွယ်နိုင်သော အချိန်မှာ နေ့စဉ် နံနက် ၈ နာရီမှ ည ၈ နာရီအထိ ဖြစ်ပါသည်။     ၆။ ထို့အပြင် Google Play တွင်လည်း App ကို Install လုပ်၍ ဝင်ကြည့်နိုင်ပါသည်။၎င်း၏ Link မှာ   http://bit.ly/2HJxhLG   ဖြစ်ပါသည်။        

Monday, 29 April 2019 15:25

"အစိုးရနည်းပညာ အထက်တန်းကျောင်းများအတွက် သင်တန်းသားသစ်များခေါ်ယူခြင်း"

၁။ ပညာရေးဝန်ကြီးဌာနအောက်ရှိ အစိုးရနည်းပညာအထက်တန်းကျောင်းများ (ပူတာအို၊မြစ်ကြီးနာ၊ ဗန်းမော်၊ လွိုင်ကော်၊ ဘားအံ၊ မင်းတပ်၊ တီးတိန်၊ မော်လမြိုင်၊ စစ်တွေ၊ လားရှိုး၊ တောင်ကြီး၊ မြင်းခြံ၊ မန္တလေး၊ နေပြည်တော်၊ နေပြည်တော်၊ ခန္တီး၊ ကလေး၊ မုံရွာ၊ ချောင်းဦး၊ ပခုက္ကူဈ မကွေး၊ ပြည်၊ တောင်ငူ၊ ပုသိမ်၊ ဟင်္သာတ၊ မအူပင်၊ ထားဝယ်၊ မြိတ်၊ ကော့သောင်း) စုစုပေါင်း (၃၅) ကျောင်းတို့တွင် သင်တန်းသားများခေါ်ယူမည် ဖြစ်ပါသည်။   ၂။ လျှောက်ထားသူသည်... (က) အခြေခံပညာ အလယ်တန်း (အဋ္ဌမတန်း) အောင်မြင်သူဖြစ်ရပါမည်။ (ခ) နည်းပညာနှင့် သက်မွေးပညာလုပ်ငန်းသဘာဝအရ ကျန်းမာရေးကောင်းမွန်သူဖြစ်ပြီး လက်တွေ့လုပ်ငန်းနှင့် စက်ရုံ/ ကုမ္ပဏီများသို့ကွင်းဆင်ဆောင်ရွက်နိုင်သူဖြစ်ရပါမည်။   ၃။ ၂နှစ်သင်တန်းတွင် ထူးချွန်အောင်မြင်ပါက A.G.T.I ပထမနှစ်သင်တန်းသို့ သက်ဆိုင်ရာအစိုးရ စက်မှုလက်မှုသိပ္ပံများ၏ ၀င်ခွင့်ရေံးချယ်ရေးမှုများအတိုင်း လျှောက်ထားနိုင်မည်ဖြစ်ပါသည်။   ၄။ အစိုးရနည်းပညာအထက်တန်းကျောင်း ဒုတိယနှစ်သင်တန်းကို အောင်မြင်သည်ဖြစ်စေ။ ကျရှုံးသည်ဖြစ်စေ၊ တက္ကသိုလ်ဝင်တန်းစာမေးပွဲကြီးကို ၀င်ရောက်ဖြေဆိုလိုပါက ပြင်ပဖြေအနေဖြင့် ဝင်ရောက်ဖြေဆိုခွင့်ရရှိမည်ဖြစ်ပါသည်။   ၅။ အစိုးရနည်းပညာအထက်တန်းကျောင်း များသို့ တက်ရောက်ခွင့်ရရှိသော ကျောင်းသား၊ကျောင်းသူများအနေဖြင့် ပညာသင်ထောက်ပံ့ကြေးလျှောက်ထားလာပါက တစ်ဦးလျှင် တစ်လ(၃၀၀၀၀) နှုန်းဖြင့် သင်တန်းတက်သည့်ကာလများအတွင်း၊ ထောက်ပံ့ကြေးပေးအပ်မည့် အစီအစဉ်ရှိပါသည်။   ဖွင့်လှစ်မည်သင်တန်းများ... ၆။ အောက်ပါသင်တန်းမျာိးု ဖွင့်လှစ်သင်ကြာပေးပါမည်။ (က) အဆောက်အဦနည်းပညာသင်တန်း (Building Technology) (ခ) အီလက်ထရောနစ်ပညာသင်တန်း (Electronic Technology ) (ဂ) လျှပ်စစ်နည်းပညာသင်တန်း (Electrical Technology) (ဃ) မော်တော်ယာဉ်နည်းပညာသင်တန်း (Auto Mechanics Technology ) (င) စက်ပစ္စည်းအစိတ်အပိုင်းများ ထုတ်လုပ်ခြင်း နည်းပညာသင်တန်း (Refrigeration and Air Conditioning Technology) (စ) ရေခဲသေတ္တာနှင့် လေအေးပေးစက်နည်းပညာသင်တန်း (Air Conditioning Technology) (ဆ) သတ္တုပစ္စည်းထုတ်လုပ်မှုနည်းသင်တန်း (Metal Process Technology) (ဇ) သုတနည်းပညာသင်တန်း (Information Technology)   ၇။ ကျောင်းဝင်ခွင့်လျှောက်လွှာများကို မိမိတို့လျှောက်ထားလို့သည် အစိုးရနည်းပညာအထက်တန်းကျောင်းများတွင် ၂-၅-၂၀၁၉ ရက်မှစတင်ထုတ်ယူနိုင်သည်။ လျှောက်လွှာများကို ၁၆-၅-၂၀၁၉ ရက် နောက်ဆုံးထား၍ မိမိတို့သည့် အစိုးရနည်းပညအထက်တန်းကျောင်းသို့ လျှောက်လွှာတင်သွင်းရမည်ဖြစ်သည်။   ၈။ အသေးစိတ်သိရှိလိုပါက မိမိလျှောက်လွှာရယူသော အစိုးရနည်းပညာအထက်တန်းကျောင်းများတွင် ဆက်သွယ်မေးမြန်း စုံစမ်းနိုင်ပါသည်။   နည်းပညာ၊ သက်မွေးပညာနှင့် လေ့ကျင်ရေးဦးစီးဌာန

Wednesday, 24 April 2019 09:00

“အဌမတန်းအောင်မြင်ပြီးသူများအစိုးရနည်းပညာအထက်တန်းကျောင်း မေလ တွင်စတင်လျှောက်ထားနိုင်”

အခြေခံ ပညာအလယ်တန်းအဆင့် အဌမတန်းအောင်မြင်ပြီး အစိ်ုးရနည်းပညာ အထက်တန်းကျောင်းတက်ရောက်လိုသူများ မေ ၂ ရက်မှ ၁၆ ရက်အထိ သက်ဆိုင်ရာဒေသရှိ ကျောင်းများတွင် ဝင်ခွင့်လျှောက်ထားနိုင်ကြောင်း နည်းပညာသက်မွေးပညာနှင့် လေ့ကျင့်ရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာနေမျိုးထွန်း၏ ပြောဆိုချက်အရ သိရှိရပါသည်။ “ အဌမတန်း အောင်မြင်ပြီးသူတိုင်း နည်းပညာအထက်တန်းကျောင်းတွေမှာ ဝင်ခွင့်လျှောက်ထားနိုင်ပါသည်။နည်းပညာသက်မွေးပညာနှင့် လေ့ကျင့်ရေးဦးစီးဌာန အောက်မှာနည်းပညာအထက်တန်း ကျောင်းပေါင်း ၃၅ ကျောင်းရှိပါသည်။ တိုင်းဒေသကြီးနှင့် ပြည်နယ်အလိုက် အစိုးရနည်းပညာအထက်တန်းကျောင်း ၃၅ ကျောင်းစလုံးမှာ ဝင်ရောက်လျှောက်ထားလို့ရပါသည်။ အဓိကမှာ အဌမတန်း အောင်မြင်သူဖြစ်ရမည်။ အဌမတန်း အောင်မြင်ကြောင်း အထောက်အထားပြနိုင်ရပါမည်” ဟုဒေါက်တာနေမျိုးထွန်းမှ ပြောခဲ့ပါသည်။ အဆိုပါကျောင်းတွင် အင်ဂျင်နီယာပညာရပ်ကို အခြေခံသည့် သင်ခန်းစာများ သင်ကြားပေးမည်ဖြစ်ပါသည်။ နည်းပညာအထက်တန်းကျောင်းများတွင် ဘာသာရပ်ပေါင်း ခုနစ်ခုရှိပြီး (၂) နှစ်တက်ရောက်ရမည်ဖြစ်ပြီး ထူးချွန်သည့်ကျောင်းသား/ကျောင်းသူများ အနေဖြင့် အစိုးရစက်မှုလက်မှု သိပ္ပံကို တက်ရောက်ခွင့်ရမည် ဖြစ်ကြောင်းသိရပါသည်။ “အခုလို နည်းပညာကျောင်းတွေမှာ သင်ကြားပေးတဲ့အခါ ဆင်းရဲတဲ့ကလေးတွေ ပညာသင်ဆုလျှောက်ထားရင် တစ်လကို ငွေကျပ် (၃) သောင်း ထောက်ပံ့ပါသည်။သူတို့မိဘတွေအတွက် ကုန်ကျစရိတ်လည်းသက်သာမှာဖြစ်ပါသည်။ ကျွန်တော်တို့ဆီက တစ်နှစ်ပြီးလျှင်ထူးချွန်တဲ့ကလေးများသည် GTI လည်းတက်ရောက်ခွင့်ရမည် ဖြစ်သောကြောင့် အခွင့်အရေးကောင်းဖြစ်ပါသည်။ သင်တန်းပြီးဆုံးသွားလျှင် လုပ်ငန်းခွင်မှာလည်း ဝင်ရောက်လုပ်ကိုင်နိုင်မည်ဖြစ်သည်။ သင်တန်းကြေးပေးသွင်းရခြင်းမရှိပါ” ဟုဒေါက်တာနေမျိုးထွန်းက ပြောပါသည်။ အဆိုပါကျောင်းကို (၂) နှစ်တက်ရမည်ဖြစ်ပြီး(၂) နှစ် သင်တန်းတွင်ထူးချွန်စွာ အောင်မြင်ပါက AGTI ပထမနှစ် သင်တန်းကို တက်ရောက်နိုင်မည်ဖြစ်ပြီး အစိုးရနည်းပညာအထက်တန်း၏ အောင်လက်မှတ်ရရှိပါက အစိုးရဌာနများနှင့် ပုဂ္ဂလိကလုပ်ငန်းများတွင် စက်မှုလက်မှု ကျွမ်းကျင်လုပ်သားများအဖြစ် အလုပ်အကိုင်လျှောက် ထားနိုင်မည်ဖြစ်ကြောင်း သိရပါသည်။ Source: မြဝတီ

Friday, 05 April 2019 17:13

အမေရိကန်အထက်တန်းကျောင်းတွေမှာ eSport ကို သင်ရိုးအဖြစ် ထည့်သွင်း

ဗွီဒီယိုဂိမ်းတွေကို အမေရိကန်ပြည်နယ် ၈ ခုက အထက်တန်းကျောင်းတွေမှာ သင်ရိုးအဖြစ် ပြဌာန်းလိုက်ပြီ ဖြစ်ပါတယ်။          အမေရိကန်နိုင်ငံမှာ eSports ဗွီဒီယိုဂိမ်းတွေကို တရားဝင်ကျောင်းသင်ခန်းစာတွေအဖြစ် ပြီးခဲ့တဲ့နှစ် ဆောင်းတွင်းက ကော်နက်တီကပ် ၊ ဂျော်ဂျီယာ ၊ ကင်တပ်ကီ ၊ မက်ဆာချူးဆက် နဲ့ ရုဒ်အိုင်းစ်လန်းတို့ မှာ စတင်သင်ကြားခဲ့တာ ဖြစ်ပါတယ်။ လအနည်းငယ်ကြာပြီးနောက်မှာတော့ အလာဘားမား ၊ မစ္စစပီနဲ့ တက္ကဆက် ကျောင်းတွေ မှာလည်း eSports သင်ရိုးတွေ ထည့်သွင်းလာပြီလို့ ပြည်နယ် အထက်တန်း ကျောင်း အဖွဲ့ အစည်းဆိုင်ရာ အမျိုးသားဖက်ဒရေးရှင်းအဖွဲ့ အစည်းမှ ထုတ်ပြန်ချက်ကို ကိုးကားပြီး CNN သတင်းမှာ ဖော်ပြထားပါတယ်။ Newzoo သုတေသနကုမ္ပဏီရဲ့ အဆိုအရ ကမ္ဘာ့ eSports ဈေးကွက်ဟာ ၂၀၁၉ မှာ ဒေါ်လာ ၁ ဘီလျံကျော် ဝင်ငွေရှိတဲ့ ဈေးကွက်ဖြစ်လာမယ်လို့ ခန့် မှန်းထားပါတယ်။ eSports ပရိတ်သတ်ကလည်း ၂၀၁၉ ထဲမှာ လူပေါင်း ၄၅၄ သန်း ရှိလာမယ်လို့ ဒီသုတေသနက ခန့် မှန်းထားပါတယ်။ eSport ဂိမ်းဟာလည်း အသက်မွေးမှုတစ်ခုဖြစ်လာပြီး တစ်ချို့ ဂိမ်မာတွေဟာ ဂိမ်းကစားရင်းနဲ့ မိသားစုကို ထောက်ပံ့နိုင်ပြီ ဖြစ်ပါတယ်။ ကမ္ဘာ့ eSport လောကမှာ ပရိုအဆင့်ရှိတဲ့ ပလေယာတစ်ယောက်ဟာ တစ်နှစ်ကို ဒေါ်လာ သိန်းနဲ့ ချီ ဝင်ငွေရပြီး ပြိုင်ပွဲတွေမှာ အနိုင်ရမယ်ဆိုရင်တော့ ဒေါ်လာ သန်းပေါင်းများစွာ ရမှာဖြစ်ပါတယ်။ ဒါကြောင့်ပဲ ကျောင်းသင်ရိုးမှာ ဗွီဒီယိုဂိမ်းသင်ရိုးတွေ ထည့်သွင်းခြင်းကနေ ကျောင်းသားတွေဟာ ဝင်ငွေကောင်းပြီး ဘဝအာမခံချက်ရှိတဲ့ အသက်မွေးလုပ်ငန်းတစ်ခုထဲ ဝင်ရောက်နိုင်တော့မှာပါ။နယူးယော့ခ်တက္ကသိုလ်နဲ့ ကယ်လီဖိုးနီးယားတက္ကသိုလ်တို့ ဟာလည်း ဗွီဒီယိုဂိမ်းတွေကို ပညာသင်ဆုပေးလာပြီ ဖြစ်ပါတယ်။ ဂျော့ခ်ျဝါရှင်တန်တက္ကသိုလ်မှ အားကစားစီမံရေးရာ ပါမောက္ခ လီဆာနေရော့တီမှ eSports ဟာ ပုံမှန်အားကစား အမျိုးအစားတွေအတိုင်း ခေတ်စားလာနေပြီး eSport ပေါ် လူထုစိတ်ဝင်စားမှုနဲ့ တောင်းဆိုချက်တွေ မြင့်တက်နေတယ်လို့ ပြောပါတယ်။ တရုတ်နိုင်ငံ ဂျီနန်ပြည်နယ်က Lanxiang နည်းပညာကျောင်းမှာလည်း eSports ကို သင်ရိုးအဖြစ် ထည့်သင်နေပါတယ်။ တရုတ်နိုင်ငံက Lanxiang eSports ကျောင်းသားတွေဟာ ဗွီဒီယိုဂိမ်းကစားနည်း သင်ဖို့ တစ်နှစ်ကို ၁၄၇၀ ပေါင် ပေးရတယ်လို့ ဆိုပါတယ်။ ဒီကျောင်းသားတွေဟာ ကျောင်းချိန် တစ်ဝက်ကို ဂိမ်းကစားရင်း ကုန်ဆုံးပြီး ကျန်တဲ့ သင်တန်းချိန်တစ်ဝက်ကို အောင်မြင်တဲ့ ဂိမ်မာဖြစ်ဖို့ သီအိုရီပိုင်း သင်ကြားနေကြ ပါတယ်။ source: duwun

Monday, 01 April 2019 11:28

ပန်တျာနှင့်ပန်းချီ ပန်းပု ကျောင်းသား၊ ကျောင်းသူများကို ထောက်ပံ့ကြေး ပြန်ပေးမည်

မန္တလေးနှင့် ရန်ကုန်မြို့တို့တွင် ဖွင့်လှစ်ထားသော ပန်တျာနှင့် ပန်းချီပန်းပု ကျောင်းသား၊ ကျောင်းသူများကို ထောက်ပံ့ကြေးများ ပြန်လည်ပေးအပ်မည်ဖြစ်ကြောင်း သာသနာရေးနှင့်ယဉ်ကျေးမှု ဝန်ကြီးဌာန ဒုတိယဝန်ကြီး ဦးကြည်မင်းက ပြောကြားသည်။ ပန်တျာနှင့် ပန်းချီပန်းပုကျောင်းများအဖြစ ၁၉၅၂ ခုနှစ်တွင် စတင်ဖွင့်လှစ်ခဲ့ပြီး ၂၀၁၇-၂၀၁၈ ပညာသင်နှစ်မှ စ၍ ယနေ့ချိန်ထိ ၁၁ နှစ်တာ ကြာမြင့်သည်အထိ ထောက်ပံ့ကြေးမပေးနိုင် ခဲ့ကြောင်း ပြောကြားသည်။ “ရန်ကုန်နဲ့ မန္တလေးမြို့မှာ တည်ရှိပြီး အနယ်နယ်အရပ်ရပ်က တက်ရောက်သင်ကြားကြရတဲ့ ကျောင်သား၊ ကျောင်းသူများရဲ့ ဝါသနာဗီဇ ထက်သန်မှု ရိုးရာယဉ်ကျေးမှုကို မြတ်နိုးထိန်းသိမ်းလိုမှု စိတ်ဓာတ်များကို အလေးထား အသိအမှတ်ပြုပြီး ဝန်ကြီးဌာနအနေနဲ့ ရှေးယခင်ကလို အနုပညာအထက်တန်းကျောင်းသား ကျောင်းသူများအတွက် ပညာသင်ထောက်ပံ့ကြေးများ ပေးနိုင်ရန် စဉ်ဆက်မပြတ် ကြိုးပမ်း အားထုတ်ခဲ့ပါတယ်” ဟုပြောကြားသည်။ ထောက်ပံ့ကြေးများကို ၂၀၁၉-၂၀၂၀ ပညာသင်နှစ် ၂၀၁၉ ခုနှစ်၊ အောက်တိုဘာ ၁ရက်နေ့မှ စ၍ တစ်ဦးလျှင် ကျပ်သုံးသောင်းထောက်ပံ့ပေးမည်ဖြစ်ကြောင်း သာသနာရေးနှင့် ယဉ်ကျေးမှု ဝန်ကြီးဌာနထံမှ သိရသည်။ Source: thevoice

Friday, 29 March 2019 12:57

တက္ကသိုလ်ဝင်စာမေးပွဲ အဖြေလွှာစစ်ဆေးခ တစ်အုပ်လျှင် အသားတင်ကျပ် ၃၀၀ နှုန်း ထုတ်ပေးမည်

တက္ကသိုလ်ဝင်စာမေးပွဲ အဖြေလွှာ စစ်ဆေးသူ ဆရာ၊ ဆရာမများသည် စစ်ဆေးခ တစ်အုပ်လျှင် ကျပ် ၃၀၀ နှုန်း အသားတင်ရရှိမည်ဖြစ်ပြီး အဖြေလွှာစစ်ဆေး ခြင်းနှင့် ပတ်သက်သည့် အခြားကုန်ကျ စရိတ် များကို သီးခြား ထုတ်ပေးထားသည်။ ယခင်က အဖြေလွှာတစ်အုပ်လျှင် စစ်ဆေးခကျပ် ၁၀၀ ပေးအပ်ရာမှ ပြီးခဲ့သည့် ၂၀၁၈ တက္ကသိုလ်ဝင် စာမေးပွဲက စကာ ကျပ်၃၀၀ အထိ တိုးပေးထားပြီး သတ်မှတ်စစ်ဆေးခကို ဆရာ၊ ဆရာမများအား အပြည့် အ၀ထုတ်ပေး ရန် မြန်မာနိုင်ငံစာစစ်ဦးစီးဌာန က ညွှန်ကြားထားသည်။ မြန်မာနိုင်ငံ စာစစ်ဦးစီးဌာ နသည် ယခင်နှစ်များက အဖြေလွှာစစ်ဆေးခ တစ်အုပ်လျှင် ကျပ် ၁၀၀နှုန်း၊ Code ပြုလုပ်ခ ၁၀ ကျပ်၊ Decode ပြုလုပ်ခ ၁၅ ကျပ် ထုတ်ပေးသော်လည်း တိုင်းဒေသကြီးနှင့် ပြည်နယ် အချို့တွင် Code၊Decode ပြုလုပ်ခအတွက်ဆိုကာ နုတ်ယူခြင်းကြောင့် ဆရာ၊ ဆရာမများ စာစစ်ခ အပြည့်အ၀မရရှိ ဟု အခြေခံပညာဆရာ၊ ဆရာမအချို့ထံမှ ကြားသိရသည်။ ‘‘ထုတ်ပေးတာ တစ်အုပ်ကို ၃၀၀ ကျပ်ပဲ။ Code လုပ်ခက ၁၀ ကျပ်၊ Decode က ၁၅ ကျပ်။ အဲဒါတွေက သတ်သတ်ပေးတာ။ အ ဖြေလွှာတစ်အုပ်စစ်ရင်  ၃၀၀ ကျပ် ရကို ရရမှာပါ’’ဟု မြန်မာနိုင်ငံ စာစစ် ဦးစီး ဌာန ညွှန်ကြားရေးမှူး တစ်ဦးက ပြောသည်။ တက္ကသိုလ်ဝင်စာမေးပွဲ အဖြေလွှာများကို ဧပြီ ၁ မှ ၁၀ ရက်အထိ ရန်ကုန်၊ ဒဂုံ၊ မော်လမြိုင်၊ ပုသိမ်၊ စစ်တွေ၊ မြစ်ကြီးနား၊ တောင်ကြီး၊ မန္တလေး၊ မုံရွာနှင့်မကွေးတက္ကသိုလ် စာစစ်ဌာန ၁၀ခုတွင် အခြေခံပညာ ကျောင်းများမှ အထက်တန်းပြဆရာ၊ ဆရာမများနှင့် တက္ကသိုလ်ဆရာ၊ ဆရာမများက စစ်ဆေးမည်ဖြစ်သည်။ ၂၀၁၈ တက္ကသိုလ်ဝင် စာမေးပွဲအတွက်  ပါမောက္ခချုပ်များအား ကျပ် ၂၅၀,၀၀၀၊ ဒုတိယပါမောက္ခချုပ်များအား ကျပ် ၂၃၀,၀၀၀၊ ဌာနမှူးများ၊ စာစစ်မှူးချုပ်များအား ကျပ် ၁၂၀,၀၀၀၊ လက်ထောက်စာစစ်မှူး ချုပ်များအား ကျပ်၁၀၀,၀၀၀၊ မေးခွန်းပြုစုခ ချီးမြှင့်ငွေကျပ် ၁၀၀,၀၀၀၊ စာစစ်မှူးများအား ကျပ် ၉၀,၀၀၀၊ အဖြေလွှာ စစ်ဆေးမှုအတွက် တစ်အုပ်လျှင် ကျပ် ၃၀၀ နှုန်း တွက်ချက်တောင်းခံရန် မြန်မာနိုင်ငံ စာစစ်ဦးစီးဌာန က သတ်မှတ်ထားသည်။ တက္ကသိုလ်ဝင် စာမေးပွဲအ ဖြေလွှာ စစ်ဆေးရာတွင် Check(မင်နီဖြင့် စစ်ဆေးခြင်း)၊ Crossch  -eck (မင်အစိမ်းရောင်ဖြင့် စစ်ဆေးခြင်း)၊ Counter-Crossc  -heck ( မင်ခရမ်းရောင်ဖြင့် စစ်ဆေးခြင်း) သုံးကြိမ် စစ်ဆေးပြီး မှသာ အဖြေလွှာတစ်အုပ် စစ်ဆေးပြီးစီးသည်ဟု သတ်မှတ်ထား သည်။ တစ်နေ့လျှင် အဖြေလွှာ အုပ် ၂၀ ခန့်သာ စစ်ဆေးပြီးစီးကြောင်း စာစစ်အတွေ့အကြုံရှိ ဆရာ၊ ဆရာမများက ဆိုသည်။  ယခုနှစ် တက္ကသိုလ်ဝင်စာ မေးပွဲ ဖြေဆိုရန် စာရင်းပေးသွင်းထားသူ ၈၉၇,၉၉၄ ဦးရှိပြီး မြန်မာစာ ဘာသာရပ်ဖြေဆိုသည့်နေ့ တွင် ၈၅၁,၅၇၀ ဦး လာရောက်ဖြေဆိုရာ ပျက်ကွက်သူ လေးသောင်း ကျော် ရှိသည်။ Source; 7day

Friday, 22 March 2019 16:09

နဝမတန်း (ပြင်ပဖြေ) စာမေးပွဲ ဝင်ရောက်ဖြေဆိုလိုသူများ ယခုလ ၂၈ ရက်နောက်ဆုံးထား လျှောက်ထားရမည်

၂၀၁၉ ခုနှစ်အတွက် အခြေခံပညာ နဝမတန်း (ပြင်ပဖြေ) စာမေးပွဲကိုလာမည့် မေ ၂ ရက်မှ ၉ ရက်အထိ ကျင်းပပြုလုပ်မည်  ဖြစ်ရာ နဝမတန်း ကျရှုံးခဲ့သူများနှင့် အဌမတန်းအောင်မြင်ပြီး အကြောင်းအမျိုးမျိုးကြောင့် ကျောင်းဆက် မတက်နိုင်သူများသည် မတ် ၂၈ ရက် နောက်ဆုံးထားပြီး သက်ဆိုင်ရာ ကျောင်းအုပ်ကြီးများထံမှ နဝမတန်းကျရှုံးခဲ့ကြောင်းနှင့် အဌမတန်းအောင်မြင်ကြောင်း ထောက်ခံချက် မူရင်းများနှင့်အတူ လျှောက်ထားနိုင်ကြောင်း အခြေခံပညာ ဦးစီးဌာနမှ သိရသည်။ ဖြေဆိုရန် လျှောက်ထားခဲ့မည့် ကျောင်းသား၊ ကျောင်းသူများအနေဖြင့် သက်ဆိုင်ရာ မြို့နယ်ပညာရေးမှူးရုံးများတွင် ဖြေဆိုခွင့်ကတ်ပြားများကို ဧပြီလကုန်ပိုင်းတွင် ထုတ်ယူရမည် ဖြစ်သည်။ READ - ကမ္ဘာပေါ်ရှိ အကောင်းဆုံး တက္ကသိုလ် ၅ ခု လက်ရှိတွင် အကျဉ်းထောင်များသို့ရောက်ရှိနေသော အချဉ်ကျ နဝမတန်း ကျောင်းသား၊ ကျောင်းသူများကိုလည်း အဆိုပါ စာမေးပွဲဖြေဆိုခွင့်အား သက်ဆိုင်ရာတရားရုံးနှင့် ပညာရေးဝန်ကြီးဌာနမှ ခွင့်ပြုပါက အကျဉ်းထောင်များတွင် စာစစ်ဌာနများဖွင့်လှစ်ပြီး ဖြေဆိုစေမည် ဖြစ်သည်။ နဝမတန်းကျောင်းတွင်းစစ် (ပြင်ပဖြေ) စာမေးပွဲကို ဝင်ရောက်ဖြေဆိုသော ကျောင်းသား၊ ကျောင်းသူများ အများဆုံးလျှောက်ထားသည့်နေရာများမှာ မြို့ကြီးများနှင့် ရွှေ့ပြောင်းအလုပ်သမားများ အများဆုံး သွားလာ နေထိုင်ရာ ဒေသများဖြစ်ကြောင်း၊ တိုင်းဒေသကြီးပြည်နယ်အသီးသီးရှိ စာမေးပွဲဖြေဆိုလိုသူများ စာရင်းပြုစုခြင်း၊ စာဖြေဌာနများ စီစဉ်ပေးခြင်း၊ စာမေးပွဲကျင်းပခြင်းများကို မြို့နယ်ပညာရေးမှူးများကလည်းကောင်း၊ မေးခွန်းပြုစုခြင်း၊ အဖြေလွှာစစ်ဆေးခြင်း၊ အောင်စာရင်းထုတ်ပြန်ခြင်းတို့ကို ခရိုင် ပညာရေးမှူးများကလည်းကောင်း တာဝန်ယူဆောင်ရွက်ရမည်ဖြစ်သည်။ ပညာရေးဝန်ကြီးဌာနမှ နဝမတန်းပြင်ပဖြေအစီအစဉ်ကို ၁၉၉၉-၂၀၀၀ ခုနှစ်မှစတင်ပြီး ဆောင်ရွက်ခဲ့ပါသည်။ READ - တက္ကသိုလ်ဝင်စာမေးပွဲ အဖြေလွှာများကို စစ်ဆေးမည့် ဆရာ၊ ဆရာမများအနေဖြင့် မိမိစစ်ဆေးမည့်ဘာသာရပ်ကို သင်ကြားသူဖြစ်ကြောင်း ထောက်ခံချက်တင်ပြရမည် source: democracy

Friday, 22 March 2019 13:25

တက္ကသိုလ်ဝင်စာမေးပွဲ အဖြေလွှာများကို စစ်ဆေးမည့် ဆရာ၊ ဆရာမများအနေဖြင့် မိမိစစ်ဆေးမည့်ဘာသာရပ်ကို သင်ကြားသူဖြစ်ကြောင်း ထောက်ခံချက်တင်ပြရမည်

၂၀၁၉ ခုနှစ်၊ တက္ကသိုလ်ဝင်စာမေးပွဲအဖြေလွှာများကို မတ်လကုန်တွင် သက်ဆိုင်ရာ တက္ကသိုလ်များတွင် စတင်စစ်ဆေးမည်ဖြစ်သည်။ အဖြေလွှာစစ်ဆေးမည့် အခြေခံပညာမှ ဆရာ၊ ဆရာမများ စေလွှတ်ရာတွင် ဘာသာရပ်ကိုက်ညီမှုရှိသော ဆရာ၊ ဆရာမများကိုသာ စေလွှတ်စေရန် ညွှန်ကြားထားပြီး သက်ဆိုင်ရာ တက္ကသိုလ်များသို့ မတ် ၂၉ ရက် အရောက် သက်ဆိုင်ရာ ဘာသာရပ်ပါမောက္ခများထံ သတင်းပို့ရမည်ဖြစ်သည်။ ဆရာ၊ ဆရာမများအနေဖြင့် အဖြေလွှာစစ်ဆေးရန် လာရောက်သည့်အခါတွင် မိမိစစ်ဆေးမည့် ဘာသာရပ်သင်ကြားသူဖြစ်ကြောင်းကို ထောက်ခံချက်များ တစ်ပါတည်းယူဆောင်လာရမည်ဖြစ်သည်။ တက္ကသိုလ်ဝင်စာမေးပွဲ အဖြေလွှာစစ်ဆေးရန်အတွက် အခြေခံပညာကဏ္ဍမှ ဘာသာရပ်အလိုက် သတ်မှတ်ချက်များနှင့်ကိုက်ညီသော လုပ်သက် ၃ နှစ်အထက် ဆရာ၊ ဆရာမများကို ရွေးချယ်ထားပြီး မြို့နယ်အလိုက် တောင်းခံထားသော ဆရာ၊ ဆရာမအင်အားစာရင်း ပြည့်မီခြင်းမရှိပါက ဘာသာရပ်အလိုက် လုပ်သက် ၃ နှစ်အောက်ရှိသော အထက်တန်းပြ ဆရာ၊ ဆရာမများကိုပါ ရွေးချယ်စေလွှတ်ရမည် ဖြစ်သည်။ အဖြေလွှာစစ်ဆေးရန် တာဝန်ပေးအပ်ခြင်းခံရသည့် ဆရာ၊ ဆရာမများအနေဖြင့် အဖြေလွှာစစ်ဆေးရန် ကျန်းမာရေးအခြေအနေအရ မသင့်တော်ပါက မြို့နယ်ကုသ/ပြည်သူ့ ကျန်းမာရေးဦးစီးဌာနမှူး၏ ဆေးစာပါရှိရမည်ဖြစ်သည်။ အထူးကု/ပြင်ပဆေးခန်းများတွင် ပြသပြီး ရယူလာသော ဆေးစာများကို လက်ခံမည်မဟုတ်ပါ။ အဖြေလွှာစစ်ဆေးချိန်တွင် ကိုယ်ဝန်ရှိသူ၊ မီးဖွားခွင့်ခံစားနေရသူများကို အဖြေလွှာစစ်ဆေးခြင်းမှ ပယ်ဖျက်ပေးသွားမည်ဖြစ်သည်။ ယခုနှစ်တွင် တစ်နိုင်ငံလုံးအတိုင်းအတာဖြင့် ကျောင်းသား၊ ကျောင်းသူ ရှစ်သိန်းငါးသောင်းခန့် ဖြေဆိုခဲ့သည်။ READ - ယခုနှစ်မှစ၍ ပညာရေးကောလိပ်လျှောက်ထားမည့်သူများကို တက္ကသိုလ်ဝင်ခွင့်လမ်းညွှန်မှသာ ခေါ်ယူမည် source: democracy

Thursday, 21 March 2019 14:00

ယခုနှစ်တွင် တက္ကသိုလ်ဝင်တန်း သင်ယူပြီးမြောက်မှုလက်မှတ် မထုတ်ပေးနိုင်ပါက လာမည့်နှစ်တွင် ထုတ်ပေးမည်

တက္ကသိုလ်ဝင်စာမေးပွဲ မအောင်မြင်သူများကို အခြေခံပညာသင်ယူပြီး မြောက်မှု လက်မှတ်ထုတ်ပေးရန် ဆောင်ရွက်လျက်ရှိရာ ယခုနှစ်တွင် မထုတ်ပေးနိုင်ပါက လာမည့် နှစ်တွင် ထုတ်ပေးမည်  ဖြစ်ကြောင်း အခြေခံပညာဦးစီးဌာန တာဝန်ခံ ညွှန်ကြားရေးမှူးချုပ် ဦးကိုလေးဝင်း၏ ပြောဆိုချက်အရ သိရသည်။ လက်မှတ်ထုတ်ပေးရာတွင် တက္ကသိုလ်ဝင်တန်းတက်ရောက်နေသော ကျောင်းသား၊ ကျောင်းသူများကို သတ်မှတ်ချက်နှင့်အညီ အခြေခံပညာသင်ယူပြီးပါက လက်မှတ်ထုတ်ပေးမည် ဖြစ်သည်။ ယင်းကဲ့သို့ ထုတ်ပေးနိုင်ရန် သက်ဆိုင်ရာ ပညာရေးမှူးရုံးများမှ အကြံပြုချက်များကို အခြေခံပညာဦးစီးဌာနက တောင်းခံထားပြီး အကြံပြုချက်များအရ တက္ကသိုလ်ဝင်တန်း ကျောင်းသား၊ ကျောင်းသူ များသည် ကျောင်းတက်ရောက်မှု ၇၅ ရာခိုင်နှုန်း၊ ကျောင်းတွင်း စာမေးပွဲဖြေဆိုမှု လေးကြိမ်၊ ဘာသာရပ်အလိုက် ပျမ်းမျှအဆင့် C ရရှိထားပါက အခြေခံပညာသင်ယူပြီးမြောက်မှု လက်မှတ်ထုတ်ပေးရန် အနိမ့်ဆုံး စံသတ်မှတ်မှုကြမ်းရရှိထားသည်။ READ - ရန်ကုန်ပညာရေးတက္ကသိုလ်တွင် ဘာသာရပ် (၉) ခု အတွက် အချိန်ပိုင်းနည်းပြများ ခေါ်ယူ "အခုထုတ်ပေးဖို့ အစီအစဉ်ရှိပေမယ့် ဒီနှစ်အတွင်း မပေးနိုင်ရင် လာမယ့်နှစ်မှာ ထုတ်ပေးမှာပါ။ ကျောင်းသား၊ ကျောင်းသူ တွေအနေနဲ့ သတ်မှတ်စံနှုန်းတော့ ပြည့်မီဖို့ လိုပါတယ်။ အကြောင်းအမျိုးမျိုးကြောင့် ပြင်ပရောက်ရှိသွားရင် ဒီအသိအမှတ်ပြု လက်မှတ်က တခြားလုပ်ငန်းတွေ ဝင်ရောက်လုပ်ကိုင်ရာမှာ အဆင်ပြေစေမှာပါ။ အားလုံးရဲ့  သဘောထား မှတ်ချက်တွေကို ရယူပြီး လက်မှတ်ထုတ်ပေးဖို့ ဆောင်ရွက်နေပါတယ်။ ကျောင်းပညာကို အပြည့်အဝသင်ကြားခဲ့ပြီး အသိအမှတ်ပြု လက်မှတ်မရှိတဲ့ ကျောင်းသား၊ ကျောင်းသူ တွေက နစ်နာပါတယ်" ဟု ပြောသည်။ ယင်းလက်မှတ်ထုတ်ပေးရန် အနိမ့်ဆုံး စံသတ်မှတ်ချက်များနှင့် အကောင်အထည်ဖော်ဆောင်ရွက်ရေးစာတမ်းကို ၂၀၁၈ ခုနှစ် ဒီဇင်ဘာလ ပထမပတ်က ကျင်းပသော ပညာရေးဖွံ့ဖြိုးတိုးတက်မှု အကောင်အထည် ဖော်ရေးနှီးနှောပွဲတွင် ဖတ်ကြားခဲ့သည်။ ထို့ပြင် တက္ကသိုလ်ဝင်စာမေးပွဲ အောင်မြင်သူများသာ တက္ကသိုလ်ဝင်တန်းအောင်လက်မှတ် ရရှိထားသော်လည်း မအောင်မြင်သည့် ၇၀ ရာခိုင်နှုန်းသော ကျောင်းသား၊ ကျောင်းသူအများစုသည် ၁၁ နှစ်တာ ပညာသင်ယူခဲ့သော်လည်း အသိအမှတ်ပြု လက်မှတ်မရရှိသဖြင့် နစ်နာသည်ဟု အမျိုးသားပညာရေး ကော်မရှင် ခြောက်လတာလုပ်ငန်း အစီရင်ခံစာတွင် သုံးသပ်ဖော်ပြထားသည်။ READ - မဟာပညာရေးဘွဲ့ (အရည်အချင်းစစ်) M.Ed(Q) သင်တန်းဝင်ခွင့် စာမေးပွဲ လျှောက်လွှာခေါ်ယူခြင်း source: မြဝတီ

Thursday, 21 March 2019 09:00

တက္ကသိုလ်ဝင်စာမေးပွဲဖြေဆိုခွင့် ကတ်ပြားများတွင် အချက်အလက်မှားယွင်းပါက ဧပြီအထိ ပြင်ဆင်ခွင့်ပြု

တက္ကသိုလ်ဝင်စာမေးပွဲ ဖြေဆိုခွင့်ကတ်ပြားများတွင် အချက်အလက်မှားယွင်းဖြည့်သွင်းမိပါက ဧပြီမတိုင်မီ ပြင်ဆင်ခွင့်ပြုမည်ဟု မြန်မာနိုင်ငံ စာစစ်ဦးစီးဌာန ညွှန်ကြားရေးမှူးချုပ် ဦးမျိုးညွန့်က ပြောသည်။ တက္ကသိုလ်ဝင်စာမေးပွဲ ဖြေဆိုခွင့်ကတ်ပြားများတွင် ဖြေဆိုသူအမည်၊ အဘအမည်၊ မွေးသက္ကရာဇ်စသည့် အချက်အလက်များကို မှန်ကန်စွာ ဖြည့်သွင်းရန် ညွှန်ကြားထားသော်လည်း နှစ်စဉ်မှားယွင်းမှုများ ကြုံတွေ့နေရခြင်းကြောင့် ပြန်လည်ပြင်ဆင်ခွင့်ပြုခြင်း ဖြစ်သည်။ "ကတ်ပြားများကို ပေးလိုက်ပြီဆိုတာနဲ့ ကတ်ပြားပါ အချက်အလက်များကို တိုက်ဆိုင်စစ်ဆေးဖို့ ကျောင်းအုပ်ကြီးတွေကို ညွှန်ကြားထားပါတယ်။ မှားရင် ချက်ချင်းပြင်လို့ရတယ်။ စာမေးပွဲဖြေနေစဉ် မှာတွေ့တယ်ဆိုရင်လည်း စာမေးပွဲ ပြီးတဲ့အခါ ကတ်ပြားလာအပ်ရင် ကွဲလွဲချက် ပို့ပြီး ပြင်လို့ရတယ်။ သင်္ကြန်မတိုင်ခင် တက္ကသိုလ်ကို မပို့ခင် ပြန်ပြင်ပေးတယ်" ဟုပြောသည်။ တက္ကသိုလ်ဝင်စာမေးပွဲဖြေဆိုမည့်သူများအတွက် ဘာသာတွဲအလိုက် အစိမ်းရောင် ဖြေဆိုခွင့်ကတ်ပြား၊ ပန်းရောင်းဖြေဆိုခွင့်ကတ်ပြားများကို မြန်မာနိုင်ငံစာစစ်ဌာနက ထုတ်ပေးပြီး စာမေးပွဲဖြေဆိုမည့် ပထမဆုံးရက်တွင် ဖြေဆိုခွင့်ကတ်ပြားကို စာမေးပွဲခန်းအတွင်း တစ်ပါတည်းယူဆောင်လာရသည်။ ဖြေဆိုခွင့်ကတ်ပြားကို နေ့စဉ်စာမေးပွဲခန်းသို့ ယူဆောင်လာရပြီး နောက်ဆုံးဖြေရမည့် ဘာသာရပ်အပြီးစာမေးပွဲခန်းမှ မထွက်ခွာမီ ကတ်ပြားကို စာမေးပွဲခန်းစောင့် ဆရာ၊ ဆရာမ (လက်ထောက် ကြီးကြပ်ရေး မှူး) ထံ အပ်နှံရမည်ဟု မြန်မာနိုင်ငံစာစစ်ဦးစီးဌာနက စည်းကမ်းချက်ထုတ်ထားသည်။ စာမေးပွဲပြီးဆုံးပြီးနောက် အောင်စာရင်း ထုတ်ပြန်ခြင်း၊ အောင်လက်မှတ် ထုတ်ပေးခြင်းများ၊ အစိုးရဝန်ထမ်းအလုပ်အကိုင်များအတွက် ထိုကတ်ပြားပေါ်မှ အချက်အလက်မှား အတိုင်းသာ တွက်ချက် စဉ်းစားခြင်းကြောင့် ထိုကတ်ပြားပေါ်မှ အချက်အလက်များ မှန်ကန်ရန် အရေးကြီးသည်ဟု မန္တလေးတိုင်း ဒေသကြီးမှ အထက်တန်းပြဆရာမတစ်ဦးကရှင်းပြသည်။ ၂၀၁၉ ခုနှစ် တက္ကသိုလ်ဝင်စာမေးပွဲကို မတ်လ ၆ ရက်မှ ၁၅ ရက်အထိ ကျင်းပခဲ့သည်။ ယခုနှစ် တက္ကသိုလ်ဝင်စာမေးပွဲ ဖြေဆိုရန် စာရင်းပေးသွင်းသူ ၈၉၇, ၉၉၄ ဦး ရှိပြီး မြန်မာစာ ဘာသာရပ်ဖြေဆိုသည့်နေ့တွင် ၈၅၁, ၅၇၀ ဦးလာရောက်ဖြေဆိုပြီး ပျက်ကွက်သူ လေးသောင်းကျော်ရှိသည်။ READ - PPTT ရေးဖြေအောင်စာရင်းများ မတ် ၂၅ ရက်တွင် ထုတ်ပြန်မည် source: 7day